Quran+ki+Barkat

قرآن نماز کی برکات

قرآن نماز کی برکات

اَلْحَمْدُلِلّٰہِ نَحْمَدُہ وَنَسْتَعِیْنُہ وَنَسْتَغْفِرُہ وَنُوْمِنُ بِہ وَنَتَوَکَّلُ عَلَیْہ  ۔۔ وَنَعُوْذُ بِاللّٰہِ مِنْ شُرُوْرِ اَنْفُسِنَا وَمِنْ سَیِّاٰتِ اَعْمَالِنَا  ۔۔ مَنْ یَّھْدِہِ اللّٰہُ فَلاَ مُضِلَّ لَہ وَمَنْ یُّضْلِلْہُ فَلاَ ھَادِیَ لَہ  ۔۔ وَنَشْھَدُ اَنْ لاَّ اِلٰـہَ اِلاَّ اللّٰہُ وَحْدَہ لاَ شَرِیْکَ لَہ   وَنَشْھَدُ اَنَّ مُحَمَّداً عَبْدُہ وَرَسُوْلُہ  ۔۔

 اَمَّا بَعْد۔۔۔۔ُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ۔۔۔ بِسْمِ اللّٰہِ الرَّحْمٰنِ الرَّحِیْمِ  ۔۔۔ قُلْ ھٰذِہ سَبِیْلِیْ اَدْعُوْا اِلَی اللّٰہ ۔۔۔ عَلٰی بَصِیْرَۃٍ اَنَا وَمَنِ اتَّبَعَنِیْ۔۔۔ وَسُبْحَنَ اللّٰہ وَمَا اَنَا مِنَ الْمُشْرِکِیْن۔۔۔وَقَالَ النَّبِیُّ صلی اللّٰہ علیہ وسلم۔۔۔ یَا اَبَا سُفْیَان جِئتُکُمْ بِکَرَامَۃِ الدُّنْیَا وَالْآخِرَۃ 

میرے بھائیوں اور دوستو!

ہم اللہ کی ذات کو مقصودبنا کر زندگی نہیں گزار رہے ہیں ،ہم اپنے مقصد سے بھٹکے نہیں بلکہ بڑے دور چلے گئے ہیں۔۔۔۔راہ ایسا بھٹکے کہ نہ راہ رہی۔۔۔۔۔ نہ راہی رہا۔۔۔۔۔رہبر رہا۔۔۔۔۔ نہ منزل رہی۔۔۔۔۔سامان بھی لٹا۔۔۔۔۔قافلے سے بھی بچھڑے۔۔۔۔۔نہ آگے کا پتا نہ پیچھے کا پتا۔۔۔۔۔۔ہم اس مسافر کی طرح ہیں جو مال ومتاع بھی گم کرچکا اور قافلے سے بھی بچھڑ چکا ہے،آگے رات تاریک ہے۔۔۔۔سفر بڑا لمبا ہے۔۔۔۔۔ منزل کا پتہ نہیں کٹی پتنگ کی طرح اسے نہیں پتہ کہ کس تار میں پھنسنا ہے۔۔۔۔۔کس جھاڑی میں الجھنا ہے۔۔۔۔۔؟کس درخت میں اٹکنا ہے۔۔۔۔۔۔؟کونسے کانٹے نے میرے سینے کو چیرنا ہے؟

اس اندھی انسانیت کو اللہ کی طرف متوجہ کرنا یہ تبلیغ کی محنت کا مقصد ہے،ہمارے مردوں اور عورتوں کا نشہ اترے اور وہ اللہ کی ذات کو مقصد بنا کر زندگی گزارنا سیکھیں۔

اللہ پر مرناسیکھیں ۔۔۔۔اللہ پرمٹناسیکھیں۔۔۔۔۔۔اللہ کے لئے جینا سیکھیں۔۔۔۔۔خوشی وہ ہو جو اللہ کو پسند ہو۔۔۔۔غم وہ ہو جو اللہ کو پسند ہو۔۔۔۔اظہار بھی وہ ہو جو اللہ کو پسند ہو ۔۔۔اخفا بھی وہ ہوجو اللہ کو پسند ہو۔۔۔۔ 

احمقوں کی دنیا 

ہم لوگوں کی نظر میں جچ جائیں اس سے ہمارا مسئلہ حل نہیں ہو گا،یاد رکھنا اللہ کی نظر میں جچیں گے تب مسئلہ حل ہوگا۔

ایک لڑکی دلہن بنائی جارہی۔۔۔۔سجائی جارہی۔۔۔۔۔اس کی سہیلیاں کہنے لگیںکہ ،بہت خوبصورت لگ رہی ہو۔۔۔۔وہ رونے لگی۔۔۔۔اس نے کہا تمہاری نظروں میں جچنے سے میرا کام نہیں بنے گا،میں جس کے ہاں جارہی ہوں جب تک اس کی نظروں میں نہ جچ جائوں اس وقت تک میرا مسئلہ حل نہیں ہوگا۔

!میرے بھائیو اور بہنو 

یہ اندھی دنیا ہے…یہ دیوانوں کی دنیا ہے…یہ احمقوں کی دنیا ہے…یہ جاہلوں کی دنیا ہے…

ان کی نظروں میں جچ جانے سے نہ کسی مرد کا کام بنے گا، نہ کسی عورت کا کام بنے گا،بس اللہ کی نظر میں جچ جانے سے ہمارے کام بنیں گے،پھر چاہے،

٭ کوئی ہمیں جانے یا نہ جانے۔۔۔۔۔۔۔۔

٭ کوئی ہمیں مانے یا نہ مانے۔۔۔۔۔۔۔۔۔۔۔

٭ کوئی ہمیں دیکھے یا نہ دیکھے۔۔۔۔۔۔۔۔۔۔

٭ کوئی ہمیں پوچھے یا نہ پوچھے۔۔۔۔۔۔۔۔

 ٭ کوئی ہمیں چاہے یا نہ چاہے۔۔۔۔۔۔۔۔۔۔

٭ کوئی ہمیں قریب کرے یا دور کرے۔۔۔۔

٭ کوئی محبت کرے یا نفرت کرے۔۔۔۔۔۔۔

٭ کوئی سلام کرے یا ٹھکرا دے۔۔۔۔۔۔۔۔۔۔۔

دل دماغ سے غلاظتیں نکال پھینکو

ہمارا مسئلہ اوپر سے حل ہوچکا ،ہمارا کام بن گیا ،ہم اللہ کو راضی کر چکے ،یہ مقصود ہے۔۔۔۔۔یہ مطلوب ہے۔ہرفیکٹری والے کو۔۔۔۔۔ہر مل والے کو۔۔۔۔۔ہر ریڑھی چلانے والے کو۔۔۔۔ہر غریب کو۔۔۔۔۔

ہر امیر کو۔۔۔۔ہر بوڑھے کو۔۔۔۔ہر جوان کو۔۔۔۔۔۔ ہر مرد کو۔۔۔۔۔ ہر عورت کو۔۔۔۔۔ یہ جان لینا چاہیے کہ زندگی کا مقصد یہ ہے کہ اس کے دل و دماغ میں اللہ اور اس کا رسول رچ جائے۔کیڑے کی طرح گناہ ہی گناہ ہیں،غلاظتیں ہی غلاظتیںہیں،کیا دکھائیں گے اللہ تعالیٰ کو ،یہ کیسا قافلہ ہے ،

جو راہ میں بھٹک چکا ہے۔۔۔۔۔۔۔۔۔۔منزل بھی بھٹک چکا ہے۔۔۔۔۔۔۔۔۔۔

متاع بھی لٹا چکا ہے۔۔۔۔۔۔۔۔۔۔۔۔۔۔پھر بھی مست ہے۔یہ کیسا کارواں ہے؟

اللہ کے واسطے بھائیو 

میری بات سمجھو،میں کوئی مقرر نہیں ہوں۔۔۔۔۔۔۔۔میں خود درد مند ہوں۔۔۔۔۔۔میں خود اس منزل تک پہنچنا چاہتا ہوں۔۔۔۔۔شور مچا رہاہوں شاید کوئی اور بھی ساتھ چلنے والا مل جائے۔۔۔۔۔اکیلے سفر کرنا مشکل ہوتا ہے۔۔۔۔۔۔منزل بھٹکی ہوئی ہے۔۔۔۔۔۔۔۔۔۔۔۔انسانیت بھٹکی ہوئی ہے۔۔۔

توبہ کرو بھائیو !اس زندگی سے جس پر ہم چل پڑے ،یہ بھی کوئی زندگی ہے۔گانا۔۔۔۔۔ ،ناچنا۔۔۔۔۔ ،کھانا۔۔۔۔۔۔،پینا۔۔۔۔۔ ،پہننا۔۔۔۔۔ پرونا۔۔۔۔۔۔یہ بھی کوئی زندگی ہے اور مر کے جاکے قبروں میں سوجانا اور بھولی بسری داستان بن کے صفحہ ہستی سے مٹ جانا ،یہ بھی کوئی زندگی ہے۔

اے میری امت نماز نہ چھوڑنا

میرے بھائیو ! حضرت محمد  ﷺ جو اپنی امت پر احسان کر گئے ہیں کوئی اور نبی نہیں کرسکتا ۔موت کے وقت ہر کوئی اپنی اولاد کو بلاتا ہے۔آپ  ﷺ نے موت کے وقت بھی کھڑکی کھول کر اپنی امت کو دیکھا ،اور آخری وقت میں بھی آپ  ﷺ اپنی امت کو پکار رہے ہیں۔

الصلوٰۃ وما ملکت ایمانکم۔۔۔۔۔اے میری امت نماز نہ چھوڑنا ،نماز پڑھتے رہنا ،غلاموں سے اچھا سلوک کرنا ،آخری وقت بیویوں کو کہتے اور کچھ حضرت حسن رضی اللہ عنہ اور حسین رضی اللہ عنہ کو کہتے ۔۔۔۔لیکن انہیں پوری امت کی فکر ہے۔پھر آواز اور کمزور ہوگئی،الصلوٰۃ۔۔۔ الصلوٰۃ۔۔۔ الصلوٰۃ یہی کہتے کہتے آپ  ﷺ کا وصال ہوگیا ،نماز، نماز کہتے ہوئے دنیا سے چلے گئے۔

نماز اللہ اور بندے کے درمیان بات چیت کا ذریعہ ہے۔اللہ تعالیٰ حدیث قدسی میں فرماتے ہیں۔نماز میرے اور بندے کے درمیان آپس میں بات چیت ہے،

میرا بندہ کہتا ہے!۔۔۔۔۔۔۔ الحمداللہ رب العالمین۔۔۔۔۔۔ 

میں جواب دیتا ہوں۔۔۔۔۔۔حمدنی عبدی۔۔۔۔ میرا بندہ میری تعریف کر رہا ہے

 میرا بندہ کہتا ہے۔۔۔۔۔۔الرحمن الرحیم۔۔۔۔۔۔۔۔۔

میں کہتا ہوں۔۔۔۔۔۔۔۔ اثنی عبدی۔۔۔۔۔ میرا بندہ میری ثنا بیان کررہا ہے۔

 بندہ کہتا ہے۔۔۔۔۔۔ ملک یوم الدین ۔۔۔۔۔۔۔۔۔

میں کہتا ہوں۔۔۔۔۔ مجدنی عبدی۔۔۔۔۔ میرا بندہ میری بزرگی بیان کررہا ہے۔

 میرا بندہ کہتا ہے۔ ایاک نعبد وایاک نستعین۔۔۔۔۔ تجھ ہی سے مانگتے ہیں اور تیری عبادت کرتے ہیں ۔

میں کہتا ہوں۔۔۔۔ ھذابینی وبین عبدی۔۔۔۔۔ یہ میرے اور میرے بندے کے درمیان ہے۔

 عبادت میرے لئے اور مانگنا میرے بندے کے لئے ہے۔اے بندے! مانگ ،اب میں تیری طرف متوجہ ہوں اب جو تو مانگے گا تجھے دوں گا۔

نماز کی پابندی کرو اور کرائو

اذان ہوجائے تو سارے بازار بند ہوجائیں کیسی عجیب بات ہے؟ ہڑتال ہوجائے تو زبردستی بند کروانے پڑتے ہیں۔ اذان ہو تو سارے بازار کھلے پڑے ہیں۔اذان کے بعد نماز کے لئے بازار بند کروائیں پھر دیکھو کیسا سونا برستا ہے آپ کی دکانوں میں ۔

بازار سنسان ہوجائیں کیا ہوا ؟ کہا نماز ہورہی ہے۔ادھر دکانوں کو بھی نمازکے تابع کردیتے ہیں کہیں ایک بجے ،کہیں ڈیڑھ بجے ،کہیں دو بجے ،ایک بھائی ادھر پڑھ لیں۔۔۔۔۔۔ ایک بھائی ادھر پڑھ لیں،دوکان چلتی رہے  دوکان بند نہ ہو۔بند کر دودکانوں کو اذان کے بعد ۔

 جو کام اذان سے پہلے بن رہا تھا ابھی وہی کام دوکان بند کرنے سے بنے گا اللہ کے سامنے سرجھکائو کہ نماز سے عشق ہوجائے حدیث میں ہے

 جعلت عینی فی الصلوٰۃ۔۔۔۔۔۔۔۔۔۔۔۔ میری آنکھوں کی ٹھنڈک نماز ہے

جو صحیح طریقہ سے نماز پڑھتا ہے اللہ کی قسم مصلے پر بیٹھے بیٹھے اللہ اس کا مسئلہ حل کردے گا،پھر تھانیدار یا کسی وزیر کے پاس جانا نہیں پڑے گا اس کو اس کی جائے نماز کافی ہے۔کونسی نماز۔۔۔۔۔۔۔۔؟ جب کہے اللہ اکبر تو سلام پھیرنے تک اور کوئی نہ آنے پائے نگہبان بٹھادیں خبر دار اب کوئی نہ آئے ،یہ نماز آپ سیکھ لیں اللہ اکبر اب اللہ کے سوا کوئی نہ آئے سلام پھیرنے تک آپ ہوں اور اللہ ہو۔۔۔ پھر دیکھو کہ اس نماز سے کیا ہوتا ہے۔

 !نمازوں کو سیکھیں

میرے بھائیو!یہ سیکھنا پڑے گا ۔۔۔۔۔۔نماز پڑھیئے۔۔۔۔۔ یہ نماز ایسے نہیں آئے گی ۔۔۔۔۔۔محنت کرنے سے یہ نماز پیدا ہوگی۔۔۔۔۔۔اتنی جاذبیت ہے نماز میں۔۔۔۔۔ کہ ایک شخص کہتا ہے کہ میں حرم شریف میں بیٹھا ہوا تھا۔۔۔۔حضرت علی رضی اللہ عنہ آئے۔۔۔ جوتا ہاتھ میں ۔۔۔۔۔۔۔داڑھی سے وضو ٔ کا پانی ٹپک رہا ہے۔۔۔۔۔۔جوتے کو رکھا۔۔۔۔۔۔۔نماز کی نیت باندھی۔۔۔۔۔کہتا ہے میں دیکھتا رہا کہ یہ کہاں رکوع کرتے ہیں،جو گاڑی چلی چلتی رہی حتی کہ والناس پہ جا کر رکوع کیا ایک رکعت میں پورا قرآن ہمیں تو ۔۔۔قل ہواللہ احد۔۔۔۔ بھی لمبی نظر آتی ہے۔

تو نماز سیکھو بھائی! لوگ چاروںرکعتوں میں  قل ہواللہ  پڑھ رہے ہیں۔چار سورتیں تو یاد کر لیں تاکہ ہر رکعت میں الگ الگ سورت پڑھ لی جائے ایک ہی سورت کو چاروں رکعت میں پڑھنا مکروہ ہے،نماز تو ہوجائے گی لیکن کم از کم چار سورتیں یاد کرلیں ۔

دعائے قنوت نہیں آتی تو وہاں بھی۔۔۔۔ قل ہواللہ احد۔۔۔اب بھائی قل ہو اللہ احد سے دعائے قنوت کیسے ادا ہوگی۔اگر ۔۔۔ربنا اٰتنا فی الدنیا۔۔۔۔ پڑھ لیں تو ذکر تو ہوجائے گا لیکن دعائے قنوت کی جگہ۔۔۔۔۔۔ قل ہواللہ ۔۔۔۔۔پڑھ لیں تو لوٹانا پڑے گا۔اگر دعائے قنوت نہیں آتی تو ۔۔۔۔۔۔رب اجعلنی مقیم الصلوٰۃ۔۔۔۔۔ پڑھ لیں یا ۔۔۔۔۔ربنا اٰتنا فی الدنیا۔۔۔۔۔۔ پڑھ لیں تو نماز تو ہوجائے گی دعائے قنوت یاد ہونے تک۔وتر ۔۔۔۔۔قل ہواللہ پڑھنے سے ادا نہیں ہوتی ، میرے بھائیو نمازوں کو سیکھیں ایسی نماز اللہ اکبر سے لے کر سلام تک کسی کا دھیان نہ آئے۔

اللہ کی محبت میں رونے کی لذت

میرے بھائیو! اللہ کی قسم! ہم لٹے ہوئے مسافر ہیں۔۔۔۔۔ہم لٹے ہوئے راہی ہیں۔۔۔۔۔ہمیں پتہ ہی نہیں کہ لذت کسے کہتے ہیں۔۔۔۔۔۔۔زندگی کسے کہتے ہیں ۔۔۔۔جو روٹی کھانے کی لذت اٹھاتا ہو۔۔۔۔۔ تو اسے کیا خبر کہ ذکر کی لذت کیا ہے۔۔۔۔؟جو نظر اٹھانے کی لذت جانتاہو۔۔۔۔ تو اسے کیا خبر کہ نظر جھکانے کی لذت کیا ہے۔۔۔۔۔جس شخص کو نماز کی لذت محسوس نہیں۔۔۔۔۔ اس سے بھی بڑا کوئی محروم ہوگا ،ہائے ہائے،کروڑوں کی آبادی میں کوئی ایسا نظر آئے جس کو نماز کی لذت نصیب ہو۔

یہ تو ہم نماز پڑھنے والوں پر روتے ہیں جو نماز نہیں پڑھتے ہیں ان پر خون کے آنسو روئیں تو بھی کم ہے،جو نماز پڑھتے ہیں انہوں نے کبھی بیٹھ کر سوچا ہے کہ اے مولا تیری محبت کا سجدہ تجھے نہیں دے سکا تیرے تعلق کی ایک رکعت بھی نہیں پڑھ سکا۔اے اللہ اب تو آجا 

ہر تمنا دل سے  رخصت  ہوگئی     اب تو آجا اب تو خلوت ہوگئی

نمازکے حیرت انگیز فضائل

جبرائیل علیہ السلام آئے یارسول اللہ  ﷺ آسمان سجائے جاچکے ہیں۔۔۔۔۔ اللہ کے عرش پر آپ کا انتظار ہورہا ہے۔۔۔۔۔۔پھر بیت اللہ سے بیت المقدس پہنچے ۔۔۔۔۔۔۔نماز کا تحفہ عرش پر ملا ہے۔۔۔۔۔ یہ اتنی عظیم الشان چیز ہے جہاں وقت ہوا اذان دے کر نماز پڑھئے جب آپ اذان دیں گے تو جہاں جہاں تک آواز جائے گی قیامت کے دن ہر ہر پتھر آپ کی گواہی دے گا ،ہر درخت اور پتہ آپ کی گواہی دے گا جہاں آپ سجدے میں سر رکھیں تو ۔۔۔۔۔۔ تحت الثریٰ۔۔۔۔۔۔تک زمین پاک ہوجاتی ہے،حدیث میں آتا ہے کہ جب آدمی زمین پر سر رکھتا ہے تو۔۔۔۔۔۔۔ اللہ تعالیٰ کے قدموں پر سر رکھتا ہے۔۔۔۔۔ جب اللہ اکبر کہتا ہے تو۔۔۔۔۔۔ زمین وآسمان کا خلا نور سے بھر جاتا ہے ۔۔۔۔۔عرش کے پردے اٹھ جاتے ہیں۔۔۔۔۔۔جنت کے دروازے کھل جاتے ہیں۔۔۔۔۔۔ اور جنت کی حوریں جنت کے دروازے کھول کر نمازی کو دیکھتی ہیں۔۔۔۔۔ جتنا لمبا قیام کرے گا ۔۔۔۔۔۔اس کی موت کی سختی آسان ہوتی چلی جائے گی۔۔۔۔۔۔۔۔لمبی نماز موت کی سختی کو توڑ دیتی ہے ۔۔۔۔جب رکوع سے کھڑا ہوتا ہے تو۔۔۔۔۔۔۔۔۔۔۔۔ اللہ تعالیٰ محبت کی نگاہ سے دیکھتے ہیں ۔۔۔۔۔۔سجدے میں جاتا ہے۔۔۔۔۔ تو سارے گناہ اس کے دھل جاتے ہیں۔۔۔۔۔۔ جب التحیات پڑھتا ہے تو صابرین کا اجر ملتا ہے ۔۔۔۔۔۔۔جب نماز میں درور پڑھتا ہے۔۔۔۔۔۔۔۔ تو اللہ پاک دس دفعہ درود بھیجتا ہے ۔۔۔۔۔جب سلام پھیرتا ہے تو گناہوں سے پاک ہوجاتا ہے۔۔۔۔۔۔۔

نمازیوں کے پانچ درجوں کی تفصیل

ابن قیم ؒ نے نمازیوں کے پانچ درجے بتائے ہیں۔

(۱) پہلا درجہ سست کبھی پڑھی کبھی چھوڑ دی یہ جہنم میں جائے گا۔

(۲) دوسرا ہے بے قاعدہ پڑھنے والا ،اپنے دھیان میں پڑھتا ہے کبھی اللہ کا دھیان نہیں آیا اس کی ڈانٹ ڈپٹ ہوگی ۔

(۳) ۔۔۔۔۔۔معافہ معفوعنہ ۔۔۔۔ تیسرایہ ہے کہ کوشش کرتا ہے۔۔۔۔۔ لیکن دھیان نہیں جمتا ۔۔۔۔۔کبھی دھیان آتا ہے کبھی نکل جاتا ہے ۔۔۔۔۔۔یہ رعایتی نمبروں سے پاس ہوجائے گا۔۔۔۔۔کہ ۳۵ نمبر تو دے دو اس نے کوشش تو کی۔

(۴) چوتھا مہجور ہے اللہ اکبر کہتا ہے۔۔۔۔۔ تو دنیا سے کٹ جاتا ہے ۔۔۔۔۔۔اللہ سے جڑ جاتا ہے۔۔۔۔۔یہ جو سلام پھیرتے ہیں اس کی حکمت یہ ہے۔۔۔۔۔۔ جب آدمی اللہ اکبر کہتا ہے۔۔۔۔۔۔ تو وہ زمین سے اٹھ جاتا ہے اور آسمانوں میں داخل ہوجاتا ہے۔۔۔۔۔۔۔۔۔۔ اب وہ زمین پر نہیں بلکہ گیا ہوا ہے۔۔۔۔۔۔جب نماز ختم ہوئی تو واپس آیا تو۔۔۔۔۔ ادھر والوں کو بھی سلام کرتا ہے اور۔۔۔۔۔۔۔ ادھر والوں کو بھی سلام کرتا ہے،یہ درجہ ہے چوتھا یہاں سے نماز کا اجر شروع ہوتا ہے اس نمازی کی زندگی کبھی بھی خراب نہیں ہوگی۔

(۵) پانچواں درجہ نما ز کا وہ ہے جو مقربین کی نماز انبیاء وصدیقین کی نماز۔۔۔۔۔ ان کی آنکھوں کی ٹھنڈک نماز بن جاتی ہے ۔

جمعہ کی نماز پڑھنے والوں کے لئے تنبیہ

ان کے قدم باقی پانچ نمازوں میں کیوں نہیں اٹھتے۔۔۔۔۔؟یہ کہاں چلے جاتے ہیں۔۔۔ ؟

کیا یہ اللہ کی دھرتی پہ آٹھ دن نہیں رہتے ۔۔۔۔۔۔؟

کیا یہ صرف آٹھویں دن اللہ کی ہوا ٹنوں ٹن اپنے اندر لے جاتے ہیں۔۔۔۔۔۔؟

کیا یہ صرف آٹھویں دن اللہ کے دیئے ہوئے نور سے دیکھتے ہیں۔۔۔۔۔؟

کیا یہ صرف آٹھویں دن اپنے کانوں سے سنتے ہیں۔۔۔۔۔؟

کیا یہ صرف آٹھویں دن اپنے جسم کی نعمتوں سے فائدہ اٹھاتے ہیں۔۔۔۔۔۔؟

کیا یہ صرف آٹھویں دن سورج کی روشنی  سے نفع اٹھاتے ہیں۔۔۔۔۔۔۔؟

کیا یہ صرف آٹھویں دن تاروں کی جھلملاہٹ سے نفع اٹھاتے ہیں۔۔۔۔۔۔۔؟ 

کیا یہ صرف آٹھویں دن اپنے بیوی بچوں کے ساتھ بیٹھتے ہیں۔۔۔۔۔۔؟

اس پتھر دل کو کیا ہوا۔۔۔۔۔۔۔۔؟کیوں نہیں اس کے دروازے پہ دستک پہنچتی۔۔۔۔۔۔۔ ؟

یہ کیوں ویران ہوگیا۔۔۔۔۔۔۔۔؟ایسے تو پتھر بھی سخت نہیں۔

پتھر دل انسان

عطاء اللہ شاہ بخاریؒ کہا کرتے تھے اے ہندوستان والو! تمہیں اتنا قرآن سنایا کہ ۔۔۔۔۔۔۔ میں حرم کو سناتا تو صابن بن جاتی !۔۔۔۔۔۔۔میں پتھروں کو سناتا تو موم ہوجاتے!۔۔۔۔۔۔۔ میں دریائوں کو سناتا تو طوفان تھم جاتے !۔۔۔۔۔۔۔اور میں موجوں کو سناتا تو ان کی طغیانی رک جاتی ! ۔۔۔۔۔۔ پتہ نہیں تم کس چیز سے بنے ہو؟ کس خیر سے بنے ہو؟ تمہارے سینوں میں دل نہیں ہیںپتھر سے بھی زیادہ سخت ہیں۔

۔۔۔۔۔۔ اشد قسوۃ من الحجارۃ ۔۔۔۔۔۔۔۔ پتھر بھی اللہ کی ہیبت سے لرزتا ہے۔۔۔۔ اور کانپتا ہے۔۔۔۔۔ پر تم کون سے انسان ہو کیسے سینوں میں دل لئے پھرتے ہو۔۔۔۔۔۔۔۔؟ 

حضرت عثمان ؓ کی کیفیت نماز

یہ عثمان رضی اللہ عنہ آرہے ہیں،مسجد میں آرہے ہیں۔اپنی انفرادی نماز کو آرہے ہیں،جوتا ادھر رکھا۔اللہ اکبر کی نیت باندھی اور الم سے نماز شروع کی ۔عبد الرحمن تیمی رضی اللہ عنہ کے پاس بیٹھے ہیں۔وہ سننے لگ گئے کہ یہ الٓمٓ سے شروع ہوگئے۔ان کو تجسس ہوا ۔دیکھوں تو سہی بھلا کہاں رکوع کریں گے۔

بقرہ ۔۔۔۔۔۔گزر گئی۔۔۔۔۔۔۔۔۔۔۔آل عمران گزرگئی۔۔۔۔۔۔۔۔۔۔ نساء ۔۔۔۔۔۔۔۔۔گزر گئی۔۔۔۔۔۔۔

مائدہ ۔۔۔۔۔۔گزر گئی۔۔۔۔۔۔۔۔۔۔انعام۔۔۔۔۔۔۔ گزر گئی۔۔۔۔۔۔۔۔۔۔اعراف ۔۔۔۔۔گزرگئی۔۔۔۔۔۔۔

دس پارے گزر گئے۔۔۔۔۔۔۔بیس پارے گزر گئے ۔۔۔۔۔۔تیس پارے گزر گئے۔۔۔۔۔

والناس پہ جاکے عثمان غنی رضی اللہ عنہ نے رکوع کیا۔۔۔۔۔۔ رحمۃ منتظرہ۔۔۔۔۔۔ انفرادی اعمال کا حلقہ لگا ہوا ہے۔

حضرت عبداللہ ؓ کا اہتمام نماز

یہ عبد اللہ بن زبیر رضی اللہ عنہ کھڑے ہوئے ہیں،کہہ رہے ہیں بھائی آج رات میرے قیام کی ہے۔۔۔۔اللہ اکبر۔۔۔۔ فجر کی اذان پہ جاکے رکوع ہوتا ہے۔۔۔۔۔۔کہتے ہیںآج رات میری رکوع کی ہے۔۔۔۔۔۔ساری رات رکوع میں کھڑے ہیں۔۔۔۔۔۔۔فجر کی اذان پہ جاکے رکوع ختم ہوتا ہے۔۔۔۔۔۔آج میری رات سجدے کی ہے۔۔۔۔۔۔ساری رات سجدے میں ہیں۔۔۔۔۔۔فجر کی اذان پہ جاکے سجدے سے سر اٹھایا جاتا ہے۔

یہ انفرادی اعمال کا حلقہ ہے تومیں عرض کررہا تھا کہ اگر صرف نماز زندہ ہوجائے پورے سندھ میں کوئی بے نمازی نہ رہے۔۔۔۔۔۔۔۔تویہ سندھ کی زمین جو ہم سارے راستے دیکھتے آئے ہیں۔۔۔۔۔ کہ بنجر ہوئی پڑی ہے۔۔۔۔۔۔یہی زمین سونا اگلنے لگ جائے گی۔۔۔۔۔۔۔۔

تمنا دل سے رخصت ہوگئی اب تو آجا

حضرت انس کا نوکر آیا۔۔۔۔۔۔کہا جی باغ سوکھ رہا ہے۔۔۔۔۔ اگر پانی نہ ملا تو سوکھ جائے گا۔۔۔۔۔تواس وقت نہریں تو تھیں نہیں۔۔۔۔۔۔ٹیوب ویل بھی نہیں تھے۔۔۔۔کہنے لگے اچھا مصلیٰ لائو۔۔۔۔۔بچھایا ۔۔۔۔۔اللہ اکبر۔۔۔۔۔پھر نفل شروع کردیئے ۔۔۔۔۔لمبی رکعتیں پڑھیں۔۔۔۔۔۔ پھر سلام پھیرا۔۔۔۔۔۔دیکھو بھائی کچھ نظر آیا۔۔۔۔۔۔کہا۔۔۔۔۔۔۔ جی کچھ بھی نہیں۔۔۔۔۔ کہا! اچھا ۔۔۔۔۔ پھراللہ اکبر ۔۔۔۔۔۔پھر نفل شروع کردیئے ۔۔۔۔۔۔دو نفل پڑھے بول بھائی کچھ نظر آیا ۔۔۔۔۔۔۔کہا وہ دور سے ایک پردے سے پر کے برابر بادل نظر آیا ہے۔۔۔۔اچھا ۔۔۔۔۔۔۔۔اللہ اکبر پھر نفل شروع کئے ۔سلام پھیرنے سے پہلے بارش ۔۔۔۔۔چھما چھم۔۔۔۔۔۔بادل آیا اور باغ کے اوپر چھا گیا۔۔۔۔۔جب سلام پھیرا۔۔۔۔۔۔بارش ہوگئی۔۔۔۔۔۔۔پانی بھر گیا۔۔۔۔۔۔نوکر سے کہا !کہ جائو! دیکھو کہ بارش کہاں کہاں ہوئی ہے؟جب جا کر دیکھا تو باغ کی چار دیواری کے اندر تھی ،باہر ایک قطرہ بھی نہ تھا۔

صرف نماز سندھ میں زندہ ہوجائے۔۔۔۔۔۔ کوئی بے نماز ی نہ ہو۔اور اندر کے ذوق سے بھاگیں،اس لئے نہیں کہ ہمیں دنیا ملے اسلئے کہ میرا اللہ مجھے مل جائے ۔

بھلاتا ہوں پھر بھی وہ یاد آتے ہیں

ابو ریحانہ رضی اللہ عنہ جہاد کے سفر سے آئے ،گھر میں پہنچے تو رات کو عشاء کی نماز کے بعد بیوی سے کہنے لگے،دو نفل پڑھ لوں پھر بیٹھ کے باتیں کرتے ہیں،دو نفل ۔۔۔۔۔۔اللہ اکبر ۔۔۔۔ اب وہ بیٹھی ہوئی کہ قل ہو اللہ سے رکوع کر دے گا،لمبے سفر سے آیا ہے تو کوئی بیٹھ کے بات چیت ہوگی،

وہ ۔۔۔قل ہواللہ۔۔۔ کیا وہ تو۔۔۔۔۔ الم ۔۔۔۔۔۔۔شروع ہوگیا۔۔۔۔۔۔چلتے۔۔۔ چلتے۔۔۔ چلتے۔۔۔ فجر کی اذان ہوئی۔۔۔۔۔ اور ابو ریحانہ نے سلام پھیرا تو بیوی غصے سے بپھر گئی۔

امالنا منک نصیب ۔۔۔۔۔۔۔۔میرا حق کہاں گیا۔۔۔۔۔۔۔۔۔۔۔۔؟

تبعت واتعبتنی ۔۔۔۔۔۔۔مجھے بھی تھکایا خود بھی تھکا۔

ایک جدائی کا صدمہ۔۔۔۔۔۔ایک قریب آکے تڑپایا۔۔۔۔۔۔۔۔۔ میرا حق کہاں ہے

کہنے لگے معاف کرنا میں بھول گیا۔۔۔۔۔۔۔۔۔۔کہا تیرا اللہ بھلا کرے تو کیسے بھول گیا۔۔ ؟

یہاں تو چلے میں دوسو میل دور بھی نہیں بھولتی۔۔۔۔۔۔۔یہ ایک کمرے میں بھول گیا ،کیسے بھول گیا۔۔۔۔ ؟

کہا!  جب اللہ اکبر کہا تو جنت سامنے آگئی ۔۔۔۔۔۔۔۔۔تو سب بھول گیا ۔

مردہ گدھے کو زندگی مل گئی

میرے بھائیو ! اللہ کے واسطے ہم اس زندگی کی طرف لوٹ جائیں جس میں دنیا اور آخرت کی کامیابی چھپی ہے۔وہ اللہ اسکے رسول کی پسندیدہ زندگی ہے۔

نباتہ بن یزید نخعیؒ اللہ کے راستے میں نکلے۔۔۔۔گدھا مر گیا۔۔۔۔۔ساتھیوں نے کہا۔۔۔۔۔سامان ہمیں دے دو۔۔۔۔۔کہا نہیں تم چلو میں آرہا ہو۔۔۔۔۔ایک طرف ہوئے۔۔۔۔اللہ اکبر۔۔۔۔۔ نماز کی نیت باندھی۔۔۔۔۔۔دو رکعت پڑھی ۔۔۔۔۔سلام پھیرا !

اے اللہ!۔۔۔۔۔۔۔عبدک فی سبیلک ۔۔۔۔۔۔۔اے مولا! تیرا بندہ تیرے راستے میں ہے۔۔۔

یحیی العظام ۔۔۔۔۔۔۔۔اے وہ ذات! جو ہڈیوں کو زندہ کردیتا ہے۔۔۔۔مجھے اس سواری کی ضرورت ہے۔

تو غنی ہے اور میں  محتاج ہوں۔۔۔۔۔تو میں سواری کے بغیر سفر کیسے کروں۔۔۔۔۔۔؟

اٹھادے اس گدھے کو ۔۔۔۔۔پھر اٹھے اور چھڑی لی۔۔۔۔اور مردہ گدھے کو ایک ماری کہا، اٹھ!

 اور وہ کان ہلاتا ہواکھڑا ہو ا گیا۔۔۔۔۔۔۔۔۔۔ایک چھڑی سے جو نماز مردوں میں روح پھونک دے، وہ دنیا کے مسئلے حل نہیں کرواسکتی؟مگر نماز تو ہو۔

پکی اللہ کے حبیب کی خبر ہے نماز پڑھنا سیکھ لو۔۔۔۔۔۔ جو کام بڑے بڑے بادشاہوں سے اور جہاں سارے راستے ٹوٹ جاتے ہیں۔۔۔۔۔ آپ کی نماز وہاں سے بھی آپ کو پار لے جائے گی۔

سمندر میں گھوڑوں کی دوڑ

حضرت علی ابن حجرؒ سمندر کے کنارے آئے بحرین پہ حملہ کرنا تھا درمیان میں سمندر تھا ۔۔۔۔۔

کشتیاں تھی نہیں۔۔۔۔۔ کشتیاں مہیا کرتے تو دشمن آگے چوکنا ہوجاتا۔۔۔۔۔پھر سفر تھا چوبیس گھنٹے کا۔۔۔۔۔۔ تو وہیںکھڑے ہوئے لشکر موجود ہے۔نیچے اترے۔۔۔۔ دورکعت نفل پڑھے۔۔۔۔ ہاتھ اٹھائے۔۔۔۔۔!

 اے اللہ !تیرے راستے میں ۔۔۔۔تیرے دین کی دعوت میں۔۔۔۔ تیرے بنی  ﷺ کے غلام ہیں۔۔۔۔ کشتیاں ہمارے پاس نہیں ۔۔۔۔مشکل تیرے لئے نہیں۔۔۔۔ ہمارے لئے راستہ مہیا فرما۔

یہ دعا مانگی اور کھڑے ہوئے اور سامنے سمندر ہے اور فوج سے فرمایا!

 بسم اللہ پڑھو۔۔۔۔۔ اور گھوڑے ڈال دو۔۔۔۔۔۔۔۔

کوئی نہیں بولا کہ امیر صاحب!دماغ تو ٹھیک ہے تیرا۔۔۔۔۔۔۔۔ ؟

سمندر میں گھوڑے ڈالیں گے تو غرق ہوجائیں گے۔۔۔۔۔یہ کیا کہہ رہے ہو۔۔۔۔۔۔۔؟ 

کوئی عقل ٹھکانے ہے۔۔۔۔۔؟انہوں نے کہا ٹھیک ہمارے امیر نے دو رکعت پڑھ لی ہیں۔۔۔۔۔۔ اللہ سے مانگ لیا ہے۔۔۔۔۔۔گھوڑے ڈالنا ہمار ا کام۔۔۔۔۔ پار کرنا اللہ کا کام ۔۔۔۔۔

حضرت ابوہریرہ ؓ فرماتے ہیں۔۔۔۔۔۔ فسمعنا وقتحمنا۔۔۔۔ سارے لشکر نے کہا۔۔۔۔۔ بسم اللہ۔۔۔۔۔ اور سب نے ڈال دئیے۔۔۔۔۔۔۔۔ اونٹ اور گھوڑے تو حضرت ابو ہریرہ رضی اللہ عنہ فرماتے ہیں۔۔۔

۔۔۔۔۔۔ وقتحمنا ۔۔۔۔ہم نے چھلانگیں لگائیں۔۔۔۔۔۔۔۔فاعبرنا وما بلل ماء اسفل خفاف ابلنا ۔۔۔۔اور ہم پانی کے اوپر چل پڑے اور پانی نے ہمارے اونٹوں کے پیر بھی تر نہ کئے ۔

یہ نماز کی طاقت ہے پانی کے اوپر۔۔۔۔چل بھائی! ساری دنیا کی سائنس فیل ہے میرے حبیب  ﷺ کی سائنس کامیاب ہے آپ  ﷺ کی زندگی۔۔۔ آپ  ﷺ کی خبر۔۔۔۔ ساری خبروں سے اوپر ہے۔ساری سائنس یہاں فیل ہوجائے ۔یہاں اللہ کے نبی کی خبر کامیاب کروادے۔۔۔۔ دو رکعت پڑھ چل پانی کے اوپر۔

اے سمندر میرے لوٹے کو واپس کردے ورنہ!

حضرت ابو مسلم ؒ خولانی یہ تابعی ہیں تو شام میں پہاڑی دریا تھا پہاڑی دریا تو بڑا تیز ہوتا ہے ناں۔ آپ اوپر چلے جائیں دیکھئے کہ کتنا تیز ہوتا ہے۔۔۔۔ تو تین ہزار کا لشکر تھا پار کرنا تھا آگے کوئی کشتی وہاں چل ہی نہیں سکتی پار تو وہاں سے کرنا ہے دو رکعت نفل پڑھے اور دعا کی ۔۔۔۔

کہ اے اللہ !تیرے نبی  ﷺ کے امتی ہیں ۔۔۔۔۔تو نے بنی اسرائیل کو پار کرایا تھا ۔۔۔۔۔۔ہمیں یہ دریا پار کروا۔۔۔۔۔۔۔۔

اور پھر اعلان کیا کہ میں گھوڑا ڈال رہا ہوں میرے پیچھے گھوڑے ڈال دو ۔جس کا جو سامان گم ہوجائے تو میں ذمے دار ہوں جان تو بڑی بات ہے،سامان بھی گم ہوجائے تو میں ذمے دار ہوں۔

گھوڑے ڈالے پانی کے اوپر چلادیئے ،درمیان میں ایک آدمی نے اپنا لوٹا خود ہی پھینک دیا خود ہی آزمانے کے لئے پھینک دیا ،جب کنارے پہنچے تو پوچھا ہاں بھائی کسی کا کوئی سامان ! ہاں جی میرا لوٹا گر گیا ۔لوٹا تو معمولی سا ہے اسے کہاں جانا چاہیے ،وہاں تو پتھر بہہ رہے ہیں۔کہنے لگے اچھا! تیرا لوٹا گم ہوگیا ہے آئو میرے ساتھ۔۔۔۔۔۔ واپس لے کر پھر دریا کے کنارے پر آئے تو لوٹا دریا کے کنارے پر پہلے پڑا ہواتھا۔۔۔۔۔۔۔۔لو بھئی سنبھال لے۔

مسنون اذکار کے لئے وقت نکالیں

یہ نماز کی طاقت ہے۔۔۔۔۔۔تو نماز پڑھنا سیکھ لیں ۔۔۔۔۔سارے مسئلے حل ہوجائیں گے۔۔۔۔۔

تو بھائی جہاں جہاں اپنی عورتوں کو نماز۔۔۔۔۔۔ اپنے بچوں کو۔۔۔۔۔ اپنی بچیوں کو ۔۔۔۔۔نماز سکھائیں۔۔۔۔ نماز یاد کروائیں ۔۔۔۔۔خود نہیں آتی تو یاد کریں ۔۔۔۔۔قرآن کی تلاوت کے لئے وقت نکالیں ۔۔۔۔۔اللہ کے ذکر کے لئے وقت نکالیں۔۔۔۔۔ درود شریف پڑھنے کے لئے وقت نکالیں۔۔۔۔۔ استغفار درود شریف چلتے پھرتے۔۔۔۔ اٹھتے بیٹھتے ہر وقت اس کی عادت ڈالیں۔۔۔۔۔ قرآن پاک پڑھنے کی عادت ڈالیں۔۔۔۔۔ اللہ کا کلام ہے پڑھنا چاہیے۔۔۔۔۔۔ محبوب کا کلام ہے دنیا وآخرت کی کامیابیوں کا علم ہے۔۔۔۔۔۔۔ نجات کے سارے اسباب اس میں بتائے گئے ہیں ٹھیک ہے بھائی۔

مہینے میں تین دن کی جماعت جناح سپر مارکیٹ سے نکلنی چاہیے جہاں جہاں سے آپ آئے ہیں اپنے اپنے محلوں کی تین تین دن کی جماعتیں بنا بنا کر نکلیں اس کا انتظار نہ کرو کہ ہمیں تو کچھ آتا نہیں اوروں کو کیا کہیں؟ تم نکلو اور دعوت دینا شروع کرو۔یہ بول اتنا طاقت ور ہے کہ آپ اٹھتے چلے جائیں گے اور آپ کے ذریعے اور آتے چلے جائیں گے۔۔۔۔

بے نمازی سے بڑا کوئی مجرم نہیں

جس زمین پہ سجدہ ادانہ ہو اس سے بڑا بھی کوئی جرم ہے؟ زنا کرنے کو گناہ سمجھتے ہیں ۔۔۔۔نماز کو چھوڑ دینا زنا سے بڑا جرم ہے۔رشوت کھانے کو گناہ سمجھتے ہیں۔۔۔۔۔۔۔۔نماز کو چھوڑ دینا رشوت کھانے سے بڑا جرم ہے۔قتل کردینا بڑا گناہ سمجھتے ہیں۔۔۔۔۔۔۔۔نماز کا چھوڑ دینا قتل سے بڑا جرم ہے ۔۔۔۔۔۔سجدے ہی کا تو انکار کیا تھا شیطان نے !

 شیطان نے کوئی زنا کیا تھا۔۔۔۔۔؟کوئی قتل کیا تھا۔۔۔۔۔؟ کوئی شراب پی تھی۔۔۔۔؟

کوئی جوا کھیلا تھا۔۔۔۔۔۔؟ کوئی شرک کیا تھا۔۔۔۔۔۔؟

شیطان سجدے کا انکاری ہوا،ایک سجدے کا انکار کرکے وہ ہمیشہ کے لئے مردود ہوگیا ،اس مسلمان کو ہوش نہیں ہے جو روزانہ دن میں پانچ دفعہ بیسیوں سجدوں کا انکار کئے بیٹھا ہوا ہے۔اور پھر۔۔۔۔۔۔۔۔

 آرام سے روٹی کھاتا ہے۔۔۔۔۔۔۔۔آرام سے چائے پیتا ہے۔۔۔۔۔۔۔۔۔آرام سے قہقہے لگاتا ہے

آرام سے اخبار پڑھتا ہے۔۔۔۔۔۔۔آرام سے بیوی کے پہلو میں لیٹتا ہے۔۔۔۔۔۔۔

ایک سجد ہ کا انکار ہو کر شیطان ہمیشہ کے لئے مردود ہوا ۔۔۔۔۔۔۔

جس نے فجر کے سجدوں کا انکار کیا ۔۔۔۔۔

۔پھر ظہر کے سجدوں کا مذاق اڑایا ۔۔۔۔۔۔۔

پھر عصر کا مذاق اڑایا۔۔۔۔۔۔۔۔

پھر مغرب اورعشاء کا مذاق اڑایا ۔

گھر میں نماز پڑھنا بھی چلو نہ پڑھنے سے تو بہتر ہے،پر یہ بھی نماز کا مذاق ہی ہے اور آٹھویں دن سر پہ ٹوپی رکھ کر آیا۔۔۔۔۔۔۔آٹھ دن۔۔۔۔۔۔۔ جس نے اتنے سجدوں کا انکار کیا وہ اس بات سے نہیں ڈرتا کہ کہیں اللہ اسے مردود نہ کردے۔

اللہ کا رسول قیامت کے دن جب دیکھے گا ہماری نافرمانیاں تو کہے گا!

…{یارب ان قومی اتخذوا ھذا القرآن مھجورا}…

 اے میرے مولا! یہی ہے میری وہ امت جس نے میرے قرآن کو چھوڑ دیا ، میرے قرآن نے پکارا،مسجد میں آئو،انہوں نے مسجد کی راہیں چھوڑ دیں،

جمعہ، جمعہ نماز پڑھنے والوں کے لئے تنبیہ

مجھے بتائو! یہ اتنا مجمع کہاں سے آگیا ہے؟یہ اس میں سے ایک تہائی باہر سے آیا ہوگا،یہ دوتہائی تو سارا گلستان کالونی کا ہے،ان کے قدم باقی پانچ نمازوں میں کیوں نہیں اٹھتے۔۔۔۔۔۔۔ ؟

یہ کہاں چلے جاتے ہیں۔۔۔۔۔۔۔۔۔۔۔۔۔۔۔۔۔ ؟

کیا یہ اللہ کی دھرتی پہ آٹھ دن نہیں رہتے۔۔۔۔۔۔۔۔۔۔۔؟

کیا یہ صرف آٹھویں دن اللہ کا رزق کھاتے ہیں۔۔۔۔۔۔۔۔۔۔۔؟

کیا یہ صرف آٹھویں دن اللہ کا پانی پیتے ہیں۔۔۔۔۔۔۔۔۔۔۔۔۔۔؟

کیا یہ صرف آٹھویں دن اللہ کی ہوا ٹنوں ٹن اپنے اندر لے جاتے ہیں۔۔۔۔۔۔۔۔۔۔۔۔؟

کیا یہ صرف آٹھویں دن اللہ کے دیئے ہوئے نور سے دیکھتے ہیں۔۔۔۔۔۔۔۔۔۔۔۔۔۔؟

کیا یہ صرف آٹھویں دن اپنے کانوں سے سنتے ہیں۔۔۔۔۔۔۔۔۔۔۔۔۔۔۔؟

کیا یہ صرف آٹھویں دن اپنے جسم کی نعمتوں سے فائدہ اٹھاتے ہیں۔۔۔۔۔۔۔۔۔۔۔؟

کیا یہ صرف آٹھویں دن سورج کی روشنی سے نفع اٹھاتے ہیں۔۔۔۔۔۔۔۔۔۔۔۔۔۔۔۔۔؟

کیا یہ صرف آٹھویں دن تاروں کی جھلملاہٹ سے نفع اٹھاتے ہیں۔۔۔۔۔۔۔۔۔۔۔؟

کیا یہ صرف آٹھویں دن اپنے بیوی بچوں کے ساتھ بیٹھے ہیں۔۔۔۔۔۔۔۔۔۔۔۔۔۔۔۔؟

اس پتھر دل کو کیا ہوا۔۔۔۔۔۔؟ کیوں نہیں اسکے دروازے پہ دستک پہنچتی ۔۔۔۔۔۔؟یہ کیوں ویران ہوگیا۔۔۔۔۔۔۔۔۔۔۔؟ایسے تو پتھر بھی سخت نہیں!

نماز اللہ کے دھیان سے پڑھو ورنہ

یہ کتنی حماقت ہے کہ پانچ وقت کی نماز پر آخرت کو سمجھا ہوا ہے کہ آخرت بن گئی ہم پانچ وقت کی نماز پڑھتے ہیں اورجہاں ہمیشہ رہنا ہے وہاں کی محنت صرف دو گھنٹے اب تو دو گھنٹے بھی نہیں لگے ،دس منٹ میں عشاء کی نماز پڑھ کے فارغ ہوجاتے ہیں۔جوسب سے لمبی نماز ہے۔

پرسوں میں نے مسجد میں ایک آدمی کو نماز پڑھتے دیکھا،میں اندر ہی اندر میں خون کے آنسو رو رہا تھا کہ یہ تو نمازیوں کا حال ہے،بے نمازیوں کا کیا حال ہوگا ،وہ کوئی ڈیڑھ منٹ میں چار رکعت پڑھ کے فارغ ہوگیا اور کہا بس اب جنت ہماری ہوگئی اور جہاں رہنا نہیں وہاں سارا دن۔۔۔۔ دماغ بھی لگ رہا ہے۔۔۔۔۔ دل بھی لگ رہاہے۔۔۔۔ اور جہاں مستقل رہنا ہے وہاں پانچ وقت کی نماز اور وہ بھی  95% چھوٹ چکی۔

کتنے ہیں جنہوں نے آج تک صبح کا سویرا نہیں دیکھا ۔۔۔

سورج کی کرنوں سے اٹھتے ہیں،کبھی انہیں صبح سجدے کی توفیق نصیب نہیں ہوئی۔۔۔

کتنے گھر ہیں کہ ایک کی بھی زبان سے قرآن کے الفاظ ادا نہیں ہوتے۔۔۔۔۔۔؟۔

کتنے گھر ہیں جو قرآن کی تلاوت سے محروم ہیں۔۔۔۔؟

کتنے گھر ہیں جو نماز کے سجدے سے محروم ہیں ۔۔۔۔؟

اہل اللہ کے نزدیک بادشاہوں کی اہمیت

نہ بچی ۔۔۔۔نہ بچہ۔۔۔۔۔نہ مرد ۔۔۔۔نہ عورت۔۔۔۔۔۔نہ بوڑھا۔۔۔۔ نہ بوڑھی۔۔۔۔۔کسی ایک کو بھی سجدے کی توفیق نصیب نہیں ،کتنا بڑا بحران ہے؟کتنی بڑی ہلاکت ہے؟تو ہر مسلمان ،مرد عورت اسے اللہ کے پاس جانا ہے،وہ اس کی تیاری کرکے اللہ کی بارگاہ میں حاضر ہو۔

میاں میر محمد لاہور والے بیٹھے ہوئے تھے تو ان کا ایک مرید باہر سے اندر آیا حضرت۔۔۔ حضرت کہتا ہوا انہوں نے پوچھا کیا ہوا؟بتایا شاہ جہاں آرہا ہے ،انہوں نے کہا تیرا بھلاہوجائے میں سمجھا تو نے کوئی جوں ماری ہے جو کہہ رہا ہے،حضرت میں نے جویں ماری ہیں،شاہ جہاں ان کو جوئوں سے بھی کم نظر آرہا تھا۔

جس کو نماز پڑھنی آگئی اس کے سارے کام مصلے سے ہوجائیں گے۔۔۔۔۔۔۔۔۔نماز سیکھ لیں نماز کا سیکھنا کیا ہے۔۔۔۔۔۔۔؟ الفاظ سیکھیں،اس کا علم ہو اور پھر۔۔۔ اللہ اکبر ۔۔۔۔سے لے کر ۔۔۔۔۔۔سلام پھیرنے تک۔۔۔۔۔۔ اللہ کے سوا کوئی اور نہ آئے۔۔۔۔۔۔یہ نماز گھر بیٹھے نہیں آئے گی۔۔۔۔۔۔۔۔نہیں آسکتی۔۔۔ اللہ اکبر۔۔۔ اب کسی کو مت آنے دو ۔۔۔۔۔دروازے بند کردو دل کے۔۔۔۔۔ اس کے لئے گھر چھوڑنا پڑے گا ۔۔۔۔۔ گھر بیٹھے نہیں ہوگا ،نہیں ہوسکتا۔۔۔۔۔۔یہ مفت سودانہیں کہ اللہ گھر میں بیٹھے بیٹھے دے دیں ۔۔۔۔۔دھکے کھانے پڑیں گے ۔۔۔۔۔۔تب جا کر اللہ نصیب فرمائے گا۔

تو وہ کرو ۔۔۔۔۔جو اللہ چاہتا ہے۔۔۔۔ اللہ کی چاہت محمد  ﷺ کی چاہت ہے۔۔۔۔۔ اور اس پر آنے کا آسان راستہ نماز ہے کہ نماز کوڈھنگ سے پڑھنا سیکھئے۔۔۔۔ پیسے کے بغیر کام ۔۔۔۔۔ دعائوں سے کام ہوں گے وہ کام ہوں گے جو کائنات میں کسی سے نہیں ہوسکتے،دعائوں سے وہ کام ہوں گے ۔

میں نے تمہیں مفتی نہیں بنایا 

مفتی زین العابدین صاحب مہتمم دارالعلوم فیصل آباد کہتے ہیں کہ میں ریل گاڑی میں سفر کررہا تھا مغرب کی نماز کا وقت ہوگیا تو میں اٹھا قبلہ رخ دیکھنے کے لئے باہر جانے لگا ایک آدمی کہنے لگا ! صوفی جی ہر جگہ نماز ہوجاتی ہے سیٹ پر بیٹھ کر پڑھ لو۔۔۔۔جیسے آپ نے دیکھا ہوگا ریل گاڑی میں سیٹ پر بیٹھے بیٹے پڑھ رہے ہیں۔۔۔۔نہ قبلہ رخ۔۔۔۔نہ قیام۔۔۔یہ دونوں فرض ہیں۔ لوگ کہتے ہیں ہوجاتی ہے ، ناپاک سیٹ پر بیٹھ کر نماز پڑھ رہے ہوتے ہیں۔۔۔۔  ان کو کہو کہ نماز نہیں ہوتی تو کہتے ہیں کہ تمہیں کیا خبر ہوجاتی ہے،ان کو کیا پتہ کہ میں مفتی سے بات کررہاہوں ،مفتی صاحب کہنے لگے کہ بھائی ابھی میں نے فتوے کا کام تمہارے سپرد نہیں کیا ۔۔۔۔۔وہ قبلہ نما دیکھ کر نماز پڑھنے لگے تو اس نے کسی سے پوچھا کہ یہ کون ہے؟ تو کہا یہ مفتی زین العابدین ہیں۔۔۔۔ فیصل آباد کے اور وہ آدمی بھی فیصل آباد کا تھا۔ وہ ان کے نام کو جانتا تھا ۔۔۔۔۔لیکن شکل سے نہیں جانتا تھا ،وہ جب نما زپڑھ کے آئے تو کہنے لگے معاف کردینا مجھے پتہ نہیں تھا کہ آپ ہیں ۔انہوں نے کہا آپ کا قصور نہیں ہے ۔۔۔۔آج ساری امت ہی مفتی ہے۔۔۔۔۔ لوگ کیا کیا باتیں بناتے ہیں؟۔۔۔۔۔اس کو دیکھو !یہ کہاں کی تبلیغ ہے۔۔۔۔؟بوڑھے ماں باپ چھوڑ کے جائو۔۔۔۔ ماں کے قدموں تلے جنت ہے۔۔۔۔!ان کی خدمت کرو۔۔۔۔!یہی جنت ہے۔۔۔۔!حلال کھائو یہ بھی جنت ہے۔۔۔! نماز پڑھو یہ بھی جنت ہے۔۔۔۔!۔یہ ختم نبوت کا خواہ مخواہ جھگڑا ڈالا ہوا ہے۔۔۔۔ پھر ختم نبوت کی بھی چھٹی۔۔۔۔ ۶ارب انسانوں پر ظلم ہورہا ہے وہ جہنم میں جارہے ہیں۔

 ہم کہتے ہیں ۔۔۔ہمارے ذمے نہیں ہے۔۔۔۔ اچھا ہمارے ذمے نہیں تو کس کے ذمے ہے۔۔۔۔؟ کون جائے۔۔۔۔۔؟ انہوں نے کہا کتاب بھیج دو۔۔۔۔کتاب تو مردہ چیز ہے۔۔۔۔ اسے زندگی کیسے سمجھ میں آئے گی۔۔۔۔؟کتاب تو نقوش ہیں اس سے کیا پتہ چلے گا کہ اخلاق کسے کہتے ہیں۔۔۔۔؟

چار کاموں کا اہتمام کرو

پہلا کام ذکر کی کثرت: پہلا کام جو کہ کثرت سے کرنے کا ہے اس کی تفصیل میں نے آپ کو بتلا دی ہے ،بس نماز کو اللہ کے قرب کا ذریعہ سمجھ کرپڑھیں۔

دوسرا کام قرآن مجید کی تلاوت کرو: قرآن مجید کی کثرت سے تلاوت کریں،کہ یہ میرے محبوب کا کلام ہے محبوبہ کا خط تو بڑے شوق سے۔۔۔۔ توجہ سے ۔۔۔۔پڑھتے ہیں مگر خالق کا کلام بے توجہی سے پڑھتے ہیں۔آپ کو اور ہمیں اس کلام کی طاقت کا اندازہ نہیں ہے۔۔۔۔

ہم قرآن کے نغمے کو نہیں جانتے کہ یہ کس طرح روح کی تاروں کو چیرتا ہے وہ کافر ہو کے قرآن کو جانتے تھے ۔۔۔۔۔قرآن ان کو ہلاد یتا تھا ۔۔۔۔گرما دیتا تھا ۔۔۔۔ تڑپا دیتا تھا۔۔۔۔ ابو جہل نے عمر رضی اللہ عنہ کو کہا تھا واقعی تو ایسا ہے ،جو مکہ میں محمد  ﷺ کو قتل کرسکتا ہے اور کوئی ایسا نہیں ،بغض وعداوت میں اتنے آگے تھے،جس کے بارے میں ام لیلیہ کے خاوند نے کہا تھا!

خطاب کا دادا تو مسلمان ہوجائے گا لیکن خطاب کا بیٹا مسلمان نہیں ہوگا

قرآن نے پتھر دل کو موم کردیا

وہ عمر بن خطاب۔۔۔۔ پردے کے پیچھے سے چھپ کر حضور  ﷺ کا قرآن سنتے تھے۔۔۔۔جب آپ  ﷺ رات کو حرم کعبہ میں آکے نوافل میں قرآن پڑھتے تھے تو کچھ ادھر چھپ کے کچھ ادھر چھپ کے قرآن سنتے تھے۔۔۔۔۔اس کے اندر معانی کی جو طغیانی ہے وہ ان کو ہلادیتی تھی۔۔۔۔۔۔۔عمر پیچھے چھپ کے قرآن سن رہے ہیں اور آپ  ﷺ نے تلاوت کی۔۔۔۔

الحاقۃ ماالحاقۃ ہ وما ادراک ماالحاقۃ ہ کذبت ثمود وعاد بالقارعۃ ہ فاما ثمود فاھلکوا بالطاغیۃہ واما عاد فاھلکوا بریح صرصر عاتیۃ ہ سخرھا علیھم سبع لیال وثمٰنیۃ ایام ہ حسوما فتری القوم فیھا صرعی ہ کانھم اعجاز نخل خاویۃ ہ فھل تری لھم من باقیۃ ہ وجاء فرعون ومن قبلہ والمؤتفکت بالخاطیٔہ ہ فعصوا رسول ربھم فاخذ ھم اخذۃ الرابیۃ انا لما طغاالمآء حملنٰکم فی الجاریۃ ہ لنجعلھا لکم تذکرۃ وتعیھا اذن واعیۃ ہ فاذا نفخ فی الصور نفخۃ واحدۃ ہ وحملت الارض والجبال فدکتا دکۃ واحدۃ ہ فیومئذ وقعت الواقعۃ (سورۃ الحاقۃ) 

ان کو سن کر عمر رضی اللہ عنہ جھوم رہے ہیں یک دم زبان سے نکلا۔۔۔۔۔۔۔ مااشعاہ۔۔۔۔۔۔۔ کیا ہی زبردست شاعر ہے۔

ادھر عمررضی اللہ عنہ کی زبان سے یہ الفاظ نکلے ،ادھر آپ  ﷺ نے یہ تلاوت کی

{فلا اقسم بما تبصرون وما لاتبصرون انہ لقول رسول کریم وما ھو بقول شاعر}

 حضرت عمر یک دم کانپ گئے(نعوذ باللہ ) دل میں آیا کہ کتنا بڑا جادوگر ہے! اتنی دور میری بات کو سن لیا فوراً اگلی آیت آپ  ﷺنے پڑھی۔۔۔۔۔ولا بقول کاھن ۔۔۔۔۔۔ یہ جادوگر بھی نہیں!

قلیلا ما تذکرون۔۔۔۔۔۔۔ تمہیں پتہ ہی نہیں کوئی نہیں ۔۔۔۔۔۔

تنزیل من رب العالمین۔۔۔۔۔۔۔۔۔وہ رب العالمین کا اتارا ہوا کلام ہے اب کیا کریں۔۔۔۔؟

ہم تو قرآن کے نغمے بھول گئے۔ ایک بدو نے یہ آیت سنی!

{فاصد ع بما تؤمر واعرض عن المشرکین ان کفینٰک المستھزئین}

  بدو نے کلام (قرآن ) کو مانا نہیں۔۔۔۔۔لیکن سمجھ کر زمین میں جاگرا !  اپنے اوپر قابو نہیں پاسکا ۔

ہمیں لونڈی کا گانا تڑپاتا ہے۔۔۔۔۔ اللہ کا کلام نہیں تڑپاتا۔۔۔۔۔۔۔اگر ہمیں قرآن کا پتہ ہوتا تو ہم بے قرار ہو کے دوسروں کے پیچھے پھرتے۔۔۔۔۔۔قرآن سننے کے لئے ،قرآن نے ساری کائنات کو عاجز کردیا۔۔۔۔۔ صرف الفاظ میں اتنی طاقت ہے ۔۔۔۔۔۔یہ وہ کلام ہے محمد  ﷺ کی چال میں بولتا ہے۔۔۔۔۔۔ اس سے کوئی مقابلہ نہیں کرسکتا۔

یہ ایسا کلام ہے جو پہاڑ کو بھی ریزہ ریزہ کردے

جو قریش مکہ تھے وہ ہر دن ہر وقت گالیاں نکالتے تھے۔۔۔۔۔جب رات کو تہجد میں قرآن پڑھتے۔۔۔۔ تو یہ چپکے سے آکر آپ  ﷺ کا قرآن سنتے۔۔۔۔ایسی کشش اللہ نے قرآن میں رکھی ہے۔۔۔۔۔ابو سفیان ،ابوجہل ، اخنس بن شریح ۔۔۔۔۔قرآن نے ایسا کھینچا زندگیوں کو۔۔۔۔۔اور دلوں کے تالے توڑ دئیے

اور ایک صحابی ہیں۔۔۔۔ عماد رضی اللہ عنہ۔۔۔ ان کو لوگوں نے کہا ۔۔۔۔ہمارا ایک قریشی نوجوان ہے۔۔۔۔ اس کا دماغ ذرا ٹھیک نہیں۔۔۔۔ اس سے بچ کے رہنا۔۔۔۔وہ کہنے لگے کہ ۔۔۔۔۔۔۔میرے دل میں آیا کہ میں بڑا علاج کرتا ہوں کہ۔۔۔۔۔۔ ایسے جنات کا ۔۔۔۔۔۔میں اس کا جن نکال دوں گا ۔۔۔۔۔۔۔ایسی کوئی بات نہیں۔۔۔۔۔۔وہ کہتا ہے کہ میں مسجد میں آیا تو آپ  ﷺ بیٹھے ہوئے ہیں میں نے کہا یہ کون ہے؟

انہوں نے کہا یہ وہی تو ہے جس کے بارے میں ہم تمہیں کہتے ہیں میں نے دیکھا کہ ایسا حسن ۔۔۔۔ایسا جمال۔۔۔۔ایسا وقار۔۔۔۔ اس کا تو علاج کرنا چاہیے۔۔۔۔میں اس کے پاس گیا۔۔۔۔اور کہا کہ۔۔۔۔۔۔۔۔ بیٹا غم نہ کر ۔۔۔۔میں نے بڑے بڑے جن نکال دیئے ہیں اور۔۔۔۔۔۔۔ تیرا جن بھی نکال دوں گا۔۔۔۔۔۔۔۔آپ  ﷺ نے اس کو غور سے دیکھا۔۔۔۔۔۔،قرآن نہیں پڑھا۔۔۔۔۔ صرف خطبہ پڑھا  ! 

الحمدللہ نحمدہ ونستعینہ ونستغفرہ ونؤمن بہ ونتوکل علیہ ومن یھدہ اللہ فلا مضل لہ ومن یضللہ فلا ھادی لہ ونشھد ان لاالہ الااللہ وحدہ لا شریک لہ ونشھد ان محمداً عبدہ ورسولہ ۔

جب آپ  ﷺ پڑھتے پڑھتے یہاں تک پہنچے۔۔۔۔۔۔ تو کہتا ہے کہ۔۔۔۔۔۔۔ میرا دل ٹکڑے ٹکڑے ہوگیا ۔۔۔۔۔۔۔اللہ کی قسم! ایسا کلام میں نے زندگی میں ابھی تک نہیں سنا۔۔۔۔۔۔۔۔۔اسے دوبارہ کہو۔۔۔۔۔۔آپ نے دوبارہ پڑھا۔۔۔۔۔۔ تو کلمہ پڑھ لیا ۔

تو میرے عزیزو! اللہ نے ہمیں ایسی عظیم کتاب عطاء فرمائی ہے۔۔۔۔ دنیا میں ایسی کتاب کوئی نہیں ملی۔۔۔۔۔آسمان سے سورۃ انعام جب اتر ی تو ستر ہزار فرشتے اس کو لے کر زمین پر آئے۔۔۔۔۔ یہ کتنی بڑی فضیلت ہے۔

یہ کسی انسان کا کلام نہیں ہوسکتا

ایک ایرانی عالم گزرا ہے۔۔۔۔ اس کو عیسائیوں نے بہت پیسے دیئے کہ تم قرآن کے مقابلے میں ایک کتاب لکھو،اس نے کہا تم ایک سال کی روزی میرے بچوں کو دو پھر میں لکھتا ہوں ،ایک سال کی خوراک انہوں نے وافر مقدار میں دے دی۔گھر بھی دے دیا اور کتابوں کے ڈھیر لگایئے ،اور چھ مہینے کے بعد اس سے جاکر پوچھا تو اس نے ایک سطر بھی نہیں لکھی۔جب سورۂ کوثر اتری تو عرب میں ایک بڑا شاعر تھا اس کے منہ سے بے ساختہ نکلا کہ ۔۔۔۔۔ماھذا قول البشر  ۔۔۔۔۔یہ کسی انسان کا کلام نہیں ، ایسا عظیم الشان قرآن اللہ نے اتارا ہے ،ہمارے اپنے گھروں کے اندر دولت پڑی ہوئی ہے۔

{فاصدع بما تؤمر واعرض عن المشرکین ان کفینک المستھزء ین} 

اس آیت کو ایک بدو نے سنا تو سجد ے میں گر گئے۔۔۔۔۔تو کہا۔۔۔۔۔کس کو سجدہ کر رہے ہو۔۔۔۔۔؟کہنے لگا ،اس کلام کو سجدہ کررہا ہوں ۔۔۔۔۔کیا خوبصورت کلام ہے۔۔۔۔مسلمان نہیں ہے۔۔۔۔ لیکن کلام کی طاقت نے سجدے میں گرا دیا۔۔۔۔۔ اور ہماری بدقسمتی ہے کہ ہم قرآن کا نغمہ نہیں سمجھتے ۔۔۔۔۔۔کہ یہ کیسے روح کے تار ہلادیتا ہے۔۔۔۔۔ اور دل کی گہرائیوں میں اتر جاتا ہے۔

قرآن کی تاثیر 

جبیر بن مطعم رضی اللہ عنہ فرماتے ہیں،میں مدینے پہنچا اور مسجد میں داخل ہوا تو آپ  ﷺ یہ آیت پڑھ رہے تھے،مغرب کی نماز میں ،

ام خلقوا من غیر شیء ام ھم الخلقون ام خلقوا السمٰوٰت والارض بل لایوقنون ،ام عندھم خزائن ربک ام ھم المصیطرون 

تو حضرت جبیر رضی اللہ عنہ فرماتے ہیں۔۔۔۔۔۔کلام کی طاقت سے قریب تھا کہ میر ے دل کے ٹکڑے ٹکڑے ہوجاتے۔۔۔۔وہیں کلمہ پڑھ لیا ۔۔۔۔۔عاجز کردیا۔۔۔۔۔۔قرآن نے۔۔۔۔ گھٹنے ٹیک دئیے۔

امیہ بن الصلّت ایک بہت بڑا شاعر گزرا ہے۔حضور  ﷺ کو اس کے اشعار اتنے پسند تھے۔

آہا، آہا!آپ  ﷺ فرمایا کرتے تھے ۔۔۔۔۔۔۔امن لسانہ وکفر قلبہ۔۔۔ اس کی زبان ایمان لائی اور دل کافر رہا ۔کلام اس کا ایسا تھا اور آپ  ﷺ اس کے اشعار سنا کرتے تھے اور ایک دفعہ آپ  ﷺ نے ایک مجلس میں اس کے سو شعر سنے۔اور سنائو،اور سنائو،اور سنائو۔یہ کہتے رہے ،یہ کہتے کہتے سو اشعار سنے۔

ایک دن وہ مکے میں کہنے لگا۔۔۔۔۔۔کیا تو نے اپنی نبوت کا ڈھونگ رچایا ہے؟۔۔۔۔۔۔آئو!میرے ساتھ مقابلہ کرو۔۔۔۔۔میں بھی کلام کہتا ہوں تو بھی کلام پیش کر۔۔۔۔۔کہا آئو،حرم شریف میں اکٹھے ہوگئے۔

ادھر عبداللہ بن مسعود اور بلال رضی اللہ عنہم ۔بس! دو آدمی اور ادھر سارے قریش مکہ ،تو اس نے پہلے آکے نظم ،نثر ، شعر میں اس نے کمال دکھایا ،جب وہ سارے جوہر دکھا چکا تو آپ  ﷺ نے فرمایا ، اب میرا بھی سنو۔

بسم اللہ الرحمن الرحیم ۔یٰس والقراٰن الحکیم انک لمن المرسلین علیٰ صراط مستقیم تنزیل العزیز الرحیم ۔

چل بھائی ! سورہ یٰس شروع ہوگئی اور مجمع کو جیسے سانپ سونگھ گیا ۔عرب سن رہے تھے ناں!

دنیا کمانے کے لئے انگریزی سیکھ لی۔اللہ سے تعلق جوڑنے کے لئے اس کلام کو ہی نہ سیکھا ۔ خالی ترجمہ ہی نہیں پڑھتے کہ قرآن کیا کہتا ہے،جب اس آیت پہ آئے ناں 

اولم یرالانسان انا خلقنہ من نطفۃ فاذا ھو خصیم مبین وضرب لنا مثلا ونسی خلقہ قال من یحی العظام وھی رمیم 

 کہا: دیکھو ! دیکھو! دیکھو! دیکھو!  ۔۔۔۔۔۔۔بنایا میں نے اپنے ہاتھوں سے۔۔۔۔۔۔! میرے ہاتھ کا بنا ہوا مجھ سے مناظرے کرتا ہے۔۔۔۔۔! کہ کون مردہ ہڈیوں کو زندہ کرے گا۔۔۔۔۔؟کون بوسیدہ بالیدہ اور بکھری ہوئی ہڈیوں کو زندہ کرے گا۔۔۔۔۔؟یہ ہے قرآن کی طاقت اس کو سینے سے لگالو اس کی رسی کو مضبوط پکڑ لو

تیسرا کام دعا کثرت سے کرو:کثرت سے دعا کریں میں نے ایک مرتبہ مولانا احسان الحق صاحب جو کہ میرے استاد ہیں ان سے سبق کے کچھ اشکالات کا تذکرہ کیا تو انہوں نے کہا روزانہ 20 منٹ دعا کا معمول بنا لو اس میں خوب اللہ سے مانگو۔(آج ہم دعا مانگتے نہیں پڑھتے ہیں جیسے طوطا رٹے رٹائے جملے بولتا ہے اسی طرح ہماری دعا کا حال ہے۔اللہ کے بندو ! دعا تو دل کی گہرائی سے نکلی ہوئی آہ ہوتی ہے ،جو کہ سیدھی عرش کو چیر کر اللہ تک جاتی ہے۔) 

تیری ہائے مجھے بڑی پسند ہے

ایک آدمی دعا مانگتا ہے: یااللہ ! اللہ تعالیٰ کہتے ہیں :جلدی دے دو، جلدی دے دو، جلدی دے دو،سننا نہیں چاہتا ہے۔نافرمان ہے اس لئے جلدی دے دو۔

ایک آدمی رورہا ہے،یااللہ ! یا اللہ ! یااللہ ! پھر دوسری رات :یااللہ ! یا اللہ ! پھر تیسری رات :یا اللہ ! یا اللہ ! کبھی مہینوں گزر گئے کبھی سال گزر گئے اور اس کی یااللہ ! یااللہ ! یہاں تک کہ فرشتے سفارش کرتے ہیں:یااللہ ! یہ تیرا فرمانبردار ہے تو دیتا کیوں نہیں ؟تو اللہ تعالیٰ فرماتے ہیں!

{انی احب ان اسمع عنینہ}۔۔۔۔۔۔۔۔اس کی ہائے ! ہائے! مجھے اچھی لگ رہی ہے۔

ذرا رونے تو دو ۔۔۔۔۔۔۔اگر دے دیا تو پھر کب روئے گا۔۔۔۔۔۔۔۔۔؟دے دیا تو پھر کب روئے گا۔۔۔۔۔؟

اچھا لگ رہا ہے ،رونے دو،اس کا رونا مجھے پسند آرہا ہے۔چونکہ ہمیں دین سے گہری واقفیت نہیں ہے اس لئے ہم حالات سے پریشان ہوکر اللہ ہی کے ناشکرے بن بیٹھتے ہیں اور کوئی ملا ہی نہیں اللہ کو آزمانے کے لئے ۔ہم ہی رہ گئے تھے۔

امانت میں خیانت کی سزا

میرے بھائیو!اپنے اللہ کو راضی کریں جن دوکانوں کے پیچھے نمازیں چھوٹ گئیں جن دوکانوں کے پیچھے سچ کو طلاق ہوئی ۔۔۔۔۔۔جن دوکانوں کے پیچھے دیانت چلی گئی۔۔۔۔۔خیانت آگئی، بددیانتی آگئی۔

 اللہ تعالیٰ قیامت کے دن بددیانت سے کہے گا ۔۔۔۔وہ تونے جو امانت کھائی لے کے آ ۔۔۔۔۔ کہے گا،یااللہ ! کہاں سے لائوں۔۔۔۔؟وہ تو دنیا میں رہ گئی اللہ تعالیٰ فرمائے گا ۔۔۔۔۔جہنم میں پڑی ہوئی ہے۔

 اب وہ جہنم میں کیسے جائے۔۔۔۔۔؟تو فرشتے ماریں گے چل۔۔۔۔۔۔اور وہ اسکو لے کے چلیںگے۔ اور چلتے چلتے دوزخ کا سب سے بڑا خطرناک حصہ  ۔۔۔۔۔۔ ھاویہ۔۔۔۔  وہاں اس کو لے کے جائیں گے ،جہاں منافق رہتے ہیں۔ایمان ہونے کے باوجود امانت کو کھانے والے لوگ۔۔۔۔۔ ھاویہ۔۔۔۔ میں چلے جائیں گے۔۔۔۔۔۔جو منافقین کی آگ ہے۔۔۔۔۔

 وہاں دیکھے گا کہ وہ جس کا مال دنیا میں دبایاتھا وہ وہاں پڑا ہوگا۔۔۔۔۔اچھا یہاں پڑاہے ۔۔۔۔۔ اتنے میں وہ تباہ ہوجائے گا۔۔۔۔۔اس کو اٹھائے گا۔۔۔۔۔ کندھے پر رکھے گا۔۔۔۔پھر اوپر چڑھنا شروع کرے گا۔۔۔۔جب دوزخ کے کنارے پر آجائے گا ۔۔۔۔۔تو وہ اس کے ہاتھ سے چھوٹ جائے گا۔۔۔۔۔۔ اور پھر ہاویہ میں جاگرے گا۔۔۔۔۔اس کو فرشتے مار کر پھر کہیں گے ۔۔۔۔جا واپس لے کے آ ۔۔۔۔۔اب یہ کبھی اس میں سے نہیں نکل سکتا۔۔۔۔۔ اس کمائی سے توبہ کریں یہ کمانا جہنم میں لے جائے گا۔۔۔

ایک عقل کے بھی خلاف ہے کہ۔۔۔۔ اللہ تعالیٰ کہیںکہ بددیانتی اور خیانت حرام ہے۔۔۔۔ اور پھر خود فیصلہ کریں ۔۔۔۔کہ اس کے مقدر میں بددیانتی کا رزق لکھ دو ۔۔۔یہ ناممکن ہے۔۔۔۔خود اللہ تعالیٰ کہیں رشوت حرام ہے۔۔۔۔ اور پھر خود اس کے مقدر میں رشوت لکھ دیں ۔۔۔۔تو یہ نہیں ہوسکتا ۔۔۔۔یہ ناممکن۔۔۔یہ تو دنیا کا کوئی عادل بادشاہ بھی نہیں کرسکتا۔۔۔۔۔ کہ ایک چیز سے لوگوں کو روک دے۔۔۔۔۔ پھر خود ہی لوگوں کو سپلائی کردے ۔۔۔پھر اس کی پٹائی بھی کرے۔۔۔۔تو زمین وآسمان کا بادشاہ کیسے کرسکتا ہے۔۔۔رزق سب حلال لکھا جاتا ہے۔۔۔ یہ حضرت عبداللہ بن عباس رضی اللہ عنہ کی روایت ہے۔۔۔۔

اللہ کسی کے لئے سودی رزق نہیں لکھتا ۔۔۔۔۔کسی کے لئے رشوت کا رزق نہیں لکھتا۔۔۔۔ کسی کے زنا نہیں لکھتا ۔۔۔۔یہ فیصلہ اللہ نہیں کرتا۔۔۔۔ وہ خود کہتا ہے کہ میں ظالم نہیں میں عادل ہوں۔۔۔۔۔میں رحیم ہوں۔۔۔۔۔لیکن بندہ بے صبرا ہو کر ان کو اختیار کر لیتا ہے۔

چوتھا کام حلال کھائو:تو میرے بھائیو ! حلال تھوڑا لو اس میں بھی برکت ہے ہم نے تقدیر کو نہیں سمجھا ۔اپنی کمائیوں کو حلال میں لانے کی کوشش کریں تھوڑا ہو حلال ہو،حرام نہ ہو تو اللہ اسی میں برکت دے گا ،اسی میں زیادہ کرے گا،یہ باتیں گھر میں بیٹھ کر کرسکتے ہیں ناں ،جھوٹ بولنے کے لئے تبلیغ میں جانے کی ضرورت نہیں آج ہی سے چھوڑ سکتے ہیں، نماز پڑھنے کے لئے تبلیغ میں جانے کی ضرورت نہیں آج سے ہی پڑھ سکتے ہیں ،شروع کردیں پھر نکلنے کے لئے کوشش کریں۔

ہمارے دور اول کی حکومتیں اسلام کے پھیلانے کا ذریعہ تھیں،ان کی تجارتیں اسلام کے پھیلانے کا ذریعہ تھیں،ہماری تجارتیں اسلام کو مٹانے کا ذریعہ ہیں۔

یمن میں ہماری جماعت گشت کررہی تھی تو کراچی کے ساتھی تھے۔عبدالرشید وہ گشت مین بات کررہے تھے۔ایک بڑی دکان تھی تاجر کی،اس سے کہا کہ ہم آپ کے بھائی ہیں ،پاکستان سے آئے ہیں اس نے ایک دم گریبان سے پکڑ لیا اور کہا تم پاکستانی ہو اور پھر زور سے جھٹکا دیا ۔تو سارے گھبراگئے پتہ نہیں کیا چکر ہے؟ اس کو گھسیٹتا ہوا پیچھے سٹور میں لے گیا۔پیچھے بہت بڑا اسٹور تھا۔اس میں گھی کے کنسترلگے ہوئے تھے۔کہنے لگا یہ سارا گھی پاکستان سے آیا ہے۔اس نے ایک کھولا اور الٹادیا ، اتنا تھوڑا ساگھی باقی ساری مٹی بھری ہوئی تھی۔اس پاکستانی نے پیسہ تو کمالیا لیکن یہ نہیں سوچاکہ اس کے ساتھ کتنے جہنم کے بچھو قبر میں آگئے۔

کھٹے اور میٹھے کی پہچان

تو بھائی پہلے دیانت کا دور دورہ تھا کہ مبارک ایک غلام ہے ان کے آقا باغ میں آتے ہیں۔۔۔۔۔۔۔انار کا باغ ہے۔۔۔۔۔۔ایک انار تو لائو۔۔۔۔ توڑ کے۔۔۔۔۔ لائے تو کھٹا۔۔۔۔۔۔کہا!

 عجیب آدمی ہو دس سال ہوگئے تمہیں باغ میں کام کرتے ہوئے اتنا پتہ نہیں کھٹا کون سا اور میٹھا کون سا کہا ! آپ نے مجھے اجاز ت کونسی  دی ہے چکھنے کی۔۔۔۔۔۔ ؟دس سال سے کام کررہا ہوں۔۔۔۔اور مجھ پر حرام ہے ایک دانہ بھی چکھا ہو۔۔۔۔۔۔۔مجھے کیا پتہ کھٹا کون سا ہے۔۔۔۔؟ اور میٹھا کون سا ہے۔۔۔۔۔؟تو اس کی آنکھیں پھٹ گئیں۔یہ دیانت تھی۔نیچے سے لے کر اوپر تک۔

کسی کی روزی چھین کر اپنی روزی بنانا

ایک بار میں فیصل آباد جارہا تھا ۔صبح صبح نماز پڑھ کے نکلا ،ایک ریڑھی والا ۔۔۔۔سفید داڑھی۔۔۔۔ سفید پگڑی۔۔۔۔۔ ریڑھی لگا کے کھڑا اور روئے جارہا تھا ۔میں کھڑا ہوگیا ،بڑے میاں ،نورانی چہرہ  اور مزدوری کررہے ہیں۔اس سے بڑا ولی کون ہوگا کہ وہ کیوں رورہاہے؟میں نے کہا بابا جی!کیوں رو رہے ہو تو سیب کی پیٹی اس کے سامنے پڑی تھی۔وہ میرے سامنے الٹا دی تو اس کے اوپر کی سطح پر دس بارہ سیب تھے۔وہ ٹھیک تھے۔باقی سارے نیچے گلے ہوئے تھے۔وہ کہنے لگا کہ بیٹا میں غریب آدمی ہوں۔ایک پیٹی لاتا ہوں بارہ گیارہ بجے تک بک جاتی ہے۔جتنے پیسے ملتے ہیں اس میں سے روٹی لے کر گھر چلاجاتا ہوں۔آج کسی ظالم نے میرے بچوں کی روزی چھین لی ہے۔اس نے بھی تجارت کی ہے لیکن کسی کے بچوں کے منہ سے نوالہ چھین لیا ہے۔کسی کی ضرورتوں پر چھری چلا کر تجارت کی۔

یہ شطان کا تاجر ہے یہ رحمن کا تاجر نہیں ہے۔ تو ہم وہ تجارت سیکھیں جس سے ہماری دنیا بھی بنتی چلی جائے اور آخرت بھی بنتی جائے۔۔۔۔ اور جنت بھی بنتی جائے۔۔۔۔ اور دنیا میں اسلام بھی پھیلتا چلا جائے۔ہم نے تو سیکھا ہی نہیں سیکھنے کے لئے ہی کہتے ہیں کہ وقت لگائو۔

کہ ایک صحابی کے بیٹے نے کپڑا فروخت کیا ،جائز منافع ۲۰۰ روپے تھا ۔لیکن بیٹے نے چارسوروپے منافع سے بیچا جو کہ زیادتی ہے۔۲۰۰ میں بھی بچت تھی۔ڈانٹا واپس کرایا ۔لیکن آج کے دور میں کوئی اس طرح کرتا ہے تو باپ بیٹے کو شاباش دیتا اور اس کی ہنر مندی قرار دیتا ہے۔قصور والو! اپنی تجارت کوجائز طریقے سے رکھو۔

لاکھوں ریال اللہ کی محبت میں قربان کر دیئے

پندرہ سال پہلے کی بات ہے ۔مدینہ منورہ سے ایک شیخ آئے تھے۔سالم قرظی وہ پورا جو مدینہ کا صوبہ ہے اس کا وہ بنک کا سب سے بڑا افسر تھا،آج سے پندرہ سولہ سال پہلے وہ ایک لاکھ ریال تنخواہ لیتا تھا۔یہاں آکے بیس دن لگائے اس نے صرف بیس دن۔

مدینے میں رہنے والوں کو پتہ نہیں کہ سود اور سود کا کام حرام ہے۔سب پتہ ہے ،جو مسجد نبوی  ﷺ میں نماز پڑھتا ہے ۔لیکن وہ عہد کمزور پڑ چکا ہے۔لہذا گاڑی چل رہی ہے اور چار مہینے بھی میرے خیال میں اس نے ابھی تک نہیں لگائے ،چلہ وچلہ لگاتا ہے۔پہلی دفعہ آیا تو بیس دن لگانے۔بیس دن کے بعد چلا گیا اور جاتے ہی اس نے بنک چھوڑ دیا ،استعفیٰ دے دیا ۔

کوئی ان کے قانون کی کنڈیشن ایسی ہی تھی جس کے تحت وہ چھوڑ نہیں سکتا تھا یا جرمانہ دیتا تو اس نے وہ جرمانہ بھرا ،جس میں اس کی ساری جائیداد بک گئی لیکن اس نے جرمانہ بھر دیا۔۔۔۔۔۔۔جائیداد ساری بیچ دی۔۔۔۔۔۔۔بنک کو دے دی ساری۔۔۔۔۔۔۔۔ اور اپنے آپ کو آزاد کرلیا۔۔۔۔۔۔ اور مدینے سے باہر اس کاایک کچاگھر تھا۔۔۔۔۔۔وہاں وہ شفٹ ہوگیا۔۔۔۔۔۔۔   ۸۹ھ؁ میں، میںحج پر گیا تو اس کے گھر میں جا کر کھانا کھایا۔پرانا گھر مدینے سے کوئی چھ سات کلومیڑ باہر مضافات میں ۔

اب کام کیا شروع کیا اس نے!  صحرا سے بکریاں لے کر آیا۔۔۔۔۔۔ اور آکر مدینے کی بکرا منڈی میں ان کو بیچا۔۔۔۔۔۔ایک لاکھ (سعودی) ریال کمانے والا پانچ سوریا ل لے کر گھر جارہا ہے۔۔۔۔۔۔ اور گھر جا کر بیوی کے ہاتھ میں رکھا اور ۔۔۔۔۔۔دونوں رو پڑے کہ۔۔۔۔۔۔۔ آج پہلی حلال روزی ہمارے گھر میں داخل ہوئی ہے۔۔۔۔۔خوشی سے رو رہے ہیں۔۔۔۔۔اور پانچ سو کہاں اور ایک لاکھ ریال کہاں۔۔۔۔۔۔ ؟اور وہ دونوں خوشی سے رو رہے ہیںکہ آج پہلا حلال رزق ہے۔۔۔۔۔۔جو ہمارے گھر میں آیا ۔

اسی سال ہم چلے گئے حج پر تو اس نے وہاں بلاکر ہمیں کھانا کھلایا۔وہ تو پہلے بھی جانتا تھا کہ یہ کام حرام ہے پھر اس وقت کیوں نہیں چھوڑا۔۔۔۔۔۔؟ہجرت گھر چھوڑنا ،ایمان میں ایک لہر اٹھتی ہے ہر چیز کو تنکوں کی طرح بہا کر لے جاتی ہے۔لیکن شرط یہ ہے کہ وقت صحیح لگے۔

جب تک حرام پیٹ میں رہے گا پریشانی بڑھتی رہے گی

تو آپ سارے بھائیوں کی خدمت میں گزارش ہے اس راستے میں وقت ضرور لگائیں ۔ نیت تو اس کی فرمالیں۔ڈر لگتا ہے تو کم از کم تین تین دن سے شروع کریں،اپنی مسجد سے۔۔۔۔۔ آپ مختلف جگہوں سے تشریف لائے بیٹھے ہیں۔اپنی اپنی مسجدوں سے تین تین دن کے لئے نکلنا شروع کریں۔یہ تین دن کا نکلنا ایک دن آپ کی زندگی کے بدلنے کا ذریعہ بن جائیگا۔

نماز زندہ کرو ۔۔۔۔۔۔اللہ کے واسطے مسجدوں کو آباد کردو ۔۔۔۔۔۔۔اپنی کمائیوں سے حرام کو خارج کردیں ۔۔۔۔۔۔۔اگر کمائی کم پڑگئی ضرور پڑے گی ۔۔۔۔۔۔تو پریشان نہیں ہونا ۔۔۔۔۔۔نماز پڑھ کر اللہ سے مانگو۔۔۔۔۔۔۔۔پھر دیکھو اللہ کیسی کیسی راہیں کھولتا ہے۔۔۔۔۔۔۔

تیرے رونے نے رزق کے دروازے کھلوادیئے

شاہ عبد العزیز ؒ نے سارے شہر سے چوروں کو ختم کردیاتھا سولیوں پر لٹکا دیا تھا۔،ایک سعودی نے مجھے بتایا کہ سلطان عبدالعزیز جب مکے آتا تو بیت اللہ کی دیوارکے ساتھ ایسے ٹیک لگا کر بیٹھ جاتا اور اس کے ہاتھ میں تلوار ہوتی اور روتا جاتا، روتا جاتا۔ عبدالعزیز کے استاد نے پوچھا ،کیوں اتنا روتا ہے۔۔۔۔کہنے لگا کہ میں نے سب کو چوری سے روک دیا۔۔۔۔۔اب انہیں روزی کہاں سے کھلائوں۔۔۔۔ ؟تو اللہ کے سامنے آکے رورہا ہوں ۔۔۔۔۔کہ یااللہ تیرا حکم تو میں نے زندہ کردیا۔۔۔۔۔ دیکھو پھر اللہ نے بٹھا کے کھلانا شروع کردیا ۔۔۔۔۔سات سمندروں کے پار سے مخلوق آئی ۔۔۔۔۔۔اور ان کی زمین سے تیل کے چشمے نکال دیئے۔۔۔۔یہ حرام چھوڑنے اور حلال پر آنے کی برکت ہے۔۔۔۔ آج ان کو سمجھ نہیں آرہی کہ اپنے پیسے کیسے سنبھالیں۔۔۔۔۔اب کوئی کہے گا کہاں سے کھائیں گے۔۔۔؟

حرام کمائی سے کلمہ نصیب نہ ہوا!

علامہ قرطبی نے ایک واقعہ لکھا ہے ۔ایک دکاندار صبح صبح آیا،اپنی دکان کی تکڑی(ترازو) کو توڑ دیا۔پڑوسی دکاندار نے پوچھا ،کیوں توڑا ہے؟کہنے لگا ،ہمارا آج پڑوسی مر رہا تھا،ہم نے کہا!

 لاالہ الااللہ ،لاالہ الا اللہ ۔۔۔۔۔۔۔۔۔۔یعنی کلمہ پڑھ لے۔

وہ کہنے لگا :۔۔۔۔۔۔۔۔۔۔۔۔۔مجھ سے نہیں پڑھا جاتا۔

ہم نے کہا:۔۔۔۔۔۔۔۔۔۔۔۔۔۔کیوں نہیں پڑھا جاتا۔۔۔۔۔۔۔۔۔۔۔ ؟

وہ کہنے لگا:۔۔۔۔۔میری دکان کا ترازو۔۔۔۔۔۔۔ان کا کانٹا جو یوں ہوتا ہے۔۔۔۔۔۔وہ میرے حلق میں چبھ گیا۔۔۔۔۔۔مجھ سے کلمہ نہیں پڑھا جارہا۔ایک دکاندار جب غلط تولتا ہے۔وہ کہتا ہے میں نے سو روپیہ کمالیا ۔ دس روپے بچا لئے۔پچاس روپے  بچالیئے۔مرتے ہوئے یہ حال ہوگیا کہ کلمہ نصیب نہ ہوا تو کیا ملا ؟

تو بھائیو! لوگوں کا معاملہ بڑا سخت ہے۔اس لئے اپنے آپ کو بچائو کہ اپنے دامن پہ کسی مسلمان کا حق نہ پڑا ہوا ہو۔اللہ اپنے حقوق کے معاملے میں بہت سخی ہے۔بہت سخی ہے۔اس کی کوئی انتہا ہی نہیں۔

امانت دار حوالدار کی درد بھری کہانی

ایک حوالدار مجھے ملا بہاول نگر میں تبلیغ میں وقت لگایا حلال پہ آگیا۔مشکل پیش آگئی۔۔۔۔ بڑی تنگی ہوگئی۔کہنے لگا !ایک دن افسر مجھ سے کہنے لگے تم اب گزارہ کیسے کرتے ہو۔۔۔۔۔۔۔؟میں نے کہا! 

 جب آدمی طے کرلے تو گزارے ہوجاتے ہیں۔۔۔۔ نہ طے کرے تو نہیں ہوتے۔۔۔۔کہا: بتائو تو سہی گزارہ کیسے کرتے۔۔۔۔۔ ؟کہا ! بات یہ ہے کہ ایک سال گزر گیا ہے۔۔۔۔۔ میرے گھر میں سالن نہیں پکا۔۔۔۔۔۔۔ چٹنی سے روٹی کھاتے ہیں۔۔۔۔۔۔ایک سال پورا ہوچکا ہے۔۔۔۔۔ میرے گھر میں سالن نہیں پکا ۔۔۔۔یہ وہ اللہ کا ولی ہے کہ بڑے، بڑے اولیاء اس کی گرد کو قیامت کے دن نہیں پہنچ سکیں گے۔

پانچواں کام :جو مارے اسے پھول دو

تو آپ  ﷺ نے فرمایا!

 صل من قطع ۔۔۔۔۔۔۔۔۔۔ جو توڑے اس سے جوڑ۔

 واعط من حرمک۔۔۔۔۔۔۔۔۔ جو نہ دے اس کو دے  ۔

وعف عمن ظلم  ۔۔۔۔۔۔۔۔جو ظلم کرے اس کو معاف کردو 

بعثت لاتمم مکارم الاخلاق ،بعثت لا تمم محاسن الاخلاق

 میں اخلاق کی تکمیل کے لئے بھیجا گیا ہوں،مجھے اخلاق کی خوبیوں کی تکمیل کے لئے بھیجا گیا ہے، اخلاق کے حسن کی تکمیل کے لئے مجھے بھیجا گیا ہے۔

عبادت میں سب سے افضل عبادت اخلاق ہے

میرے بھائیو ! نماز پڑھنی آسان ہے اخلاق بنانا مشکل ہے،ذکر کرنا آسان ہے،اخلاق بنانا مشکل ہے،چلے لگانا آسان ہے ،اخلاق بنانا مشکل ہے ،پھر آپ  ﷺ نے فرمایا۔۔۔

{ حسن خلق یکمل ایمان}

ایک بدوی آیا آپ کے سامنے آکے بیٹھا کہنے لگا !

یارسول اللہ ماالدین۔۔۔۔۔۔۔ دین کیا ہے۔۔۔۔۔۔؟

 آپ  ﷺ نے ارشاد فرمایا۔۔۔ حسن الاخلاق  اچھے اخلاق۔

 وہ یہاں سے اٹھا اور بائیں طرف آیا۔

 یا رسول اللہ مالدین ؟۔۔۔۔۔دین کیا ہے۔۔۔۔۔۔۔ ؟

آپ  ﷺ نے فرمایا حسن الاخلاق۔۔۔۔۔۔اچھے اخلاق۔

 پھر وہ یہاں سے اٹھا پیچھے جا کے بیٹھا کوئی بڑا ہی تگڑا تھا۔

 یا رسول اللہ ماالدین؟۔۔۔۔۔۔۔۔۔دین کیا ہے۔۔۔۔۔۔؟ 

تو آپ  ﷺ نے یوں پیچھے مڑ کے دیکھا ۔۔۔۔۔کہا !بھائی تو کب سمجھے گا ؟

اچھا۔۔۔۔۔۔۔دین یہ ہے کہ غصے مت ہوا کرو ۔

وھو الاتغضب۔۔۔۔۔۔۔ دین یہ ہے کہ غصہ مت ہوا کر۔

 جس کے اخلاق ٹھیک نہیں ہیں اس کی ساری نیکیاں دوسرے اٹھا کے لے جائیں گے۔

جس کا بول میٹھا نہیں ہے وہ منہ کے بل جہنم میں جائے گا ۔

افلا ادلک علی ملاک الامر کل۔۔۔۔۔۔  اے مال! اپنے مال سے فرمایا۔پھر آپ  ﷺ نے فرمایا

کہ ایککام کی چھوٹی سی چیز بتادوں ؟ساری چیزوں میں سے چھوٹی سی چیز بتادوں ؟

پھر اپنی زبان کو باہر نکال کر یوں پکڑ لیا اور کہا!

 امسک علیک لسانک۔۔۔۔۔۔ اپنی زبان کو پکڑ کر رکھ

 کہ کسی مسلمان کے خلاف تمہاری زبان نہ چلے ۔

یارسول اللہ! کیا زبان کی وجہ سے بھی پکڑے جائیں گے۔۔۔۔۔۔۔؟تو فرمایا!بہت سارے لوگ صرف بری زبان یعنی غیبت چغلی وغیرہ کی وجہ سے جہنم میں جائیں گے۔

 دشمنوں کو دوست بنانے کا نسخہ

محبت سے چلنا اختلاف کے ساتھ بھی ہوسکتا ہے ،اگرچہ رائے ایک نہ ہو لیکن وہ چھ باتیں ہیں جو دلوں کو توڑ دیتی ہیں اور وہ چار باتیں ہیں جو دلوں کو جوڑ دیتی ہیں،یہ چار باتیں دشمنوں کو بھی اپنا بنادیں گی اور یہ چھ باتیں دوستوں اور اپنوں کو بھی توڑ کر رکھ دیں گی،بھائی بھائی ٹوٹ جائے گا ،دوست دوست کا دشمن بن جائے گا،ایک کلمہ پڑھنے والے ایک دوسرے کا گلہ کاٹیں گے یہ چار باتیں آپس میں زندہ کردیں تو کافر بھی جھکتے چلیں آئیں گے۔

میں نے اخلاق کو دیکھ کر اسلام قبول کیا

آپ  ﷺ سورہے تھے ایک بدو نے تلوار اٹھائی اور آپ  ﷺ کی آنکھیں کھل گئیں۔

اس بدو نے کہا اب آپ کو کون بچائے گا۔۔۔۔۔۔۔۔۔۔۔۔؟

آپ  ﷺ نے فرمایا ـ: اللہ بچائے گا اور کون بچائے گا۔

پھر اتنے میں جبرائیل علیہ السلام تشریف لائے اور اس کے سینے پر ایک مکا مارا تو وہ دور جا کر گر پڑا اور تلوار بھی گر گئی۔ پھر آپ  ﷺ نے تلوار اٹھالی اور فرمایا !کہ

 اب تجھے کون بچائے گا۔۔۔۔۔۔۔۔۔؟اس کو اللہ کا پتہ نہیں تو کہنے لگا!

مجھے اور کون بچائے گا ۔۔۔۔۔۔؟تو بچائے گا ،تو بچائے گا۔

آپ  ﷺ نے کہا چلا جا،تو مجھے نبی مانتا ہے کہ نہیں مانتا ۔۔۔۔۔۔۔۔؟

کہا !کہ نہیں مانتا ۔قوم کے پاس گیا اور ان کو بتلا کر آیا پھر مسلمان ہوا۔

میرے بھائیو! حضور  ﷺ کے اخلاق سیکھو۔

اخلاق کی وجہ سے دشمن قدموں میں گر گیا

ایک آدمی نے عبداللہ بن جعفر کو گالیاں دیں،تو وہ اس کے پیچھے گئے دروازے پر دستک دی کہ بھائی! جو کچھ آپ نے کہا ہے اگر یہ سچ ہے تو میرے لئے مصیبت ہے ،ورنہ اگر تو نے غلط کہا ہے تو اللہ تعالیٰ تجھے معاف کردیں ،تو وہ قدموں میں گر گیا ،نہیں ،نہیں میں نے بکواس کی ،آپ مجھے معاف کریں،یہ ہے اخلاق نبوت۔

ایک صحابی آئے یارسول اللہ  ﷺ ہمارے پڑوس میں ایک عورت ہے جو دن کو روزہ رکھتی ہے رات کو تہجد پڑھتی ہے لیکن دوسر ے پڑوسیوں کو تنگ کرتی ہے۔ تو آپ  ﷺ نے فرمایا! کوئی بھلائی نہیں یہ دوزخ میں جائے گی۔کوئی خیر نہیں۔

کامل ایمان ! مگر کیسے؟

ایک صحابی نے کہا یارسول اللہ  ﷺ! میں چاہتا ہوں کہ میرا ایمان کامل ہوجائے۔۔۔۔ تو حضور  ﷺ نے فرمایا اخلاق اچھا بنالے تیرا ایمان کامل ہوجائے گا۔تو اپنے اخلاق ٹھیک کر لے۔اب پوری دنیا میں دعوت دینے کے لئے یہ اعمال ہیں اخلاق بنانا۔۔۔۔دعوت دینا ۔۔۔۔۔تعلیم کرنا۔۔۔۔۔خدمت کرنا۔

امام زین العابدین  ؒ کو ایک آدمی گالیاں دینے لگے تو دوسری طرف منہ کر کے بیٹھ گئے وہ سمجھ رہا تھا کہ انکو پتہ ہی نہیں کہ میں ان کو گالیاں دے رہا ہوں۔وہ سامنے آکر کہنے لگا تجھے گالیاں دے رہا ہوں تجھے ،امام صاحب نے کہا میں تمہیں ہی معاف کرتا ۔

چھٹا کام: اللہ کی مخلوق کی خدمت کرو!

میرے بھائیو! عبادت سے جنت ملتی ہے اور خدمت سے خدا ملتاہے۔اللہ کی مخلوق کی ضرورت کو پورا کرنا یہ کتنا بڑا عمل ہے،آپ سوچ بھی نہیں سکتے! قیامت کے دن اللہ تعالیٰ فرمائیں گے۔

{یاابن آدم استطعمک فلم تستطعمنی}

اے میرے بندے! مجھے روٹی کی ضرورت تھی تو نے مجھے روٹی نہ کھلائی ۔

وہ کہے گا یا اللہ آپ توہر عیب سے پا ک ہیں۔فرمایا!میرا فلاں بندہ جو تمہارے پاس آیا تھا اگر تم اس کو روٹی کھلا دیتے تو اس کا اجر تم مجھ سے لے لیتے ایسے تھا جیسے میرے خزانے میں جمع کراد یا۔

{ایابن آدم استقیتک فلم تستقینی}

اے میرے بندے میں نے تم سے پانی مانگا تھا تو نے پانی نہ پلایا۔

بندہ کہے گا یااللہ آپ تو رب العلمین ہیں۔ فرمایا میرا بندہ جو پیاسا آیاتھا اس کو پانی پلاتا تو ایسا تھا جیسے تونے مجھے پانی پلایا۔

{یاابن آدم مرضت فلم تعدنی۔۔۔۔۔۔۔۔۔۔۔اللہ اکبر}

مسلمان کا حال پوچھنا کتنی بڑی بات ہے وہ کہے گا !یا اللہ آپ تو ہر عیب سے پاک ہیں،اللہ فرمائے گا میرا فلاں بندہ بیمار تھا اگر تو اس کا حال پوچھ لیتا تو ایسا تھا جیسے تو نے میرا حال پوچھا ،یہ وقتی ضرورت پوری کرنے پر اللہ اتنے خوش ہورہے ہیں۔

اچھے ماحول کی اہمیت

ہم کوئی تبلیغی جماعت میں شامل کرنے کی دعوت نہیں دے رہے ہیں۔نہ ہم خود کوئی تبلیغی جماعت سے معاوضہ لے رہے ہیں۔نہ ہمیں کوئی سیکریٹری بننا ہے۔وہاں تو کوئی ممبر کوئی نہیں تو سیکریٹری کہاں سے آئے ۔۔۔۔؟صدر کہاں سے آئے۔۔۔؟۔پریذیڈینٹ کہا ںسے آئے۔۔۔؟۔میں اللہ اور اس کے رسول  ﷺ کے سامنے جوابدہ ہوں۔مجھے اس کے لئے تیاری کرنی ہے۔آج کی مسموم فضائوں نے ہمارا ماحول گندا کردیا ہے۔آج گھروں میں کتاب تو مل جائے گی،ماحول میں کہاں سے لائوںگا۔

میں زہد تو پڑھوں گا،زاہد کہاں سے دیکھوں۔۔۔۔۔۔۔۔۔۔۔۔۔۔۔۔۔۔۔۔؟

میں تقویٰ تو پڑھوںگا ،متقی کہاں سے ڈھونڈوں۔۔۔۔۔۔۔۔۔۔۔۔۔۔۔۔۔۔۔؟ 

میں حیا تو پڑھوں گا،میں حیاء والا کہاں سے دیکھوں۔۔۔۔۔۔۔۔۔۔۔۔ ؟

میں پاکدامنی تو پڑھوںگا ،پاکدامنوں کی صحبت کہاں سے لائوں۔۔۔۔۔۔۔۔۔۔۔۔۔ ؟

میں سخاوت تو پڑھوں گا ،میں سخی کہاں سے لائوں۔۔۔۔۔۔۔۔۔۔۔۔۔۔۔؟

میرے بھائیو! ایسا ہی ہے تیرنا تو پڑھے ،پانی نہ دیکھے،تیرے گا کہاں سے ۔تیرنا تو پڑھ لیا پانی کوئی نہیں تیرے کہاں سے۔ایمانی صفات پڑھنے سے نہیں آتیں۔۔۔۔۔۔۔ اللہ کے راستے میں نکلنے سے آتی ہیں۔

گمراہی کے ماحول میں ایمان کی حفاظت کرنے والے کا واقعہ

۱۹۹۴؁ء میں انگلینڈ میں اجتماع تھا۔تو میں رات کو فارغ ہوکے باہر نکلا تو ایک نوجوان لڑکا پہرہ دے رہاتھا۔بریڈ فورڈ کا ۔تھوڑا سا تعارف ہوا تو وہ بڑا خوش ہو کر کہنے لگا :مجھے تو آپ سے ملنے کا بڑا شوق تھا۔میں نے کہا تم ادھر کیسے ؟کہنے لگا :میں نے تین دن لگائے تھے۔اللہ نے میری ساری زندگی بدل دی۔تو اس نے بات کی بڑی خوبصورت جو مجھے آج تک یاد ہے۔

کہا :جی ان کے پاس ہمیں گمراہ کرنے لئے اور نہیں ہے۔جو کچھ ان کے پاس ہے،گمراہی کے جتنے سامان ہیں۔اسباب ہیں۔۔۔۔۔فحاشی کے۔۔۔۔۔عریانی کے۔۔۔۔بے پردگی کے۔۔۔۔۔عورت مرد کے ملاپ کے ۔۔۔۔۔۔یہ peak ہے۔اس کے آگے اور ہے! کچھ نہیں۔ہم اس میں سے توبہ کرکے باہر آرہے ہیں اب اور کوئی شکل نہیں ہے ان کے پاس ہمیں گمراہ کرنے کے لئے اور ہم اللہ کے فضل سے اسے ٹھوکر مار کے آرہے ہیں اوراس بصیرت کے ساتھ آرہے ہیں کہ وہ باطل ہے اور یہ حق ہے۔وہاں کچھ نہیں یہاں سب کچھ ہے ۔ 

امریکی ڈاکو اور اتباع سنت

امریکہ ہماری جماعت گئی۔۔۔۔۔۔۔۔۔۔شکاگو میں ایک مسجد میں ہم گئے تو دیکھا مسجد میں خیمہ لگا ہواہے۔۔۔۔میں بڑا حیران ہوا کہ یہ خیمہ کیوں لگا ہوا ہے؟توپتہ چلا کہ یہاں اس علاقے کا بہت بڑا بدمعاش تھا سارے علاقے کا،وہ مسلمان ہوگیا ۔۔۔۔۔۔۔اور پھر پاکستان آکر تبلیغ میں تین چلے لگائے تو واپس گیا ہے تو اس نے خیمہ لگایا ہوا ہے۔۔۔۔۔۔۔اور روزانہ آکر اس میں گھنٹہ دو گھنٹے بیٹھتا ہے۔۔۔۔۔۔۔ کہ میرا نبی خیمے میں رہا کرتا تھا۔۔۔۔۔۔۔۔تو اب میں مستقل تو نہیں رہ سکتا۔۔۔۔۔کچھ دیر تو رہوں تاکہ میرے نبی  ﷺ کی یہ سنت تو ادا ہوجائے۔۔۔۔۔۔ یقین مانیں کہ مجھے اتنی شرم آئی کہ دیکھو نئے اسلام قبول کرنے والے کا یہ جذبہ چھوٹا سا خہمہ اتنا ساتھا۔۔۔۔۔۔۔۔۔نام بھی اس نے ابوبکر رکھا ہوا تھا۔

یہ درد وغم نکل گیا کہ۔۔۔۔ ہائے میں کیسے اپنے اللہ کو راضی کروں۔۔۔۔میری اولاد کیسے اللہ پاک کو راضی کرے ۔۔۔ یہ محنت ہی ختم ہوگئی۔۔۔۔۔۔۔نماز پڑھی تو بھی ٹھیک ہے۔۔۔۔۔۔نہیں پڑھی تو بھی ٹھیک ہے۔۔۔۔۔۔نہ پڑھنے کی خوشی۔۔۔۔۔۔ نہ چھوٹنے کی غم۔۔۔۔۔۔۔قرآن کی تلاوت ہوجائے تو خوشی کوئی نہیں۔۔۔۔۔۔رہ جائے تو غم کوئی نہیں۔۔۔۔یہ کیا مردہ دلی ہے۔۔۔۔؟

اللہ کی نافرمانی کر کے غم نہ ہونا!کیسی بے وفائی ہے؟

دس روپے کا نفع ہو۔۔۔۔۔ تو سب خوش ہورہے ہیں۔۔۔۔دس روپے کا گھاٹا پڑ جائے۔۔۔۔ تو سب غمگین ہورہے ہیں۔۔۔۔گھر میں ایک بچہ بیمار پڑ جائے۔۔۔۔۔ تو سارا گھر پریشان ہورہا ہے۔۔۔۔کوئی خوشی کی بات آجائے۔۔۔۔۔ سارا گھر خوش ہورہا ہے۔۔۔۔۔

میرے بھائیو ! یہ بھی کوئی خوشی اور غم کی چیزیں ہیں۔۔۔۔۔ایک نماز چھوٹ جائے تو ہم تڑپ جاتے ۔۔۔۔ہم مچل جاتے۔۔۔ہائے اللہ میری نماز گئی ۔۔۔۔۔یہاں تو مہینوں گزر جاتے ہیں۔۔۔۔۔فرض نمازیں چھوٹی پڑی ہیں۔دردوغم۔۔۔۔۔بے چینی۔۔۔۔بے قراری ۔۔۔جو اللہ کے لئے ہونی تھی۔۔۔۔ وہ پیسے پہ چل پڑی۔۔۔۔اللہ کی ذات کو مقصد بنائیں۔۔۔۔

مولوی صاحب کا تبلیغی شخص سے شکوہ

ہمارے مردوں اور عورتوں کو اللہ نے راستہ دیا ہے کہ اے میرے بندو اور بندیو مجھے سامنے رکھ کے چلو،میں ہوں تمہارا خالق اور مالک۔۔۔۔،میں ہوں تمہارا معبود ۔۔۔۔۔۔مجھے راضی کرو۔اللہ پہ فدا ہونا ہماری زندگی ہے۔ایک اللہ کو راضی کرنا ہماری زندگی ہے۔منڈی بہائو الدین ایک جماعت گئی،تو وہاں کے مولوی صاحب کہنے لگے:

نکل جائو تم سب مدرسوں کے مخالف ہو۔۔۔۔۔۔۔۔۔   میں نے کہا:وہ کیسے۔۔۔۔۔۔۔؟ 

کہنے لگے :یہ ہمارا تاجر پہلے ہمیں ہزار روپے چندہ دیتا تھا ،جب سے چلہ لگا کر آیا ہے سو روپیہ دیتا ہے۔اچھا بلاتے ہیں جی اس کو ۔بلایا کہا :یہ تو نے کیا کیا۔۔۔۔۔۔۔۔۔؟کہا جی پہلے جھوٹ پہ کاروبار تھا،سود پہ کاروبار تھا۔جب سے سن کے آیا ہوں جھوٹ بھی حرام ،سود بھی حرام۔اب سچ پہ کرتا ہوں تو روٹی بھی مشکل سے پوری ہوتی ہے ۔اس میں سے سوروپے انہیں دیتا ہوں۔اگر یہ کہتے ہیں تو پھر وہی شروع کردیتا ہوں۔ان کو دوں گا خود بھی کھائوں گا۔

…{وآخر دعوانا ان الحمد اللہ رب العالمین}…