seerat+un+nabi+urdu

حضوراکرم صلی اللہ علیہ وسلم کی اس دارفانی سے رحلت

وفات سے قبل حضور صلی اﷲ علیہ وسلم کے سر میں شدت سے درد تھا۔۔۔۔۔ اور محدثین نے لکھا ہے کہ بیماری دراصل اس زہر کا نتیجہ تھی جو تین سال پہلے آپ کو یہودیوں نے خیبر میں دیا تھا۔۔۔۔۔

تفصیل یہ ہے کہ جب آپ فتح خیبر سے فارغ ہوئے تو مرحب کی بھتیجی زینب بنت الحارث زوجہ سلام بن مشکم نے زہر ملا کر ایک بکری بھونی ۔۔۔۔۔ بازوؤں اور پٹھوں میں زہر خاص طور سے زیادہ کردیا۔۔۔۔۔ کیونکہ سن چکی تھی کہ آپ ا کو ان جگہوں کا گوشت بہت مرغوب ہے۔۔۔۔۔ نماز مغرب کے بعد آپ نے اس عورت کو اپنے پیروں کے پاس بیٹھے دیکھا۔۔۔۔۔ دریافت کرنے پر کہنے لگی:

’’اے ابو القاسم (حضور اکی کنیت ہے) میں آپ کے لئے ہدیہ لائی ہوں ۔۔۔۔۔ قبول کرلیجئے۔۔۔۔۔‘‘

آپ انے بکری قبول فرمالی اور چند صحابہ کے ساتھ کھانے بیٹھ گئے۔۔۔۔۔ انہی میں ایک حضرت بشر بن البراء بن معرور رضی اﷲعنہ بھی تھے۔۔۔۔۔

آپ صلی اﷲ علیہ وسلم نے حسب عادت بازو کاٹا اور ایک بوٹی نوچ کر چبانے لگے۔۔۔۔۔ بشر ص نے بھی کچھ گوشت کاٹا اور منہ میں لیا۔۔۔۔۔ بشر پر تو وہیں بیٹھے بیٹھے زہر کا اثر ہوگیا۔۔۔۔۔ لیکن آپ ا نے فوراً شانہ اقدس پر فصد کھلوائی۔۔۔۔۔ (یعنی رگ سے خون نکلوایا) اور دوسرے صحابہ کو بھی اس کا حکم دیا۔۔۔۔۔                                                                                      (حوالہ جان دو عالم ا)

ابوبکرؓ کے سوا کسی کی امامت منظور نہیں

اوپر گزر چکا ہے کہ بیماری حضرت میمونہ رضی اﷲ عنہا کے گھرمیں شروع ہوئی۔۔۔۔۔ یہیںسے یہ واقعہ پیش آیا کہ نماز کا وقت آگیا۔۔۔۔۔ مگر آپ ضعف کی وجہ سے مسجد نہ جاسکے۔۔۔۔۔ مجبوراً عبداﷲ بن زمعہ سے فرمایا:

’’لوگوں سے جا کر کہہ دو ۔۔۔۔۔ نماز پڑھ لیں۔۔۔۔۔‘‘

عبداﷲ گئے ۔۔۔۔۔ حضرت ابوبکرص ملے نہیں ۔۔۔۔۔ وہ اپنی بیوی کے گھر گئے ہوئے تھے۔۔۔ اتفاق سے حضرت عمر ص  مل گئے۔۔۔۔۔ انہوں نے انہی سے نماز پڑھانے کو کہہ دیا۔۔۔۔۔ حضرت عمر ص بلند آواز تھے۔۔۔۔۔ ان کی قرأت آپ ا کے کان تک پہنچی ۔۔۔۔۔ آواز پہچان کر فرمانے لگے:

’’نہیں نہیں! ابن ابی قحافہ(ابوبکر) کہاں ہیں؟ کیا یہ عمر کی آواز نہیں ہے؟‘‘

عرض کیا گیا: جی ہاں ! یہ عمر ہی ہیں۔۔۔۔۔

فرمایا: مگر اﷲ اور مومنین کو منظور نہیں۔۔۔۔۔ ابوبکر سے کہو نماز پڑھائے۔۔۔۔۔

راوی کہتاہے کہ اس پر صفیں ٹوٹ گئیں۔۔۔۔۔ حضرت عمر ص امامت سے ہٹ گئے۔۔۔۔۔ اور اس وقت تک نماز ملتوی رہی جب تک حضرت ابوبکر ص آ نہ گئے۔۔۔۔۔

حضرت عائشہ کی باری کا انتظار

بیماری شروع ہوتے ہی ضعف بہت بڑھ گیا۔۔۔۔۔ مگر قدیم دستور کے مطابق ہر بی بی کے پاس باری باری سے ضرور جاتے تھے۔۔۔۔۔ جب مرض نے زیادہ زور پکڑا تو فرمانا شروع کیا:

’’کل کس کے پاس ہوں گا؟‘‘

عرض کیا گیا:                            ’’فلاں بی بی کے پاس ‘‘

فرمایا:                                                               پرسوں کس کی باری ہے؟

عرض کیا گیا:                            فلاں بی بی کی۔۔۔۔۔

آپ صلی اﷲعلیہ وسلم کے اس طرح بار بار اصرار کرنے سے حضرت فاطمہ رضی اﷲ عنہا سمجھ گئیں کہ آپ حضرت عائشہ رضی اﷲعنہا کے پاس رہنا چاہتے ہیں۔۔۔۔۔ چنانچہ ازواج مطہرات سے کہنے لگیں:

’’رسول اﷲ کو اب تمہارے پاس آنے جانے سے تکلیف ہوتی ہے۔۔۔۔۔‘‘

اس پر ان سب نے مل کر عرض کیا:

’’ یا رسول اﷲا! آپ عائشہ ہی کے پاس رہئے۔۔۔۔۔ ہم نے اپنی اپنی باری عائشہ کو بخش دی۔۔۔۔۔‘‘

یہ واقعہ دو شنبہ کے دن کا ہے۔۔۔۔۔ یعنی وفات سے ایک ہفتہ قبل اور بیماری سے چھ دن بعد کا ۔۔۔۔۔

بوقت وفات نماز کی فکر

نماز سے آنحضرت صلی اﷲ علیہ وسلم کو اس قدر محبت تھی کہ آخری لمحات میں بھی اسی کا اشتیاق ذہن اقدس پر حاوی تھا۔۔۔۔۔ حالانکہ اس وقت نقاہت کا یہ عالم تھا کہ بار بار غشی طاری ہوجاتی تھی۔۔۔۔۔

حضرت عائشہ کی ایک روایت میں ہے:

’’جب تمام ازواج مطہرات نے میرے گھر میں تیمار داری کی اجازت دے دی تو آپ اپنے خاندان کے دوآدمیوں عباس بن عبدالمطلب اور ایک اور شخص پر ٹیک لگائے میمونہ کے گھر سے نکلے۔۔۔۔ سر پر پٹی بندھی تھی۔۔۔۔۔ کمزوری سے زمین پر پاؤں جھولتے تھے۔۔۔ اس حال میں میرے گھر پہنچے۔۔۔۔۔ تھوڑی دیر بعد بیماری اور بھی زیادہ سخت ہوگئی۔۔۔۔۔ یہاں تک کہ بے ہوش ہوگئے۔۔۔۔۔ افاقہ ہوا تو پوچھنے لگے:

’’لوگ نماز پڑھ چکے ؟‘‘

میں نے کہا:                                 نہیں آپ کے منتظر ہیں۔۔۔۔۔

فرمایا:                                                               میرے لئے طشت میں پانی رکھ دو۔۔۔۔۔

ہم نے رکھ دیا۔۔۔ اور آپ نے غسل فرمایا۔۔۔۔۔ مگر اٹھنے لگے تو بے ہوش ہوگئے۔۔۔

افاقہ ہوا تو پھر دریافت فرمایا:

’’لوگوں نے نماز پڑھ لی؟‘‘

میں نے کہا:                                 نہیں ! آپ کا انتظار کررہے ہیں۔۔۔۔۔

فرمایا:                                                               تو طشت میں پانی رکھ دو۔۔۔۔۔

ہم نے رکھ دیا۔۔۔ آپ نے غسل کیا ۔۔۔ مگر جب اٹھنے لگے تو پھر غشی طاری ہوگئی۔۔۔

تھوڑی دیر بعد پھر افاقہ ہوا۔۔۔۔۔ تو پوچھا:

’’نماز ہوگئی؟‘‘

میںنے عرض کیا:                  نہیں آپ کا انتظار ہے۔۔۔۔۔

فرمایا:                                                                                                               تو طشت میں پانی رکھ دو۔۔۔۔۔

ہم نے رکھ دیا۔۔۔۔۔ اور آپ نے غسل کیا ۔۔۔۔۔ پھر دریافت کیا: لوگ نماز پڑھ چکے ؟۔

ہم نے کہا: نہیں آپ کا راستہ دیکھ رہے ہیں۔۔۔۔۔

حضرت ابوبکر ص کی امامت اور آ نسو

حضرت عائشہ رضی اﷲ عنہا کہتی ہیں:

واقعی لوگ مسجد میں عشاء کی نماز کے لئے رسول اﷲ صلی اﷲعلیہ وسلم کے انتظار میں بیٹھے ہوئے تھے۔۔۔۔۔ آخری مرتبہ غسل کرکے آپ نے باہر جانے کا ارادہ ظاہر نہیں کیا۔۔۔۔۔ بلکہ فرمایا:

’’ ابوبکر سے کہو نماز پڑھائے۔۔۔۔۔‘‘

اس پر میںنے عرض کیا: اے نبی اﷲ ! ابوبکر ایک رقیق القلب اور کمزور آواز کے آدمی ہیں۔۔۔۔۔ قرآن پڑھتے ہیں تو گریہ طاری ہوجاتا ہے۔۔۔۔۔

مگر آپ ا نے اس پر کوئی توجہ نہیں دی۔۔۔۔۔ اور دوبارہ فرمایا:

’’ابوبکر سے کہو نماز پڑھائے۔۔۔۔۔‘‘

حضرت ابوبکر رضی اﷲعنہ کو فرمان نبوی پہنچا تو انہوں نے حضرت عمر رضی اﷲعنہ سے درخواست کی کہ تم نماز پڑھاؤ۔۔۔۔۔ مگر وہ راضی نہ ہوئے ۔۔۔۔۔ کہنے لگے:

’’آپ ہی پڑھائیے۔۔۔۔۔ آپ اس کے زیادہ مستحق ہیں۔۔۔۔۔‘‘

چنانچہ حضرت ابوبکر رضی اﷲ عنہ امامت کے لئے کھڑے ہوگئے۔۔۔۔۔ مگر جب قرأت شروع کی تو جیسا حضرت عائشہ رضی اﷲ عنہا کا خیال تھا ۔۔۔۔۔ گریہ و بکا ان پر غالب آگیا۔۔۔۔۔ زارو قطار رونے لگے۔۔۔۔۔ یہی حال پیچھے مقتدیوں کا ہوا۔۔۔۔۔ سب کی ہچکی بندھ گئی۔۔۔۔ کیونکہ وہ آج محراب کو اپنے نبی سے خالی دیکھ رہے تھے۔۔۔۔۔

اس کے بعد پھر جب نماز کا وقت آیا تو موذن نے حاضر ہو کر کہا:

’’رسول اﷲا سے کہو کہ کسی اور کو نماز پڑھانے کا حکم دیں۔۔۔۔۔ کیونکہ گزشتہ نماز میں ابوبکر اور ان کے مقتدی گریہ و بکا سے فتنہ میں پڑ گئے تھے۔۔۔۔‘‘

حضرت حفصہ رضی اﷲ عنہا نے اپنی طرف سے کہہ دیا :

’’عمر کونماز پڑھانے کے لئے کہہ دو۔۔۔۔۔‘‘

چنانچہ حضرت عمر رضی اﷲ عنہ کھڑے ہوگئے۔۔۔۔۔ مگر ان کی تکبیر بلند ہوتے ہی رسول اﷲ صلی اﷲعلیہ وسلم آواز پہچان گئے۔۔۔۔۔ اور فرمانے لگے: یہ میں کس کی تکبیر سن رہا ہوں؟۔۔۔

ازواج مطہرات کہنے لگیں: عمر ہیں۔۔۔۔۔ موذن آیا تھا۔۔۔۔۔ یہ یہ کہتا تھا۔۔۔۔۔ حفصہ نے اس سے کہہ دیا کہ عمر امامت کریں۔۔۔۔۔

یہ سن کر آپ ابہت خفا ہوئے۔۔۔۔۔ فرمایا:

’’تم یوسف والیاں ہو! ابوبکر سے کہو نماز پڑھائے۔۔۔‘‘                      

                                                                                                                                                                                                     (حوالہ جان دو عالم ا وسیرت النبی ابن کثیر و حلبی)

ابو ذر  کو سینہ سے لگالیا

حضرت ابو ذر رضی اﷲعنہ سے بڑی محبت تھی۔۔۔۔۔ مرض الموت میں ایک دن انہیں یاد فرمایا۔۔۔۔۔ وہ آئے تو آپ کوسوتا پایا۔۔۔۔۔ وہ اوپر جھک کر آپ کو دیکھنے لگے۔۔۔۔۔ تو آپ نے آنکھ کھول دی اور انہیں سینے سے لگالیا۔۔۔۔۔

حضرت عائشہ کی خوش نصیبیاں

حضرت عائشہ رضی اﷲعنہا فرمایا کرتی تھیں کہ میرے اوپر اﷲ تعالیٰ کے خاص انعامات میں سے ایک یہ ہے کہ آنحضرت صلی اﷲ علیہ وسلم کا انتقال میرے گھر میں ہوا اور میرے سینے اور ہنسلیوں کے درمیان ہوا۔۔۔۔۔

(حدیث میں اس کے لئے ایک جگہ بین سحری و نحری کے الفاظ آئے ہیں اور ایک روایت میں بین حاقنتی و ذاقنتی کے الفاظ استعمال ہوئے ہیں۔۔۔۔۔ سحر عربی میں پھیپھڑوں کو کہتے ہیں اور نحر گردن کو کہتے ہیں۔۔۔۔۔ بہرحال مراد یہ ہے کہ اس وقت آنحضرت ا میرے سینے سے ٹیک لگائے ہوئے تھے۔۔۔۔۔ آگے حضرت عائشہ صدیقہ فرماتی ہیں )اور یہ کہ آپ ا کی وفات کے وقت اﷲ تعالیٰ نے میرا لعاب دہن اور آنحضرت ا کا لعاب دہن ایک دوسرے میں مخلوط فرمادیا۔۔۔۔۔

 ایک روایت میں یہ الفاظ ہیں کہ: رسول اﷲ کے اس دنیا کے آخری دن اور آخرت کے پہلے دن میرا اور آپ کا لعاب دہن ایک دوسرے میں ملا دیا۔۔۔۔۔ (کیونکہ آخری وقت حضرت عائشہ ؓ نے اپنے دانتوں سے مسواک چبا کر آنحضرت ا کو پیش کی تھی۔۔۔۔۔ جو آپ ا نے دندان مبارک پر پھیری۔۔۔ )                                                                                                                                                                                                                                                 (حوالہ ایضاً )

وفات سے ایک روز قبل

ام المومنین حضرت عائشہ صدیقہ رضی اﷲعنہا فرماتی ہیں کہ اس بیماری کے دوران نبی کریم صلی اﷲعلیہ وسلم نے مجھ سے دریافت فرمایا:

’’اے عائشہ! وہ دینار کہاں ہیں؟‘‘

حضرت عائشہ ؓ  فورا ًاٹھیں اور آٹھ دینار جو رکھے ہوئے تھے لے آئیں اور اپنے آقا کی بارگاہ میں پیش کردئیے۔۔۔۔۔ حضور دیناروں کو اپنے مبارک ہاتھوںمیں کچھ دیر الٹ پلٹ کرتے رہے۔۔۔۔۔ پھر فرمایا:

’’اے عائشہ! اگر میں یہ دینار اپنے گھر میں چھوڑ کر اپنے پروردگار سے ملاقات کروں تو میرا پروردگار فرمائے گا کہ میرے بندے کو مجھ پر اعتماد نہیں تھا؟عائشہ! ان کو فوراً مساکین میں تقسیم کردو۔۔۔۔۔‘‘

چنانچہ آپ نے اﷲ تعالیٰ کے حبیب کے گھر میں جو آخری پونچی تھی۔۔۔۔۔ اسے نکال کر مساکین میں تقسیم کردیا۔۔۔۔۔

وہ ذات اقدس و اطہر جس کو اﷲ تعالیٰ نے زمین کے سارے خزانوں کی کنجیاں مرحمت فرمادی دی تھیں۔۔۔۔۔ اس کے گھر کی یہ کیفیت تھی کہ زندگی کی آخری رات میں چراغ میں تیل نہیں تھا۔۔۔۔۔ حضرت صدیقہ بیان کرتی ہیں کہ میںنے اپنا چراغ اپنی ایک پڑوسن کی طرف بھیجا اور کہا کہ اپنی تیل والی کپی سے چند قطرے اس چراغ میں ڈال دو تاکہ آج کی رات گزر جائے۔۔۔۔۔

حیات طیبہ کے آخری دنوں میں حضور ا نے پچھترسیر جو ۔۔۔۔۔ ایک یہودی سے بطور قرضہ لئے تھے اور اس کی قیمت کے عوض اپنی زرہ اس کے پاس بطور رہن رکھی ہوئی تھی۔۔۔۔۔ انہی دنوں حضور ا نے چالیس غلام آزاد فرمادئیے ۔۔۔۔۔

آخری دن (آخری دیدار)

بارہ دن بیماری پر گزر چکے تھے۔۔۔۔۔ تیرہواں دن ’’دوشنبہ‘‘ دار فانی سے رحلت ۔۔۔۔۔ عالم جاودانی میں داخلہ اور جوار خداوندی میں پہنچنے کا دن تھا۔۔۔۔۔ اس لئے قدرتی طور پر روح از حد مسرور اور پر نشاط تھی۔۔۔۔۔ آج صبح اٹھے تو باوجود حد درجہ نقاہت کے نہایت ہشاش بشاش تھے۔۔۔

وصال کے وقت امت کی یاد

پیدائش کی طرح سرکار دو عالم صلی اﷲعلیہ وسلم وصال کے وقت بھی امت کو یاد فرما رہے تھے۔۔۔۔۔ قبر انور میں جب آپ کو اتارا جارہا تھا تو آپ کے مبارک لبوں سے امتی کے الفاظ سنے گئے۔۔۔۔۔ بعض روایات کے مطابق حضرت فضل یا قثم بن عباس نے کان قریب کیا تو محبوب رب کریم کی زبان سے یہ سناـ

’’رب امتی اب امتی‘‘

’’اے میرے پروردگار! میری امت میری امت۔۔۔۔۔‘‘

شیخ المحدثین حضرت شیخ عبدالحق محدث دہلوی نے مدارج النبوت میں وصال مبارک کی تفصیلات بیان کرتے ہوئے ایک جگہ لکھا ہے۔۔۔۔۔ کہ حضور نبی اکرم صلی اﷲعلیہ وسلم نے وقت نزع حضرت سیدہ کائنات سیدہ فاطمۃ الزہرا رضی اﷲ عنہا کے ذریعے اپنے نواسوں حسنین کریمین کو اپنے پاس بلایا۔۔۔۔۔ شہزادوں کو اپنے نانا جان کی حالت نزع دیکھ کر رونا آگیا۔۔۔۔۔ ان کے رونے پر مجلس میں موجود ہر شخص رونے لگا۔۔۔۔۔ سرکار دو عالم صلی اﷲعلیہ وسلم نے شہزادوں کو چوما ۔۔۔۔۔ صحابہ کرام اور تمام امت کو ان کے ساتھ محبت کی وصیت فرمائی۔۔۔۔۔

ایک روایت کے مطابق اس موقع پر سرکار دو عالم صلی اﷲعلیہ وسلم پر بھی رقت طاری ہوگئی۔۔۔۔۔ حضرت ام المومنین سیدہ ام سلمہ رضی اﷲ عنہا کے یہ عرض کرنے پر کہ آپ کے گزشتہ و آئندہ سب گناہ مغفور ہیں۔۔۔۔۔ پھر رونے کا سبب کیا ہے؟۔۔۔۔۔ کریم آقا ا نے فرمایا:’’میرا رونا امت پر رحم و شفقت کے باعث ہے۔۔۔۔۔‘‘

                                                                                                           (خطیب بغداری تاریخ بغداد ۱۲؍۳۰۲ و مدارج النبوت عبدالحق محدث دہلوی ۲)

جبرائیل اور ملک الموت

حضور صلی اﷲ علیہ وسلم مرض وصال شریف میں بیمار ہوئے تو جبرائیل علیہ السلام حاضر ہوئے اور عرض کیا:

’’ یا رسول اﷲا! اﷲ تعالیٰ نے آپ کی عزت افزائی کے لئے صرف آپ کی خاطر مجھے آپ کی مزاج پرسی کے لئے بھیجا ہے۔۔۔۔ وہ پوچھتا ہے آپ کا کیا حال ہے۔۔۔۔۔ حالانکہ وہ آپ سے زیادہ آپ کا حال جانتا ہے۔۔۔۔۔‘‘

حضور صلی اﷲ علیہ وسلم نے فرمایا:’’میں مغموم و مکروب ہوں۔۔۔۔۔‘‘

دوسرے دن جبرائیل پھر حاضر ہوئے اور اﷲ کی طرف سے حال پوچھا۔۔۔۔۔ حضورا نے پھر وہی جواب دیا۔۔۔۔۔ جبرائیل تیسرے دن پھر آئے اور اﷲ کی طرف سے حال پوچھا۔۔۔۔۔ حضور ا نے پھر وہی جواب دیا۔۔۔۔۔ جبرائیل نے عرض کیا : حضورا! آج میرے ساتھ اسماعیل نام کا فرشتہ بھی آپ کی مزاج پرسی کے لئے آیا ہے۔۔۔۔۔

 حضور ا نے اس کے متعلق دریافت فرمایا کہ وہ کون ہے؟

جبرائیل نے بتایا:

’’حضور ا یہ فرشتہ ایک لاکھ فرشتوں کا سردار ہے اور اس کے ماتحت جو لاکھ فرشتے ہیں جو ان میں سے ہر فرشتہ ایک ایک لاکھ فرشتوں کا سردار ہے۔۔۔ یعنی یہ اسماعیل ایک لاکھ فرشتوںکے ایک لاکھ سرداروں کا سردار ہے۔۔۔ آپ کی مزاج پرسی کے لئے حاضر ہواہے۔۔۔‘‘

 جبرائیل نے پھر عرض کیا: حضور ا! آج میرے ساتھ ملک الموت بھی آیا ہے اور آپ سے اجازت طلب کرتا ہے۔۔۔۔۔ جب کہ اس نے آج تک کبھی کسی سے اجازت طلب نہیں کی۔۔۔۔۔ او رنہ آپ کے بعد کسی سے اجازت طلب کرے گا۔۔۔۔۔حضور ا! اگر آپ اسے اجازت دیں تو وہ حاضر ہوجائے۔۔۔۔۔

حضور صلی اﷲعلیہ وسلم نے فرمایا : اسے اجازت ہے۔۔۔۔۔ اسے آنے دو۔۔۔۔۔

چنانچہ اجازت پا کر ملک الموت حاضر ہوا اور عرض کرنے لگا: یا رسول اﷲا! اﷲ تعالیٰ نے مجھے آپ کی طرف بھیجا ہے اور حکم دیا ہے کہ میں آپ کا ہر حکم مانوں جو آپ فرمائیں وہی کروں گا۔۔۔۔۔ اگر آپ فرمائیں تو میں روح مبارک کو قبض کروں۔۔۔۔۔ مرضی نہ ہو توواپس چلا جاؤں۔۔۔۔۔

حضور صلی اﷲعلیہ وسلم نے فرمایا کیا تم ایسا ہی کرو گے۔۔۔۔۔

 ملک الموت نے عرض کیا: ہاں! حضور مجھے یہی حکم ملا ہے کہ میں آپ کی مرضی کے مطابق کام کروں۔۔۔۔۔

حضور صلی اﷲعلیہ وسلم نے جبرائیل کی طرف دیکھا۔۔۔۔۔

جبرائیل نے عرض کیا:حضور! اﷲ تعالیٰ آپ کی ملاقات کا شوق رکھتا ہے۔۔۔۔۔

حضورؐنے ملک الموت کو فرمایا : تمہیں روح قبض کرنے کی اجازت ہے۔۔۔

جبرائیل نے عرض کیا: حضورا! اب جب کہ آپ تشریف لے جارہے ہیں تو پھر زمین پر یہ میرا آخری پھیرا ہے۔۔۔۔۔ اس لئے کہ میرا مقصود تو صرف آپ تھے۔۔۔۔۔ اس کے بعدملک الموت روح المبارک کے قبض کرنے کے شرف سے مشرف ہوا۔۔۔۔۔

                                                                                                                                                                                                     (مواہب لدنیہ ج ۲ ص۳۷۱و مشکوٰۃ شریف ص۵۴۱)

شاہی استقبال

حضور صلی اﷲعلیہ وسلم کے وصال شریف کے وقت جبرائیل امین حاضر ہوا۔۔۔۔۔ اور عرض کرنے لگا:

’’ یا رسول اﷲا! آج آسمانوں پر حضور کے استقبال کی تیاریاں ہورہی ہیں۔۔۔۔۔‘‘

 خدا تعالیٰ نے جہنم کے داروغہ مالک کو حکم دیا ہے کہ: مالک! میرے حبیب کی روح مطہرہ آسمانوں پر تشریف لارہی ہے۔۔۔۔۔ اس اعزاز میں دوزخ کی آگ بجھا دے اور حوران جنت سے فرمایا ہے کہ تم سب اپنی تزئین وآراستگی کرو اور سب فرشتوں کو حکم دیا ہے کہ تعظیم روح مصطفی کے لئے سب صف بصف کھڑے ہوجاؤ۔۔۔۔۔

 اور مجھے حکم فرمایا کہ میں جناب کی خدمت میں حاضر ہو کر آپ کو بشارت دوں کی تمام انبیاء اور ان کی امتوں پر جنت حرام ہے۔۔۔۔۔  جب تک کہ آپ اور آپ کی امت جنت میں داخل نہ ہوجائے اور کل قیامت کو اﷲ تعالیٰ آپ کی امت پر آپ کے طفیل اس قدر بخشش و مغفرت کی بارش فرمائے گا کہ آپ راضی ہوجائیں گے۔۔۔  

                                                                                                                                                                                                                                                                                                    (مدارج النبوۃ ص۲۵۴ ج۲)

وفات کے وقت حضورصلی اﷲ علیہ وسلم نے ملک الموت سے فرمایا کہ: اے ملک الموت ! مجھے اپنے رب کی ملاقات کا شوق ہے۔۔۔۔۔ اب تم جس کام کے لئے آئے ہو وہ کام کرو۔۔۔۔۔

ملک الموت نے عرض کیا کہ مجھے حکم ہے کہ اگر حضور کی مرضی ہو تب روح مبارک قبض کرنا۔۔۔۔۔ حضور صلی اﷲعلیہ وسلم نے روح قبض کرنے کی اجازت فرمائی۔۔۔۔۔ ملک الموت نے روح مبارک قبض کرنی شروع کی۔۔۔۔۔ موت کی تکلیف سے حضور صلی اﷲعلیہ وسلم کی پیشانی پر پسینہ آیا۔۔۔۔۔ سکرات کی تکلیف شروع ہوئی فرمایا:

’’اللھم ان الموت سکرات‘‘

اے اﷲ ! موت کی بڑی سخت تکلیف ہے۔۔۔۔۔

’’اللھم اعنی فی سکرات الموت‘‘

الٰہی! تو ہی موت کی تکلیف کو آسان کرے گا۔۔۔۔۔

مٹی کے پیالے میں پانی بھرا کررکھوایا ۔۔۔۔۔ موت کی گھبراہٹ میں گھڑی گھڑی پانی میں ہاتھ ڈالتے ۔۔۔۔۔ وہ ہاتھ منہ پر پھیرتے۔۔۔۔۔ اور ’’اللھم بالرفیق الاعلیٰ‘‘ فرماتے: اے اﷲ! مجھے اپنے پاس بلالے۔۔۔۔۔

حضرت فاطمہ رضی اﷲعنہا نے کہا:

’’واہ کرب ابی‘‘

یا حضرت! آج آپ کو بہت تکلیف ہے۔۔۔۔۔

فرمایا:

’’لا کرب علی ابیک بعد الیوم‘‘

اے فاطمہ! آج کے سوا پھر کبھی تیرے باپ پر کچھ کرب اور کوئی تکلیف نہ ہوگی۔۔۔۔۔

 اے فاطمہ جب میرا انتقال ہوجائے تو تم انا ﷲ و انا الیہ راجعون کہنا۔۔۔۔۔اے ملک الموت اپنا کام پورا کر پھر آپ کو نزع کی تکلیف زیادہ ہوئی۔۔۔۔۔ حضرت جبرائیل نے حضور صلی اﷲ علیہ وسلم کی طرف سے اپنا منہ پھیر لیا۔۔۔۔۔

 حضور صلی اﷲ علیہ وسلم نے فرمایا:

’’ اے جبرائیل! کیا اس وقت میرا منہ تمہیں اچھامعلوم نہیں ہوتا؟ جو تم نے منہ پھیر لیا۔۔۔۔۔‘‘

حضرت جبرائیل روئے اور عرض کیا: یا حضرت کس دل سے آپ کی نزع کی حالت دیکھ سکتا ہوں۔۔۔۔۔

 پھر جناب نے فرمایا:

’’الصلوٰۃ الصلوٰۃ‘‘

اے لوگو! دیکھو نماز کی حفاظت کرنا۔۔۔۔۔

یہ فرما کر پھر

’’یا رب امتی یا رب امتی‘‘

کہتے کہتے جان سینہ مبارک تک سمٹ آئی تھی۔۔۔۔۔ نیچے کے جسم کی جان نکل چکی تھی۔۔۔۔۔ مگر امت گنہگار کا کلمہ منہ پر جاری تھا۔۔۔۔۔ حضرت جبرائیل نے عرض کیا: رب العالمین فرماتا ہے کہ امت کی اس قدر محبت آپ کے دل میں کس نے ڈالی؟

فرمایا: اﷲ تعالیٰ نے ۔۔۔۔۔

عرض کیا: اﷲ تعالیٰ فرماتا ہے کہ ہم آپ کی امت پر ایک ہزار درجہ آپ سے زیادہ مہربان ہیں۔۔۔۔۔ اے نبی ا! تم اپنی امت کو میرے سپرد کرکے موت کی تکلیف کو آسان کیجئے۔۔۔۔۔

یہ سن کرفرمایا: اب میرا دل ٹھنڈا ہوا۔۔۔۔۔

’’اللھم بالرفیق الاعلیٰ‘‘

اے اﷲ! اب مجھے بلالے ۔۔۔۔۔

معاً بے ہوشی طاری ہوئی اور ماتھے پر مشک کی خوشبو کا پسینہ جاری ہوا۔۔۔۔۔ یہ رات کا وقت ہے۔۔۔۔۔ سید الکونین صلی اﷲ علیہ وسلم نزع کی حالت میں ہیں اور حجرہ مبارک میں دنیا کی قلت کے سبب چراغ میں تیل نہیں ہے۔۔۔۔۔ حضرت عائشہ رضی اﷲعنہا نے اٹھ کر ہمسایہ کی عورت کے پاس چراغ بھیج کر کہا کہ اﷲ کے واسطے دو بوندیں تیل کی ہمارے چراغ میں ڈال دو کہ جناب رسول خدا ا! اندھیرے میں وفات پارہے ہیں۔۔۔۔۔

ہائے! نبی کے گھر میں اندھیرا ہو اور سید المرسلین صلی اﷲعلیہ وسلم نزع کی حالت میں ہوں۔۔۔۔۔ واہ ری دنیا! انبیاء کے ساتھ تجھے کیسی عداوت ہے۔۔۔۔۔ ہاتھ آپ کا آسمان کی طرف تھا:

’’اللھم بالرفیق الاعلیٰ‘‘

کا کلمہ زبان پر تھا۔۔۔۔۔ یک بیک گردن مبارک کا مہرہ ایک طرف کو مائل ہوا۔۔۔۔۔ روح مبارک آسمان کی طرف پرواز کرگئی ۔۔۔۔۔ معاً ایک خوشبو حجرہ میں پیدا ہوئی ۔۔۔۔۔ طبیعت نے جان لیا کہ حضور صلی اﷲعلیہ وسلم براق پر سوار وہوئے واپس نہ آئیں گے۔۔۔۔۔ حضرت علی رضی اﷲعنہ نے فرمایا کہ میں نے ملک الموت کی آواز سنی کہ روح مبارک قبض کرکے چلے تھے روئے جاتے تھے اور ’’وا محمداہ وا محمداہ‘‘ کہتے جاتے تھے۔۔۔۔۔

بی بی فاطمہ رضی اﷲعنہا نے جب دیکھا کہ روح مبارک پرواز کرگئی ۔۔۔۔۔ حضور صلی اﷲعلیہ وسلم کے پاس آکر چہرہ مبارک کھولا۔۔۔۔۔ دیکھا کہ گویا آپ آرام فرماتے ہیں۔۔۔۔۔ ماتھے پر پسینہ ہے۔۔۔۔۔ پکارا:

’’یا ابتاہ اجاب رباہ‘‘

اے نبی! رب کا بلاوا منظور کرلیا۔۔۔۔۔

’’یا ابتاہ من ربہ ما او باہ‘‘

اے نبی! ہم کو چھوڑ کر اپنے رب کے پاس چلے گئے۔۔۔۔۔

’’ابتاہ الیٰ جبرائیل بتعاہ‘‘

اے نبی! اگر جبرائیل آپ کو تلاش کرتے ہوئے آئیں گے تو ہم کہیں گے کہ تم کسے تلاش کرتے ہو۔۔۔۔۔ جنہیں تم دیکھتے ہو وہ اس جہان سے تشریف لے گئے۔۔۔۔۔

’’یا ابتاہ الیٰ جنت الفردوس ماواہ‘‘

اے نبی! جنت الفردوس میں ٹھکانہ کرلیا ۔۔۔۔۔

جب گھر میں سے رونے کی آوازباہر آئی اور صحابہ کرام ث نے سنی ۔۔۔۔۔ گھبرا کربے تاب ہو کر دہلیز مبارک پر سر مارنے لگے۔۔۔۔۔ حضور صلی اﷲ علیہ وسلم کی وفات کی خبر سن کر صحابہ کرام ث کی عقلیں جاتی رہیں۔۔۔۔۔ حضرت عبداﷲ بن انیس ص صدمہ سے انتقال کرگئے۔۔۔۔۔ حضرت عمر ص دیوانہ ہوگئے۔۔۔۔۔ دیوانوں کی طرف حجرہ مبارک پر آئے اور عرض کیا کہ ذرا مجھے حضور ا سے ملادو۔۔۔۔۔ ایک نظر حضور ا کو مجھے ملا دو۔۔۔۔۔ اہل بیت نے عمر ص کو حجرہ میں بلایا۔۔۔۔۔ حضرت عمر ص نے دیکھا کہ آپ لیٹے ہوئے ہیں۔۔۔۔۔آپ ا کے منہ سے چادر سرکا کر دیکھا اور کہا ’’اغشیاہ‘‘ آج ایسی غشی اور بے ہوشی ہوئی کہ آپ ہوشیار نہیں ہوتے۔۔۔۔۔ کیا وحی اتری ہے۔۔۔۔۔ آنکھ سے بھی دیکھ لیا۔۔۔۔۔ مگر دل کو یقین نہ ہوا کہ آپ ا وفات پاگئے۔۔۔۔۔

جسم اطہر کی خوشبو

حضرت سیدہ ام سلمہ رضی اﷲعنہا فرماتی ہیں کہ جس روز رسول اﷲ صلی اﷲعلیہ وسلم کا وصال ہوا میں نے آپ ا کے ہاتھ کے سینے پر رکھ دئیے۔۔۔۔۔ کئی ہفتوں تک میرے ہاتھوں سے وضو کرتے اور کھانا کھاتے وقت مشک و عنبر کی خوشبو آتی رہی۔۔۔۔۔

ملک الموت اجازت طلب کرکے آئے

حضرت سیدہ فاطمۃ الزہرا رضی اﷲعنہا فرماتی ہیں کہ میں حضور صلی اﷲعلیہ وسلم کے سرہانے بیٹھی تھی کہ کسی شخص نے السلام علیکم یا اہل بیت النبوۃ کہہ کر اندر آنے کی اجازت طلب کی۔۔۔۔۔ میں نے کہا: اے اﷲ کے بندے! اﷲ تعالیٰ تمہیں بیمار پرسی کی جزائے خیر دے۔۔۔۔۔ آپ ا کو آرام کرنے دو۔۔۔۔۔ آپ ا عبادت میں مشغول ہیں۔۔۔۔۔

 آنے والے نے بلند آواز سے کہا: مجھے اندر آنے کی اجازت دیں کیونکہ اس کے بغیر کوئی چارہ کار نہیں۔۔۔۔۔ اسی اثنا ء میں حضور علیہ السلام کی غشی کم ہوگئی اور آپ ا نے آنکھیں کھولیں اور حضرت سیدہ طاہرہ ؓ سے فرمایا: تمہیں پتہ ہے تم کس سے باتیں کررہی ہو؟

میں نے کہا: نہیں۔۔۔۔۔

حضور علیہ السلام نے فرمایا: یہ ملک الموت ہیں ۔۔۔۔۔ انہیں اندر آنے کی اجازت دے دیں۔۔۔۔۔

حضرت عزرائیل علیہ السلام اندر آئے اور آتے ہی ’’السلام علیک یا رسول اﷲ‘‘ کہا: آپ ا نے جواب میں ’’وعلیکم السلام یا امین اﷲ‘‘ کہا۔۔۔۔۔ پھر یوں گویا ہوئے۔۔۔۔۔مجھے اس خداوند جہاں کی قسم ہے جس نے آپ ا کو پیغمبر بنا کر بھیجا ہے۔۔۔۔۔ اس سے پیشتر میں نے کبھی کسی سے اجازت طلب نہیں کی اور آئندہ بھی کسی سے طلب نہیں کروں گا۔۔۔۔۔

حضرت علی  کا حضور کوغسل دینا

جب رسول اﷲ صلی اﷲ علیہ وسلم کا وصال ہوا تو آپ کے غسل کے متعلق یہ سوال پیدا ہوا کہ آپ ا کو عام آدمیوں کی طرح برہنہ غسل دیا جائے یا کپڑے میں۔۔۔۔۔ ناگاہ تمام حاضرین پر خواب کا غلبہ ہوگیا۔۔۔۔۔ یہاں تک کہ تمام اپنے اپنے سینوں پر ٹھوڑیاں رکھ کر آرام کرنے لگے۔۔۔۔۔ اسی اثناء میں ان کے کانوں میں آواز آئی: رسول خدا صلی اﷲعلیہ وسلم کو ان کے پیراہن میں ہی غسل دو۔۔۔۔۔

حضرت سیدنا امیر المومنین حضرت علی رضی اﷲعنہ فرماتے ہیں کہ مجھے حضور علیہ السلام نے وصیت فرمائی کہ میرے غسل کا انتظام تم ہی کرنا۔۔۔۔۔ کیونکہ میرے سترِ عورت پر تمہارے سوا جس کی بھی نگاہ پڑے گی وہ نابینا ہوجائے گا۔۔۔۔۔

جسد پاک و اطہر و مطہر

حضرت سیدنا علی المرتضیٰ رضی اﷲعنہ نے آپ اکو غسل دیتے ہوئے آپ کے بدن مبارک پر کسی قسم کی کوئی میل نہ دیکھی تو برجستہ ان کی زبان پر آیا: آپ اپر میرے ماں باپ تصدق! آپ ا کی حیات و ممات کیسی پاکیزہ و مطہر ہیں۔۔۔۔۔

تدفین کے وقت جہان تاریکی میں ڈوب گیا

حضور علیہ السلام کی تدفین کے دن اس قدر تاریکی چھا گئی کہ بعض صحابہ بعض کو دیکھنے نہ پائے۔۔۔۔۔ اگراپنی ہتھیلی کھولتے تو کچھ نظر نہ آتا۔۔۔۔۔ یہ تاریکی حضور علیہ السلام کی تدفین تک چھائی رہی۔۔۔۔۔

حضرت علی رضی اﷲ عنہ کا بیان ہے کہ جب حضور سیدعالم صلی اﷲعلیہ وسلم کا انتقال ہوا تو غیب سے آواز آئی:

’’السلام علیکم اھلبیت ورحمۃ اﷲ وبرکاتہ کل نفس ذائقۃ الموت وانما توفون اجورکم یوم القیامۃ‘‘

کہتے ہیں جب حضور علیہ السلام کی وفات کی خبر آپ ا کے مؤذن عبداﷲ بن زید انصاری ؓ نے سنی تو اس قدر غم زدہ ہوئے کہ نابینا ہونے کی دعا مانگنے لگے۔۔۔۔۔ چونکہ میرے آقا کے بغیر یہ دنیا میرے لئے قابل زیست نہیں رہی۔۔۔۔۔ آپ اسی وقت نابینا ہوگئے۔۔۔۔۔

لوگوں نے کہا: تم نے یہ دعا کیوں مانگی؟۔۔۔۔۔

فرمایا: لذت نگاہ تو آنکھوں میں ہے۔۔۔۔۔ مگر حضور صلی اﷲعلیہ وسلم کے بعد اب میری آنکھیں کسی کے دیدار کا ذوق ہی نہیں رکھتیں۔۔۔۔۔

قبر سے بخشش کی ضمانت دی گئی

حضرت سیدنا علی رضی اﷲ عنہ کہتے ہیں کہ جب ہم حضور علیہ السلام کو دفن کررہے تھے تو ایک اعرابی آکر حضور علیہ السلام کی تربت انور پر لیٹ گیا۔۔۔۔۔ اپنے سر میں خاک ڈالتا اور کہتا تھا: یا رسول اﷲا! آپ نے حکم دیا اور ہم نے سنا۔۔۔۔۔ آپ ا نے قرآن کریم اﷲ تعالیٰ سے سیکھا اور ہم نے آپ کی ذات گرامی سے سیکھا۔۔۔۔۔

 اﷲ تعالیٰ نے فرمایا: اگر یہ لوگ اپنے نفسوں پر ظلم کریں تو آپ کی خدمت میں حاضر ہو کر اﷲ تعالیٰ سے استغفار کریں اور اﷲ کا رسول ان کی بخشش طلب کرے تو وہ اﷲ کو توبہ قبول کرنے والا اور رحم کرنے والا پائیں گے۔۔۔۔۔ ہم نے اپنی جانوں پر ظلم کیا اور آپ ا کی بارگاہ میں حاضر ہوئے ہیں تاکہ آپ ا ہماری بخشش طلب کریں۔۔۔۔۔ اسی وقت قبر اطہر سے آواز آئی: تم بخشے گئے ہو۔۔۔۔۔

حضرت علی  کے کثرت علم کی وجہ

کہتے ہیں امیر المومنین حضرت علی کرم اﷲ وجہہ سے ان کی زیادتی کا علم و فضل اور قوت حافظہ کے تیز ہونے کی وجہ دریافت کی گئی تو فرمایا: جب میں رسول اﷲ صلی اﷲعلیہ وسلم کو غسل دے رہا تھا تو تھوڑا سا پانی آپ ا کے چشم خانہ میں رہ گیا۔۔۔۔۔ میں نے اسے زمین پر گرانے سے دریغ کیا ۔۔۔۔۔ میں نے وہ پانی اٹھا کر پی لیا۔۔۔۔۔ یہی میرے علم و فضل اور قوت حافظہ کے تیز ہونے کا باعث ہے۔۔۔۔۔

غسل میں فرشتے شریک ِکار تھے

حضرت سیدنا علی رضی اﷲ عنہ سے ہی روایت ہے کہ وقت ِ غسل ہماری مدد غیب سے ہورہی تھی۔۔۔۔۔ ہم نے حضور صلی اﷲعلیہ وسلم کے جس عضو کو دھویا اس کی تقلیب میں دست غائب استعانت کررہا تھا۔۔۔۔۔                                                                                                                                                                                                                                                                                                                              (حوالہ شواہد النبوۃ)

حضور کی محبت سے چوپائے بھی بے نصیب نہ تھے

فتح خیبر میں آنحضرت صلی اﷲعلیہ وسلم کے حصہ مال غنیمت میں ایک گدھا بھی آیا۔۔۔۔۔ آپ ا اس پر سوار ہوئے تو اس سے پوچھا: تمہارا نام کیا ہے؟

کہنے لگا: یزید بن شہاب۔۔۔۔۔

آپ ا نے فرمایا: آج سے تمہار ا نام یعفور رکھا جاتا ہے۔۔۔۔۔

آپ ا نے پھر پوچھا: تمہارا مالک کون تھا؟

اس نے کہا: میرے آقا کا نام مرحت تھا جو ایک بدمزاج یہودی تھا۔۔۔۔۔ جب آ پ ا کا نام سنا کرتا تھا تو بہت ناک بھوں چڑھاتا۔۔۔۔۔ جب وہ میرے پشت پر بیٹھتا تو میں دانستہ بدک جاتا اور اسے نیچے گرادیتا۔۔۔۔۔ میرے ساتھ اس کا سلوک بہت ناروا تھا۔۔۔۔۔ وہ مجھے مارتا اور بھوکا رکھتا ۔۔۔۔۔

حضور علیہ السلام نے پوچھا: تمہاری کیا خواہش ہے؟ کیا تم چاہتے ہو کہ تمہیں جوڑا مہیا کیا جائے؟ کہنے لگا: نہیں یا رسول اﷲ! میرے آبا و اجداد کہا کرتے تھے کہ ہماری نسل میں ستر گدھوں کو انبیاء کی سواری بننے کا شرف حاصل ہوگا۔۔۔۔۔ ہماری آخری نسل پر وہ پیغمبر سوار ہوگا جس کا نام محمد رسول اﷲ ہوگا۔۔۔۔۔ میں چاہتا ہوں کہ میں وہی آخر بنوں۔۔۔۔۔

یہ گدھا آپ ا کے پاس زندگی بھر رہا۔۔۔۔۔ جب حضور ا کی وفات کو تین دن گزرے تو نہایت کرب و اضطراب کے عالم میں ایک کنوئیں میں گر کر مر گیا۔۔۔۔۔

حضور   کو اپنی وفات کا علم تھا

حضرت معاذ بن جبل رضی اﷲ عنہ کو یمن کا گورنر مقررفرمایا تو ان کو بہت طویل وصیتیں کیں۔۔۔۔۔ اور ساتھ ہی فرمایا: معاذ! اگر میری اور تمہاری دوبارہ ملاقات ہونا ہوتی تو میں وصیت کو بہت مختصر کرتا ۔۔۔۔۔ مگر قیامت تک ہم ایک دوسرے کو نہ مل سکیں گے۔۔۔۔۔ چنانچہ معاذ یمن میں ہی تھے کہ حضور علیہ السلام کی وفات واقع ہوگئی۔۔۔۔۔ (حوالہ شواہد النبوۃ)

وفات کا اثر

حضور اقدس صلی اﷲعلیہ وسلم کی وفات سے حضرات صحابہ کرام اور اہل بیت عظام کو کتنا بڑا صدمہ پہنچا؟۔۔۔۔۔ اور اہل مدینہ کا کیا حال ہوگیا؟۔۔۔۔۔ اس کی تصویر کشی کے لئے ہزاروں صفحات بھی متحمل نہیں ہوسکتے۔۔۔۔۔ وہ شمع نبوت کے پروانے جو چند دنوں تک جمال نبوت کا دیدار نہ کرتے تو ان کے دل بیقرار اور ان کی آنکھیں اشکبار ہوجاتی تھیں۔۔۔۔۔

 ظاہر ہے کہ ان عاشقان رسول پر جان عالم صلی اﷲ علیہ وسلم کے دائمی فراق کتنا روح فرسا اور کس قدر جانکاہ صدمہ عظیم ہوا ہوگا؟۔۔۔۔۔ جلیل القدر صحابہ کرام بلا مبالغہ ہوش و حواس کھو بیٹھے۔۔۔۔۔ ان کی عقلیں گم ہوگئیں۔۔۔۔۔ آوازیں بند ہوگئیں اور وہ اس قدر مخبوط الحوس ہوگئے کہ ان کے لئے یہ سوچنا بھی مشکل ہوگیا کہ کیا کہیں؟۔۔۔۔ اور کیا کریں؟ ۔۔۔

حضرت عثمان رضی اﷲعنہ پر ایسا سکتہ طاری ہوگیا کہ وہ ادھر ادھر بھاگے بھاگے پھرتے تھے۔۔۔۔۔ مگر کسی سے نہ کچھ کہتے تھے نہ کسی کی کچھ سنتے تھے۔۔۔۔۔ حضرت علی رضی اﷲ عنہ رنج و ملال میں نڈھال ہو کر اس طرح بیٹھ رہے کہ ان میں اٹھنے بیٹھنے اور چلنے پھرنے کی سکت ہی نہیں رہی۔۔۔۔۔ حضرت عبداﷲ بن انیس رضی اﷲ عنہ کے قلب پر ایسا دھچکا لگا کہ وہ اس صدمہ کو برداشت نہ کرسکے۔۔۔۔۔ اور ان کا اس صدمہ سے انتقال ہوگیا۔۔۔۔۔

حضرت عمر رضی اللہ تعالیٰ عنہ کا جوش

حضرت عمر رضی اﷲ عنہا اس قدر ہوش و حواس کھو بیٹھے کہ انہوں نے تلوا رکھینچ لی اور ننگی تلوار لے کر مدینہ کی گلیوں میں ادھر ادھر آتے جاتے تھے اور یہ کہتے پھرتے تھے کہ اگر کسی نے یہ کہا کہ رسول اﷲ صلی اﷲعلیہ وسلم کی وفات ہوگئی تو میں اس تلوار سے اس کی گردن اڑا دوں گا۔۔۔۔۔

حضرت عائشہ رضی اﷲ عنہا کا بیان ہے کہ وفات کے بعد حضرت عمر ص و حضرت مغیرہ بن شعبہ ص اجازت لے کر مکان میں داخل ہوئے۔۔۔۔۔ حضرت عمر ص نے حضور صلی اﷲ علیہ وسلم کو دیکھ کر کہا کہ بہت ہی سخت غشی کا دورہ پڑ گیاہے۔۔۔۔۔

جب وہاںسے چلنے لگے تو حضرت مغیرہ ص نے کہا کہ اے عمر! تمہیں کچھ خبر بھی ہے ؟ حضور صلی اﷲعلیہ وسلم کا وصال ہوچکا ہے۔۔۔۔۔ یہ سن کر حضرت عمر ص آپے سے باہر ہوگئے اور تڑپ کر بولے کہ اے مغیرہ! تم جھوٹے ہو حضور ا کا اس وقت تک انتقال نہیں ہوسکتا جب تک دنیا سے ایک ایک منافق کا خاتمہ نہ ہوجائے۔۔۔۔۔

حضرت ابوبکر رضی اللہ تعالیٰ عنہ کی آمد

مواہب لدنیہ میں طبری سے منقول ہے کہ حضور صلی اﷲعلیہ وسلم کی وفات کے وقت حضرت ابوبکر صدیق ’’سخ‘‘ میں تھے۔۔۔۔۔ جو مسجد نبوی سے ایک میل کے فاصلہ پر ہے ۔۔۔۔۔ ان کی بیوی حضرت حبیبہ بنت خارجہ وہیں رہتی تھیں۔۔۔۔۔ چونکہ دو شنبہ کی صبح کو مرض میں کمی نظر آئی اور کچھ سکون معلوم ہوا۔۔۔۔۔ اس لئے حضور انے خود حضرت ابوبکر صدیق رضی اﷲ عنہ کو اجازت دے دی تھی کہ تم سخ چلے جاؤ اور بیوی بچوں کو دیکھتے آؤ۔۔۔۔۔

بخاری شریف وغیرہ میں ہے کہ حضرت ابوبکر ص اپنے گھوڑے پر سوار ہو کر ’’سخ‘‘ سے آئے اور کسی سے کوئی بات نہ کہی نہ سنی۔۔۔۔۔ سیدھے حضرت عائشہ رضی اﷲ عنہا کے حجرے میں چلے گئے اور حضور صلی اﷲ علیہ وسلم کے رخ انور سے چادر ہٹا کر آپ پر جھکے اور آپ کی دونوں آنکھوں کے درمیان نہایت گرم جوشی کے ساتھ ایک بوسہ دیا اور کہا کہ آپ کی حیات اور وفات دونوں حالتوں میں پاکیزہ رہے۔۔۔۔۔

 میرے ماں باپ آپ پر فدا ہوں۔۔۔۔۔ ہر گز خداوند تعالیٰ آپ پر دو موتوں کو جمع نہیں فرمائے گا۔۔۔۔۔ آپ کی جو موت لکھی ہوئی تھی آپ اس موت کے ساتھ پاچکے ۔۔۔۔۔ اس کے بعد حضرت ابوبکر صدیق رضی اﷲ عنہ مسجد میں تشریف لائے تو اس وقت حضرت عمر رضی اﷲعنہ لوگوں کے سامنے تقریر کررہے تھے۔۔۔۔۔ آپ نے فرمایا: اے عمر! بیٹھ جاؤ۔۔۔۔۔ حضرت عمر ص نے بیٹھنے سے انکار کردیا۔۔۔۔۔

حضرت ابوبکرصدیق رضی اللہ تعالیٰ عنہ کی یادگار تقریر

تو حضرت ابوبکر صدیق رضی اﷲعنہ نے انہیں چھوڑ دیا اور خود لوگوں کو متوجہ کرنے کے لئے خطبہ دینا شروع کردیا کہ:

’’اما بعد ! جو شخص تم میں سے محمد صلی اﷲ علیہ وسلم کی عبادت کرتا تھا وہ (جان لے) کہ محمد ا  کا وصال ہوگیا ۔۔۔۔۔ اور جو شخص تم میں سے خدا کی پرستش کرتا تھا تو خدا زندہ ہے وہ کبھی نہیں مرے گا۔۔۔‘‘

                                                پھر اس کے بعد حضرت ابوبکر صدیق ص نے سورئہ آل عمران کی یہ آیت تلاوت فرمائی:۔۔

’’وما محمد الا رسول قد خلت من قبلہ الرسل افائن مات او قتل انقلبتم علی اعقابکم ومن ینقلب علی عقبیہ فلن یضر اﷲ شیا وسیجزاﷲ الشاکرینo‘‘

’’اور محمد(ا) تو ایک رسول ہیں۔۔۔۔۔ ان سے پہلے بہت سے رسول ہوچکے تو کیا اگر وہ انتقال فرما جائیں یا شہید ہوجائیں تو تم الٹے پاؤں پھر جاؤ گے؟ اور جو الٹے پاؤں پھرے گا۔۔۔۔۔ اﷲ کا کچھ نقصان نہ کرے گا۔۔۔۔ اور عنقریب اﷲ شکر ادا کرنے والوں کو ثواب دے گا۔۔۔‘‘

                                                حضرت عبداﷲ بن عباس کہتے ہیں کہ حضرت ابوبکر صدیق رضی اﷲعنہ نے یہ آیت تلاوت کی تو معلوم ہوتا تھا کہ گویا کوئی اس آیت کو جانتا ہی نہ تھا۔۔۔۔۔ ان سے سن کر ہر شخص اسی آیت کو پڑھنے لگا۔۔۔۔۔

                                                                                                            (بخاری ج۱ص۱۶۶ باب الدخول علی المیت الخ ومدارج النبوۃ ج۲ص۴۳۳)

منافقوں کی خوشی۔۔۔ صحابہ کرام رضی اللہ عنہم اجمعین کی بے چینی

باہر لوگوں نے یہ خبر سنی تو ایک طرف منافقوں نے خوشی ظاہر کرنا اور جرأت سے سر اٹھانا شروع کیا۔۔۔۔۔ دوسری طرف مسلمانوں میں سخت بے چینی پیدا ہوئی۔۔۔۔۔ ہر طرف سے دوڑ کر حجرئہ نبوی پر جمع ہوگئے اور رسول اﷲ صلی اﷲ علیہ وسلم کو دیکھنے لگے۔۔۔۔۔ سب بدحواسی سے چلا رہے تھے:

’’رسول اﷲا کیسے وفات پاسکتے ہیں۔۔۔۔۔ جب کہ ہم پر شہید ہیں اور ہم ساری دنیا پر شہید ہیں۔۔۔۔۔ اور جبکہ ہم اب تک سب پر غالب نہیں آئے ہیں؟ نہیں ! واﷲ نہیں! آپ ہر گز مرے نہیں۔۔۔۔ بلکہ اسی طرح آسمان پر اٹھا لئے گئے ہیں جس طرح عیسیٰ بن مریم (ں) اٹھالئے گئے تھے اور عنقریب نزول فرمائیں گے۔۔۔۔۔‘‘

یہی نہیں بلکہ وہ دھمکانے لگے ۔۔۔۔۔کہ خبردار کوئی آپ کی موت کا لفظ زبان پر نہ لائے۔۔۔۔

حضرت فاطمہ رضی اللہ تعالیٰ عنہا  کا اظہار غم

ام المومنین حضرت عائشہ صدیقہ رضی اﷲعنہا کی زبانی اوپرسن چکے ہیں کہ وہ اپنی کم سنی کی وجہ سے پوری طرح سمجھ نہ سکیں کہ طائر روح پرواز کرچکا ہے۔۔۔۔۔ لہٰذا وہ دوسری عورتوں کے ساتھ رونے کھڑی ہوگئیں۔۔۔۔۔

حضرت فاطمۃ الزہرا رضی اﷲعنہا جن پر قدرتاً حادثہ کا بہت زیادہ اثر تھا۔۔۔۔۔ برابر روئے جارہی تھیں اور یوں کہتی جاتی تھیں:

یا ابتاہ! اجاب ربا دعاہ۔۔۔

یا ابتاہ! من جنۃ الفردوس ماواہ۔۔۔

یا ابتاہ! الیٰ جبرایل ننعاہ۔۔۔

یا ابتاہ! ربہ یکرمہ اذا دناہ۔۔۔

الرب والرسل یسلم علیہ حین یلقاہ۔۔۔

یا ابتاہ! من ربہ ما ادناہ۔۔۔

(ہائے ابا جان! جنہوں نے پروردگار کی پکار پر لبیک کہا۔۔۔۔۔ ہائے ابا جان! جن کا ٹھکانہ جنت الفردوس ہے۔۔۔۔۔ ہائے ابا جان! جن کی وفات کی خبر ہم جبرائیل کو سناتے ہیں۔۔۔ ہائے ابا جان! ان کا رب انہیں عزت دے۔۔۔۔ جب وہ اس کے پاس پہنچیں۔۔۔ ہائے اباجان! جو اپنے رب کے انتہائی قریب ہیں۔۔۔)

حضورصلی اللہ علیہ وسلم  کا غسل مبارک

حضور صلی اﷲ علیہ وسلم کے غسل مبارک کے وقت صحابہ کرام علیہم الرضوان سوچنے لگے اور آپس میں کہنے لگے کہ جس طرح دوسرے لوگوں کے کپڑے اتار کر ان کو غسل دیا جاتا ہے۔۔۔۔۔ کیا اسی طرح حضور ا کے کپڑ مبارک بھی اتار کر حضور ا  کو غسل دیا جائے گا؟۔۔۔ یا حضور ا  کو کپڑوں سمیت غسل دیا جائے ؟ ۔۔۔

اس بات پر گفتگو کررہے تھے کہ اچانک سب پر نیند طاری ہوگئی اور سب کے سر ان کے سینوں پر ڈھلک آئے۔۔۔۔۔ پھر سب کو ایک آواز آئی۔۔۔۔۔ کوئی کہنے والا کہہ رہا تھا : ۔۔۔

’’تم جانتے نہیں یہ کون ہیں؟خبردار! یہ رسول اﷲ ہیں۔۔۔۔۔ ان کے کپڑے نہ اتارنا ۔۔۔۔۔ انہیں کپڑوں سمیت ہی غسل دو۔۔۔۔۔‘‘

پھر سب کی آنکھیں کھل گئیں اور حضورصلی اﷲ علیہ وسلم کو کپڑوں سمیت ہی غسل دیا گیا۔۔۔۔۔                                                                                                                                                                                                                                                                                                                                                                  (مواہب لدنیہ ص۳۷۸ج۳و مشکوٰۃ ص۵۳۷)

بیہقی نے بطریق معشر محمد بن قیس رضی اﷲعنہ سے روایت کی۔۔۔۔۔ انہوں نے کہا کہ علی مرتضیٰ کرم اﷲ وجہہ نے فرمایا کہ ہم غسل دینے کے لئے جس عضو کو اٹھانا چاہتے تھے تو وہ عضو ہمارے لئے اٹھادیا جاتا تھا۔۔۔۔۔ حتیٰ کہ جب ہم نے آپ کے ستر کو غسل دینا چاہا۔۔۔۔۔ تو میں نے حجرے کے ایک گوشے سے آواز سنی کہ۔۔۔۔۔ اپنے نبی کے ستر کو نہ کھولو۔۔۔۔۔

بیہقی نے علباء بن احمر رضی اﷲعنہ سے روایت کی انہوں نے کہا کہ رسول اﷲ صلی اﷲعلیہ وسلم کو حضرت علی رضی اﷲ عنہ اور حضرت فضیل رضی اﷲعنہ دونوں غسل دے رہے تھے تو حضر ت علی کرم اﷲ وجہہ کو ندا کی گئی کہ تم اپنی نگاہوں کو آسمان کی طرف اٹھالو۔۔۔۔۔

ابن سعد نے عبداﷲ بن حارثہ رضی اﷲعنہ سے روایت کی کہ علی مرتضیٰ کرم اﷲ وجہہ نے نبی کریم صلی اﷲعلیہ وسلم کو غسل دیا تو آپ فرماتے تھے میرے ماں باپ آپ پر قربان ۔۔۔۔۔ آپ کی حیات بھی کتنی طیب ہے اور آپ کی وفات بھی کتنی پاکیزہ ہے۔۔۔۔۔ راوی نے کہا کہ ایسی خوشبودار مہک پھیلی کہ اس جیسی مہک کبھی نہ پائی گئی۔۔۔۔۔

ابن عساکر نے حضرت علی مرتضیٰ کرم اﷲ وجہہ سے روایت کی ۔۔۔۔۔ انہوں نے فرمایا کہ جب ابوبکر صدیق رضی اﷲعنہ کی رحلت کا وقت آیا تو انہوں نے مجھے اپنے سرہانے بٹھا کر مجھ سے فرمایا :

’’ اے علی! جب میں سوجاؤں تو مجھے ان ہاتھوں سے غسل دینا جس سے تم نے رسول اﷲ ا  کو غسل دیا اور مجھے خوشبو میں بسا کر اس حجرے تک لے جانا جس میں رسول اﷲ ا آرام فرما ہیں۔۔۔۔۔ اور اجازت چاہنا ۔۔۔۔۔ اب اگر تم دیکھو کہ دروازہ کھل گیا ہے تو مجھے اندر لے جانا ورنہ مجھے مسلمانوں کے قبرستان لے جانا یہاں تک کہ اﷲ تعالیٰ اپنے بندوں کے درمیان فیصلہ فرمادے۔۔۔۔۔‘‘

حضرت علی مرتضی رضی اﷲعنہ نے فرمایا چنانچہ آپ کو غسل دیا گیا اور کفن پہنایا گیا اور سب سے پہلے میںنے دروازے تک پہنچنے میں عجلت کی اور عرض کیا:

’’ یا رسول اﷲا! یہ ابوبکر ص حاضر ہیں اور اجازت چاہتے ہیں۔۔۔۔۔‘‘

 پھر میں نے دیکھا کہ دروازہ کھل گیا اور کسی کہنے والے نے کہا:

’’ حبیب کو اس کے حبیب کے پاس لے آؤ۔۔۔۔۔ کیونکہ حبیب حبیب کا مشتاق ہے۔۔۔‘‘                                                                                                                                             (خصائل کبریٰ)

وفات کے وقت بے مثال خوشبو

بزار و بیہقی نے بسند صحیح حضرت عائشہ صدیقہ رضی اﷲعنہا سے روایت کی۔۔۔۔۔ انہوں نے کہا کہ رسول اﷲ صلی اﷲعلیہ وسلم میرے سینے اور میری گردن کے درمیان قبض کئے گئے۔۔۔۔۔ جب آپ کی روح مقدس باہر آئی تو اس سے زیادہ طیب خوشبو کبھی نہ پائی۔۔۔۔۔                                                                                                                                                                                                                                                                                                                                                                                                                                                                                                                                                          (خصائل کبریٰ)

بیہقی نے ام سلمہ رضی اﷲ عنہا سے روایت کی انہوں نے فرمایا کہ میں نے اپنا ہاتھ رسول اﷲ صلی اﷲ علیہ وسلم کے سینہ اقدس پر وفات کے دن رکھا تو کئی جمعہ مجھ پر گزرے گئے میں کھانا کھاتی ہوں اور وضو کرتی ہوں مگر میرے ہاتھ سے مشک کی خوشبو نہ گئی۔۔۔۔۔

انبیاء علیہم السلام کے اجساد مطہر کوزمین پر حرام کردیا گیا ہے

ابن ماجہ و ابو نعیم نے اوس بن اوس ثقفی رضی اﷲعنہ سے روایت کی کہ نبی کریم صلی اﷲعلیہ وسلم نے فرمایا:

’’تمہارے افضل دنوں میں سے جمعہ کا دن ہے۔۔۔۔۔ لہٰذا تم اس دن مجھ پر درود و سلام بھیجنے میں کثرت کرو۔۔۔۔۔ کیونکہ تمہارا درود مجھ پر پیش کیا جاتا ہے۔۔۔۔۔‘‘

صحابہ نے عرض کیا: یا رسول اﷲ ا! ہمارے درود آپ پر کس طرح پیش کئے جائیں گے ۔۔۔۔۔ درآں حالیکہ آپ زمین میں ہوں گے۔۔۔۔۔

حضور صلی اﷲعلیہ وسلم نے فرمایا: اﷲ تعالیٰ نے زمین پر حرام کردیا ہے کہ وہ انبیاء کے اجساد کو کھائے۔۔۔۔۔

زبیر بن بکار نے ’’اخبار مدینہ‘‘ میں الحسن رضی اﷲعنہ سے روایت کی انہوں نے کہا کہ رسول اﷲ صلی اﷲ علیہ وسلم نے فرمایا کہ جس شخص سے روح القدس نے کلام کیا ہے اس کے لئے زمین کو اجازت نہیں دی گئی کہ وہ اس کا گوشت کھائے۔۔۔۔۔

                                                                                                                                                                                                                                                                                                                                                  (خصائل کبریٰ)

ابویعلیٰ و بیہقی نے انس رضی اﷲعنہ سے روایت کی کہ نبی کریم صلی اﷲعلیہ وسلم نے فرمایا کہ انبیاء علیہم السلام اپنی قبروں میں زندہ ہیں اور نماز پڑھتے ہیں۔۔۔۔۔

قبر مبارک سے نکلنے والے آخری آدمی

آپ صلی اﷲ علیہ وسلم کو لحد میں رکھنے کے بعد سب سے آخر میں آپ ا کی قبر مبارک سے حضرت قثم ابن عباس ص نکلے۔۔۔۔۔ ایک قول ہے کہ سب سے آخر میں نکلنے والے حضرت مغیرہ ابن شعبہ تھے۔۔۔۔۔ کیونکہ انہوں نے اپنی انگشتری قبر مبارک میں گرادی تھی۔۔۔۔۔ پھر انہوں نے حضرت علی ص سے کہا:

’’ اے ابو الحسن! میری انگشتری۔۔۔۔۔ میں نے اسے جان بوجھ کر گرایا ہے تاکہ میں آنحضرت ا کو چھو سکوں اور لوگوں میں آخری بار آپ کو چھونے والا میں ہی ہوں۔۔۔۔۔‘‘

علی ص کادوبارہ قبر میں اترنے کا بہانہ

حضر ت علی رضی اﷲعنہ نے فرمایا: اتر جاؤ اور اٹھالو۔۔۔۔۔ ایک قول ہے کہ انہوں نے پھاوڑا گرایا تھا اور پھر ایک دم کہنے لگے : پھاوڑا ۔۔۔۔۔ پھاوڑا۔۔۔۔۔ پھر وہ قبر میں اترے اور پھاوڑا اٹھالائے۔۔۔۔۔

 کہا جاتا ہے کہ جب حضرت مغیرہ ص نے حضرت علی ص سے یہ بات کہی تو خود حضرت علی ص اتر کر وہ انگوٹھی یا پھاوڑا اٹھالائے یا کسی کو حکم دیا اور وہ قبر میں اتر کر اٹھالایا۔۔۔۔۔ پھر حضرت علی ص نے ان سے فرمایا: تم نے ایسا اس لئے کیا کہ یہ دعویٰ کرسکو کہ آنحضرت ا کے قریب جانے والے آخری آدمی تم تھے۔۔۔۔۔ ادھر اس روایت پر ایک اعتراض یہ کیا جاتا ہے کہ حضرت مغیرہ ص آنحضرت کے دفن میں موجود ہی نہیں تھے۔۔۔۔۔

ایک روایت میں ہے کہ عراق کے لوگوں کی ایک جماعت حضرت علی ص کے پاس آئی اور انہوں نے کہا:

’’اے ابوالحسن! ہم آپ کے پاس ایک بات دریافت کرنے کیلئے آئے ہیں اور چاہتے ہیں کہ آپ ہمیں اس کے متعلق بتائیں۔۔۔‘‘

حضرت علی ص نے فرمایا:

’’میرا خیال ہے مغیرہ ابن شعبہ نے تم سے یہ کہا ہے کہ آنحضرت ا کے پاس سے آنے والے آخری آدمی وہ ہیں۔۔۔۔۔‘‘

انہوں نے کہا بے شک ہم اسی بارے میں معلوم کرنے کے لئے آپ کے پاس آئے ہیں۔۔۔۔۔

حضرت علی ص نے فرمایا:

 ’’آنحضرت ا کے پاس سے آنے والے آخری آدمی قثم ابن عباس ہیں۔۔۔‘‘

مزار مبارک روئے زمین کی افضل ترین جگہ

اس بات پر علامہ کی بیان کردہ روایت کے مطابق اجماعت ہے کہ یہ جگہ جہاں آنحضرت صلی اﷲعلیہ وسلم کا جسم مدفون ہے روئے زمین کے تمام مقامات سے افضل ہے۔۔۔۔۔ یہاں تک کہ کعبہ شریف کی جگہ سے بھی افضل ہے۔۔۔۔۔ بعض حضرات نے کہا ہے کہ آسمان کے تمام مقامات سے بھی افضل ہے ۔۔۔۔۔ یہاں تک کہ عرش سے بھی زیادہ (مگر یہ قول قابل بحث ہے)

شیخین رحمہم اﷲ نے حضرت عائشہ صدیقہ رضی اﷲعنہا سے روایت کی۔۔۔۔۔ انہوں نے کہا کہ رسول اﷲ صلی اﷲعلیہ وسلم اپنی صحت کی حالت میں فرمایا کرتے تھے کہ کوئی نبی اس وقت تک قبض نہ کیا گیا جب تک کہ جنت میں اس نبی کے مقام کو اسے نہ دکھادیا گیا۔۔۔۔۔ اس کے بعد اس کو اختیار دیا جاتا کہ وہ اور چاہے تو رہے۔۔۔۔۔

ام المومنین فرماتی ہیں کہ جب رسول اﷲ صلی اﷲ علیہ وسلم پر مرض کا نزول ہوا تو آپ کو سر مبارک میری ران پر تھا اور آپ پر غشی طاری تھی ۔۔۔۔۔ جب افاقہ ہوا تو آپ نے اپنی نگاہ مبارک حجرے کی چھت کی طرف جمائی اور فرمایا:

’’اللھم بالرفیق الاعلیٰ‘‘

اس وقت میں نے پہچان لیا کہ یہ وہی بات ہے جسے آپ نے ہم سے صحت کی حالت میں فرمایا تھا۔۔۔۔۔                                                                                                                                                                                                                                                                                                                                                                                                                                                                        (خصائل کبریٰ)

ابوبکر   و عمر رضی اللہ تعالیٰ عنہماکا خمیر اسی خاک سے

ایک حدیث میں آتا ہے کہ آدمی اس مٹی میں یعنی اسی جگہ دفن ہوتا ہے جہاں سے اس کا خمیر اٹھایا جاتا ہے۔۔۔۔۔ اس سے ثابت ہوتا ہے کہ آنحضرت صلی اﷲ علیہ وسلم اور حضرت ابوبکرص و عمر ص کا ایک ہی جگہ کی مٹی سے تخلیق کئے گئے تھے۔۔۔۔۔ کیونکہ یہ تینوں حضرات ایک جگہ کی مٹی میں دفن ہوئے ہیں۔۔۔۔۔

حضرت ابوبکرکی قبر  کیلئے اذانِ نبوی صلی اللہ علیہ وسلم

چنانچہ جب وقت آیا تو صدیق اکبر رضی اﷲ عنہ کی وصیت کے مطابق جنازہ لے جاکر لوگ وہاں ٹھہرے اور ان کے بتائے ہوئے کلمات کہے تو اچانک تالا خودبخودنیچے گرا اور دروازہ کھل گیا۔۔۔۔۔ پھر اندرسے کسی پکارنے والے کی یہ آوازآئی:

’’حبیب کو حبیب کے پاس اندر لے آؤ۔۔۔۔۔ کیونکہ ایک حبیب دوسرے حبیب کا مشتاق ہے۔۔۔۔۔‘‘

بیہقی نے کعب بن عدی رضی اﷲ عنہ سے روایت کی انہوں نے کہا میں حیرہ والوں کے وفد میں نبی کریم صلی اﷲعلیہ وسلم کی خدمت میں حاضر ہوا اور حضورا نے دعوت اسلام دی اور ہم سب مسلمان ہوگئے۔۔۔۔۔ اس کے بعد ہم سب حیرہ واپس آگئے۔۔۔۔۔

زیادہ دن نہ گزرے کہ ہمارے پاس رسول اﷲ ا کی وفات کی خبر آئی اور میرے تمام ساتھی مرتد ہوگئے اور وہ کہنے لگے کہ وہ نبی ہوتے تو فوت نہ ہوتے اس پر میں نے کہا آپ سے پہلے تمام انبیاء علیہم السلام فوت ہوئے ہیں اور میں اسلام پر قائم رہا۔۔۔۔۔ اس کے بعد میں نے مدینہ طیبہ پہنچنے کا ارادہ کیا اور میر اگزر ایک راہب پر ہوا۔۔۔۔۔ میں نے اس سے یہ بات معلوم کی۔۔۔۔۔

تو راہب نے بستر سے ایک کتاب نکالی۔۔۔۔۔ میں نے اس میںنبی کریم صلی اﷲعلیہ وسلم کی ایسی صفت لکھی پائی۔۔۔۔۔ جیسا کہ میں نے آپ کو دیکھا تھا۔۔۔۔۔ اور میں نے دیکھا کہ آپ کی وفات کا وہی وقت لکھا جس وقت آپ نے وفات پائی۔۔۔۔۔ یہ دیکھ کر میری ایمانی بصیرت میں اور اضافہ ہوگیا۔۔۔۔۔ اور میں نے مدینہ شریف آکر ابوبکر صدیق رضی اﷲعنہ کو سب حال بتایا۔۔۔۔۔

دربار نبوت کی حاضری کا ایک عجیب واقعہ

یہ واقعہ جو نقل کیا جاتا ہے کوئی خواب یا افسانہ نہیں۔۔۔۔۔ صحیح اور سچا واقعہ ہے جو محمد ثانہ اسناد صحیح کے ساتھ نقل کیا گیا ہے۔۔۔۔۔ نویں صدی ہجری کے مشہور و معروف علامہ عبدالعزیز مکی اپنے رسالہ ’’فیض الجود علی حدیث شیبتنی ہود‘‘ میں عارف باﷲ سیدی عبداﷲ ابن سعد یافعی کی کتاب نشر المحاسن کے حوالے سے نقل کرتے ہیں اور حضرت یافعی فرماتے ہیں کہ یہ واقعہ مجھے صحیح اسناد کے ساتھ پہنچا ہے اور اس زمانہ میں بہت زیادہ مشہور ہوا ہے۔۔۔۔۔

واقعہ یہ ہے کہ عارف باﷲ شیخ ابن الزغب یمنی ؒ کی عادت تھی کہ ہمیشہ اپنے وطن سے سفر کرکے اول حج ادا کرتے اور پھر زیارت روضہ رسول اﷲ صلی اﷲعلیہ وسلم کے لئے حاضر ہوتے تھے۔۔۔۔۔ حاضری دربار کے وقت والہانہ اشعار قصیدہ آنحضرت صلی اﷲعلیہ وسلم اور آپ کے مصاحبین حضرت ابوبکر صدیق ص اور فاروق اعظم ص کی شان میں لکھ کر روضہ اقدس کے سامنے پڑھا کرتے تھے۔۔۔۔۔

ایک مرتبہ حسب عادت وہ قصیدہ پڑھ کر فارغ ہوئے تو ایک رافضی خدمت میں حاضر ہوا اور درخواست کی کہ آج میری دعوت قبول کیجئے۔۔۔۔۔ حضرت شیخ نے ازروئے تواضع اور اتباع سنت دعوت قبول فرمالی۔۔۔۔۔ آپ کو اس کا حال معلوم نہ تھا کہ یہ رافضی ہے اور صدیق اکبر ص اور فاروق اعظم ص کی مدح کرنے سے ناراض ہے۔۔۔۔۔ آپ حسب وعدہ اس کے مکان پر تشریف لے گئے ۔۔۔۔۔ مکان میں داخل ہوتے ہی ا س نے اپنے دوحبشی غلاموں کو اشارہ کیا جن کو پہلے سمجھا رکھا تھا۔۔۔۔۔ وہ دونوں اس ولی اﷲ کو لپٹ گئے اور آپ کی زبان مبارک کاٹ ڈالی۔۔۔۔۔ اس کے بعد اس کمبخت رافضی نے کہا کہ جاؤ یہ زبان ابوبکرو عمر (رضی اﷲعنہم) کے پاس لے جاؤ جن کی تم مدح کیا کرتے ہو وہ اس کو جوڑ دیں گے۔۔۔۔۔

شیخ موصوف کٹی ہوئی زبان ہاتھ میں لئے ہوئے روضہ اقدس کی طرف دوڑے اور روضہ مبارک کے سامنے کھڑے ہو کر اپنا واقعہ ذکر کیا اور روئے۔۔۔۔۔ جب رات ہوئی تو خواب میں سرور عالم صلی اﷲعلیہ وسلم کی زیارت سے مشرف ہوئے اور آپ کے ساتھ آپ کے مصاحبین حضرت صدیق اکبر و فاروق اعظم بھی اس واقعہ کی وجہ سے غمگین صورت میں تھے۔۔۔۔۔ آنحضرت صلی اﷲعلیہ وسلم نے شیخ کے ہاتھ میں سے یہ کٹی ہوئی زبان اپنے دست مبارک میں لی اور شیخ کو قریب کرکے زبان ان کے منہ میں اپنی جگہ پر رکھ دی۔۔۔۔۔

یہ خواب دیکھ کر شیخ بیدار ہوئے تو دیکھتے ہیں کہ زبان بالکل صحیح و سالم اپنی جگہ پر لگی ہوئی ہے ۔۔۔۔۔ دربار نبوت کا یہ کھلا ہوا معجزہ دیکھ کر اپنے وطن واپس آگئے۔۔۔۔۔

سال آئندہ پھر حج کے بعد مدینہ طیبہ حاضر ہوئے اور حسب عادت قصیدہ مدحیہ روضہ اقدس کے سامنے پڑھ کر فارغ ہوئے۔۔۔۔۔ تو پھر ایک شخص نے دعوت کیلئے درخواست کی۔۔۔۔۔ شیخ نے پھر توکلاً علی اﷲ قبول فرمائی اور اس کے ساتھ مکان میں داخل ہوئے۔۔۔۔۔ تو وہی پہلے دیکھا ہوا مکان معلوم ہوا۔۔۔۔۔ خداوند تعالیٰ کے بھروسہ پر داخل ہوئے۔۔۔۔۔ اس شخص نے نہایت اعزاز و اکرام کے ساتھ بٹھایا اور پرتکلف کھانے کھلائے۔۔۔۔۔

 کھانے کے بعد یہ شخص شیخ کو ایک کوٹھڑی میں لے گیا ۔۔۔۔۔ وہاں دیکھا کہ ایک بندر بیٹھا ہوا ہے۔۔۔۔۔ اس شخص نے شیخ سے کہا کہ آپ جانتے ہیں یہ بندر کون ہے؟فرمایا : نہیں۔۔۔۔۔ اس شخص نے عرض کیا کہ یہ وہی شخص ہے جس نے آپ کی زبان قطع کی تھی۔۔۔۔۔ حق تعالیٰ نے اس کو بندر کی صورت میں مسخ کردیا ہے ۔۔۔۔۔ یہ میر اباپ ہے اور میں اس کا بیٹا ہوں۔۔۔۔۔

سرور عالم صلی اﷲ علیہ وسلم کے معجزات کے سامنے یہ کوئی بڑی چیز نہیں۔۔۔۔۔ لیکن اس سے یہ امر اور ثابت ہو کہ رسالت مآب صلی اﷲعلیہ وسلم جس طرح روضہ اقدس میں زندہ تشریف فرما ہیں اسی طرح آپ کے معجزات کا سلسلہ بھی جاری ہے۔۔۔۔۔اس قسم کے واقعات ایک دو نہیں سینکڑوں کی تعداد میں امت کے ہر طبقہ کو پیش آتے رہتے ہیں۔۔۔۔۔

ایک اور عجیب واقعہ

ابو عبداﷲ الجلاء ؒ بیان کرتے ہیں کہ ایک سال میں بہت مفلس فاقہ زدہ تھا۔۔۔۔۔ اتفافاً مدینہ طیبہ کی حاضری نصیب ہوئی۔۔۔۔۔ میں روضہ اقدس کے سامنے حاضر ہوا۔۔۔۔۔ سلام کے بعد میں نے عرض کیا کہ میں فاقہ رسیدہ ہوں اور آج آپ کا مہمان ہوں ۔۔۔۔۔ یہاں سے فارغ ہو کر آیا تو رات کو سوگیا۔۔۔۔۔ خواب میں جمال مبارک کی زیارت سے مشرف ہوا۔۔۔۔۔ آنحضرت صلی اﷲعلیہ وسلم نے اپنے دست مبارک سے مجھے روٹی عطا فرمائی۔۔۔۔۔ میں نے خواب ہی میں کھانا شروع کردیا۔۔۔۔۔ کچھ حصہ کھایا تھا کہ آنکھ کھل گئی ۔۔۔۔۔ دیکھتا ہوں کہ بچی ہوئی روٹی میرے ہاتھ میں ہے۔۔۔۔۔

                                                                                                                                                                                                                                                                                                        (فیض الجود مذکور ص۲۹)

مدینہ منورہ میں جنت البقیع کا قبرستان اور شہدائے احد کے مزارات ہیں ۔۔۔۔۔ ان پر حاضری دینی چاہئے۔۔۔۔۔ ان کی زیارت کرنا اور یہاں دعا کرنا بہت نفع کا   باعث ہے۔۔۔

یاد رکھئے! مسجد نبوی میں داخل ہونے کے بعد تحیۃ المسجد کا پڑھنا بارگاہ نبوی کی زیارت سے زیادہ مقدم ہے۔۔۔۔۔ یعنی پہلے یہ نوافل ادا کئے جائیں پھر روضہ رسول صلی اﷲعلیہ وسلم کی زیارت کی جائے۔۔۔۔۔ کیونکہ یہ اﷲ رب العزت کا حق ہے جو رسول ا کے حق پر مقد م ہے۔۔۔۔۔

حضرت جابر رضی اﷲ عنہ فرماتے ہیں کہ میں سفر سے آیا تھا ۔۔۔۔۔ بارگاہ نبوی میں حاضر ہوا ۔۔۔۔۔ حضور اقدس صلی اﷲعلیہ وسلم اس وقت مسجد میں تشریف فرما تھے۔۔۔۔۔ مجھ سے دریافت فرمایا کہ کیا تحیۃ المسجد پڑھ لی؟ میں نے عرض کیا نہیں۔۔۔۔۔حکم فرمایا پہلے تحیۃ المسجد پڑھو۔۔۔۔۔ پھر میرے پاس آؤ۔۔۔۔۔

چند زائرین کے حالات و مشاہدات

(1                                اصمعی کہتے ہیں کہ ایک بدوی قبر اطہر کے سامنے آکر کھڑے ہوئے ۔۔۔۔۔ عرض کیا: یااﷲ ! یہ آپ کے محبوب ہیں او رمیں آپ کا غلام اور شیطان آپ کا دشمن ہے۔۔۔۔۔

اگر آپ میری مغفرت فرمادیں گے تو آپ کے محبوب کا دل خوش ہوگا اور آپ کا غلام کامیاب ہوجائے گا اور آپ کا دشمن ذلیل و خوار ہوگا ۔۔۔۔۔ لیکن اگر آپ مغفرت نہ کریں گے۔۔۔۔۔

تو آپ کے محبوب کو رنج ہوگا۔۔۔ اور آپ کا دشمن خوش ہوگا۔۔۔ اور آپ کا غلام ہلاک ہوجائے گا۔۔۔۔۔

الٰہی! عرب کے کریم لوگوں کا دستور ہے کہ جب ان میں کوئی بڑا سردار مرجاتا ہے تو اس کی قبر پر غلاموں کو آزاد کیا کرتے ہیں۔۔۔۔۔ یہ مقدس ہستی سارے جہانوں کی سردار ہے۔۔۔۔۔

تو اس قبر مقدس پر مجھے آگ سے آزادی عطا فرما۔۔۔۔۔

اصمعی کہتے ہیں کہ میں نے یہ سن کر اس عربی سے کہا:

اﷲ تعالیٰ تیرے اس حسن سوال اور طرز دعا پر۔۔۔۔۔ ضرور تیری مغفرت فرما دے گا۔۔۔۔۔

(2                                مشہور بزرگ سید احمد رفاعی جب ۵۵۵ئ؁ میں حج سے فارغ ہوکر زیارت کے لئے حاضر ہوئے تو قبر اطہر کے سامنے کھڑے ہو کر یہ دو شعر پڑھے۔۔۔۔۔

(۱)                             دوری کی حالت میں میں اپنی روح کو خدمت اقدس میں بھیجتا تھا

                                                جو میری نیابت میں آستانہ مبارک کو چومتی تھی۔۔۔۔۔

(۲)                             اب جسم کی حاضری کی باری آئی ہے

پس اپنا دست مبارک بڑھائیے تاکہ میرے ہونٹ اس کو بوسہ دیں۔۔۔۔

اس پر حضور اکرم صلی اﷲ علیہ وسلم کا دست مبارک ظاہر ہو اور رفاعی صاحب نے اس کو بوسہ دیا اور اس نظارہ کو بے شمار لوگوں نے دیکھا۔۔۔۔۔

(3                                امام اعظم ابو حنیفہ رحمۃ اﷲعلیہ کے متعلق منقول ہے کہ جب آپ حضور صلی اﷲعلیہ وسلم کی بارگاہ میں سلام عرض کرتے ’’السلام علیکم یا امام الانبیائ‘‘ تو جواب آتا ’’ اے میری امت کے امام تجھ پر بھی سلام ہو‘‘

(4                                حضرت مولانا جامی ؒ (عبدالرحمن نور الدین جامی) جب بھی حاضری دیتے اور الوداعی سلام کرتے تو حضور صلی اﷲ علیہ وسلم کی طرف سے انہیں سلام کا جواب بھی ملتا اور ساتھ یہ بھی فرماتے کہ ’’خوش روی و باز آئی‘‘ ( جاؤ اور ہمیں ملنے کے لئے پھر لوٹ کر بھی آؤ) ۱۸ سال حضور صلی اﷲ علیہ وسلم کی بارگاہ بے کس پناہ میں اسی طرح حاضری ہوتی رہی۔۔۔۔۔

                                                 اٹھارویں مرتبہ الوداعی سلام عرض کیا تو جواب ملا’’خوش روی ‘‘ مولانا جامی یہ سنتے ہی زار و قطار رونے لگے کہ آقا میں سمجھ گیا ہوں مجھے اس کے بعد حضور ا کے در اقدس پر حاضری نصیب نہیں ہوگی۔۔۔۔۔ اگر پھر آنا نصیب ہوتا تو آپ ’’خوش روی‘‘ کے ساتھ ’’باز آئی‘‘ بھی فرماتے۔۔۔۔۔

(5                                محمد بن عبداﷲبن عمرو العبتی کہتے ہیں کہ میں مدینہ گیا اور قبر اطہر کے پاس پہنچا وہاں بیٹھا تھا کہ ایک بدو اونٹ سوار آیا۔۔۔۔۔اور عرض کیا ’’یا خیر الرسل اﷲ تعالیٰ نے آپ پر قرآن پاک نازل فرمایا اور اس میں فرمایا: اگر یہ لوگ جنہوں نے اپنے نفس پر ظلم کرلیا تھا آپ کے پاس آجاتے اور آکر اﷲ سے اپنے گناہوں کی معافی مانگتے اور رسول بھی ان کے لئے معافی مانگتے تو ضرور اﷲ کو توبہ قبول کرنے والا پاتے۔۔۔

                                                یہ کہہ کر بولا:اے اﷲ کے رسول! میں آپ کے پاس حاضر ہوا ہوں اوراﷲ تعالیٰ سے اپنے گناہوں کی مغفرت چاہتا ہوں۔۔۔۔۔ اور اس میں آپ کی شفاعت کا طالب ہو۔۔۔۔۔ اس کے بعد وہ رونے لگا ۔۔۔۔۔ اور یہ شعر پڑھے:

                                                ’’اے بہترین ذات ان سب لوگوں میں سے جن کی ہڈیاں ہموار زمین میں دفن کردی گئیں۔۔۔۔۔ کہ ان کی وجہ سے زمین اور ٹیلوں میں عمدگی پھیل گئی۔۔۔۔۔ میری جان قربان اس قبر پر جس میں آپ مقیم ہیں کہ اس میں عفت ہے اور اس میں جود ہے اس میں کرم ہے۔۔۔۔۔‘‘

                                                اس کے بعد اس نے استغفار کیااور چلا گیا۔۔۔۔۔

                                                عتبی کہتے ہیں کہ میری آنکھ لگ گئی حضور صلی اﷲعلیہ وسلم کی زیارت ہوئی۔۔۔۔۔ آپ ا نے فرمایا: جاؤ اس بدو سے کہہ دو کہ میری سفارش سے اﷲ پاک نے اس کی مغفرت فرمادی ہے۔۔۔۔۔

روضہ اقدس سے اذان و اقامت کی آواز

انبیاء علیہم السلام کے خصائص میں سے ہے کہ وہ قبروں میں زندہ ہیں۔۔۔۔۔ اور اپنی قبروں میں حقیقتاً نماز اادا فرماتے ہیں۔۔۔۔۔ جیسا کہ شب معراج نبی پاک صلی اﷲعلیہ وسلم نے حضرت موسیٰ علیہ السلام کو دیکھا کہ وہ اپنی قبر میںنماز پڑھ رہے ہیں۔۔۔۔۔ چنانچہ حضرت انس بن مالک رضی اﷲعنہ سے روایت ہے۔۔۔۔۔

’’مررت علی موسیٰ و ھو یصلی فی قبرہ‘‘ (مسلم و نسائی و مسند احمد)

میں موسیٰ علیہ السلام کے پاس سے گزرا تو وہ اپنی قبر میں نماز ادا فرمارہے تھے۔۔۔

دوسری جگہ حضرت انس رضی اﷲ عنہ سے ہی روایت ہے کہ حضور اکرم صلی اﷲعلیہ وسلم نے فرمایا:

’’الانبیاء احیاء فی قبورھم یصلون‘‘

                                                                                                                                                (بیہقی و ابونعیم و زرقانی و فتح الباری)

انبیاء علیہم السلام قبروں میں زندہ ہیں اور وہ نماز ادا فرماتے ہیں۔۔۔۔۔

ان احادیث سے تو یہ ثابت ہوگیا کہ انبیاء علیہم السلام قبور میں زندہ ہیںاور نماز بھی ادا فرماتے ہیں اور ان کو قبروں میں رزق دیا جاتا ہے۔۔۔۔۔ یہ بات تمام انبیاء علیہم السلام کے خصائص سے ہے۔۔۔۔۔ ہمارے آقا علیہ السلام تو انبیاء کے بھی سرور ہیں وہ تو بدرجہ اولیٰ ان خصائص سے متصف ہیں۔۔۔۔۔

چنانچہ اس کی وضاحت سعید بن مسیب رضی اﷲعنہ یوں فرماتے ہیں:

واقعہ کربلا کے بعد جب یزید پلید کو یہ خبر ملی کہ اہل مدینہ نے اس کی بیعت کو اعلانیہ مسخ کردیا ہے یعنی اس کی بیعت قبول نہیں کی تو اس نے اہل مدینہ کو بیعت پر مجبور کرنے کے لئے مسلم بن عقبہ کی قیادت میں شامیوں کا ایک بڑالشکر مدینہ منورہ بھیجا۔۔۔۔۔ جس نے حضور پر نور ۔۔۔۔۔ شافع یوم نشور۔۔۔۔۔ محبوب رب غفور کے شہر اقدس کی حرمت کو پامال کیا او راپنے لشکر کو حرم پاک میں ہر قسم کے ظلم۔۔۔۔۔ بدکاری۔۔۔۔۔ قتل و غارت گری اور ڈاکہ زنی اور لوٹ مار کی اجازت دے دی۔۔۔۔۔

جس سے قتل و غارت گری اور بدکاری کا بازار خوب گرم ہوا اور مسجد نبوی شریف اور اہل مدینہ تین دن تک لشکر شامی کا ہدف بنی رہی۔۔۔۔۔ریاض الجنۃ میں ان ظالموں نے گھوڑے۔۔۔۔۔ خچر۔۔۔۔۔ اونٹ باندھے یہاں تک کہ نبی پاک علیہ السلام کے روضہ انور کی بھی بے حرمتی کی ناپاک جسارت کی گئی۔۔۔۔۔

اس کے بعد حضرت سعید بن مسیب رضی اﷲعنہ فرماتے ہیں کہ حضرت ابوسعید خدری رضی اﷲعنہ نابینا ہوچکے تھے اور وہ مدینہ کی گلیوں سے گزر رہے تھے کہ ظالموں نے آپ کو پہچان لیا اور ان کی ڈاڑھی شریف پکڑ کر منہ پر تھپڑ مارے۔۔۔۔۔ لوگ اپنی عزت و آبرو اور جان ومال بچانے کے لئے اپنے گھروں میں چھپے ہوئے تھے اور میں اس وقت روضہ نبی پاک علیہ السلام میں تھا اور باہر نکلنے کا موقع نہ ملا تو حضور نبی اکرم ا کے روضہ اقدس کے قریب ہی (آپ کے لئے جو منبر تیار کیا گیا تھا) منبر کے نیچے چھپ گیا اور اس منبر کے نیچے تین دن اور تین راتیں رہا۔۔۔۔۔

کسی نے پوچھا: اے سعید بن مسیب! ان دنوں اذان و اقامت معطل ہوچکی تھی اور تو اندر مقید تھا تو نماز کا وقت کیسے معلوم ہوتا تھا؟

حضرت سعید بن مسیب رضی اﷲعنہ فرماتے ہیں:

’’وما یأتی وقت صلاۃ الا سمعت الا ذان من القبر‘‘                                                                                                                                                               (ابو نعیم و خصائص الکبریٰ)

اور کسی نماز کا وقت بھی ایسا نہیں آیا کہ میں نے حضور پر نور صلی اﷲعلیہ وسلم کی قبر انور سے اذان کی آواز نہ سنی ہو۔۔۔۔۔

دوسری روایت میں ان الفاظ کے ساتھ مروی ہے:

’’لم ازل اسمع الاذان والاقامۃ من قبر رسول اﷲ صلی اﷲعلیہ وسلم ایام الحرۃ حتیٰ عاد الناس‘‘

’’میں ایام حرہ کے دوران مسلسل حضور نبی کریم صلی اﷲ علیہ وسلم کی قبر انور سے اذان اور اقامت کی آواز سنتا رہا۔۔۔۔۔ یہاں تک کہ لوگ اپنے معمول کی طرف واپس لوٹ آئے۔۔۔۔۔ یعنی اذان و اقامت شروع ہوگئی۔۔۔۔۔‘‘